Don't Miss!
- Sports 'ಟಿ20 ವಿಶ್ವಕಪ್ಗೆ ಈತನನ್ನು ಆಯ್ಕೆ ಮಾಡಿ'; ಅಜಿತ್ ಅಗರ್ಕರ್ಗೆ ಬಂತು ದೊಡ್ಡ ಮನವಿ!
- Finance ಡಾ. ರಾಜ್ಕುಮಾರ್ ಜನ್ಮದಿನದಂದು ಹೊಸ ಉದ್ಯಮ ಆರಂಭಿಸಿದ ಅಶ್ವಿನಿ ಪುನೀತ್ ರಾಜ್ಕುಮಾರ್
- Lifestyle ಮಲೆನಾಡ ಶೈಲಿನ ಮೃದುವಾದ ಕಡುಬು ಮಾಡೋದು ಹೇಗೆ.? ಸಿಂಪಲ್ ತಿಂಡಿ ರೆಸಿಪಿ
- News Realme Narzo 70: ಭರ್ಜರಿ ಕ್ಯಾಮೆರಾ ಫೀಚರ್ಗಳೊಂದಿಗೆ ರಿಯಲ್ಮಿ ನಾರ್ಜೊ 70 ಗ್ರ್ಯಾಂಡ್ ಲಾಂಚ್
- Technology ಒಪ್ಪೋ ಫೈಂಡ್ X7 ಅಲ್ಟ್ರಾ ಕ್ಯಾಮೆರಾ: ಮೊಬೈಲ್ ಫೋಟೋಗ್ರಫಿಗೆ ಅತ್ಯುತ್ತಮ ಫೋನ್!
- Automobiles ಸ್ವಂತ ದುಡಿಮೆಯಲ್ಲಿ ಹೊಸ ಕಾರು ಖರೀದಿಸಿ ಯುವ ನಟಿಯ ಭಾವನಾತ್ಮಕ ಪೋಸ್ಟ್
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಬಾಲಿವುಡ್ ನಲ್ಲಿ 'ನೊಣ'ವಾದ ಅಭಿಷೇಕ್ ಬಚ್ಚನ್
ನಿರ್ದೇಶಕ ಎಸ್.ಎಸ್. ರಾಜಮೌಳಿ ಕೇವಲ ಸಿನಿಮಾ ಮೇಕಿಂಗ್ ವಿಷಯದಲ್ಲಿ ಮಾತ್ರವಲ್ಲ, ವ್ಯವಹಾರದಲ್ಲೂ ಭಾರೀ ಚತುರರು. ಭಾರೀ ಮಾರುಕಟ್ಟೆ ಹೊಂದಿರುವ ತಮಿಳು ಚಿತ್ರೋದ್ಯಮವನ್ನು ಗಮನದಲ್ಲಿಟ್ಟುಕೊಂಡು ತಮ್ಮ ಈಗ (ತಮಿಳಿನಲ್ಲಿ ನಾನ್ ಈ) ಚಿತ್ರದ ತಮಿಳು ಆವೃತ್ತಿಯ ಕೆಲವು ಪಾತ್ರಗಳಿಗೆ ಅಲ್ಲಿನ ಕಲಾವಿದರನ್ನೇ ಬಳಸಿಕೊಂಡಿದ್ದರು. ಇನ್ನು ಮಹಾನ್ ಸಾಗರವಾಗಿರುವ ಬಾಲಿವುಡ್ಡಿಗೆ ಬದಲಾವಣೆ ಮಾಡದಿರುತ್ತಾರೆಯೇ?
ಇದೀಗ ಹಬ್ಬಿರುವ ಗಾಳಿಸುದ್ದಿ ಪ್ರಕಾರ, ಬಾಲಿವುಡ್ ದೊಡ್ಡ ಸ್ಟಾರ್ ಒಬ್ಬರಿಂದ ಈಗ (ಹಿಂದಿಯಲ್ಲಿ ಮಕ್ಕಿ) ಚಿತ್ರದ ನಾಣಿ ಪಾತ್ರವನ್ನು ಮಾಡಿಸುತ್ತಿದ್ದಾರೆ. ಈ ಕುರಿತು ನಡೆಯುತ್ತಿರುವ ಮಾತುಕತೆ ಅಂತಿಮ ಹಂತಕ್ಕೆ ಬಂದಿದೆ. ಸಿಕ್ಕಿರುವ ವರ್ತಮಾನದ ಪ್ರಕಾರ ಆ ಬಿಗ್ ಸ್ಟಾರ್ ಬೇರಾರೂ ಅಲ್, ಬಿಗ್ ಬಿ ಮಗ ಛೋಟಾ ಬಿ ಅಭಿಷೇಕ್.
ಆದರೆ ಸುದೀಪ್ ಮತ್ತು ಸಮಂತಾ ಪಾತ್ರದಲ್ಲಿ ಯಾವುದೇ ಬದಲಾವಣೆಗಳಿಲ್ಲ. ನಾಣಿ ಪಾತ್ರಕ್ಕೆ ಮಾತ್ರ ಕೊಕ್. ಚಿತ್ರದಲ್ಲಿ ಹೆಚ್ಚೆಂದರೆ 20 ನಿಮಿಷಗಳಷ್ಟೇ ಇರುವ ಆ ಪಾತ್ರಕ್ಕೆ ತಕ್ಕ ನ್ಯಾಯ ಸಲ್ಲಿಸುವಲ್ಲಿ ನಾಣಿಯೇನೂ ಸೋತಿಲ್ಲ. ಆದರೆ ಹಿಂದಿ ಮಾರುಕಟ್ಟೆ ದೃಷ್ಟಿಯಿಂದ ನಾಣಿಯವರನ್ನು ದೂರ ಇಡಲೇಬೇಕಾಗಿದೆ. ಅಭಿಷೇಕ್ ಅವರಿಗೆ ಅದು ಸಾಧ್ಯ ಎಂಬುದು ರಾಜಮೌಳಿ ಅಭಿಲಾಷೆ.
ಆದರೆ ಅಭಿಷೇಕ್ ಬಚ್ಚನ್ ಮಕ್ಕಿ ಚಿತ್ರದಲ್ಲಿ ನಟಿಸಲಿರುವುದು ಖಾತ್ರಿ ಎಂಬುದರ ಬಗ್ಗೆ ಎರಡೂ ಕಡೆಯಿಂದಲೂ ಅಧಿಕೃತ ಮಾಹಿತಿ ಬಂದಿಲ್ಲ. ಒಮ್ಮೆ ಅಭಿಷೇಕ್ ಒಮ್ಮೆ ಒಪ್ಪಿಕೊಂಡು ನಟಿಸಿದರೆ ಅಮಿತಾಬ್ ಹಾಗೂ ಅಭಿಷೇಕ್ (ಅಪ್ಪ-ಮಗ) ಇಬ್ಬರ ಜತೆಗೂ ಕಿಚ್ಚ ಸುದೀಪ್ ನಟಿಸಿದಂತಾಗುತ್ತದೆ. ಈ ಹಿಂದೆ ರಾಮ್ ಗೋಪಾಲ್ ವರ್ಮಾರ 'ರಣ್' ಚಿತ್ರದಲ್ಲಿ ಅಮಿತಾಭ್ ಬಚ್ಚನ್ ಗೆ ಮಗನಾಗಿದ್ದರು ಸುದೀಪ್.
ಕಿಚ್ಚ ಸುದೀಪ್ ಈಗಾಗಲೇ ತಮ್ಮ ಪಾತ್ರದ ಹಿಂದಿ ಡಬ್ಬಿಂಗ್ ಮುಗಿಸಿದ್ದಾಗಿದೆ. ಅಭಿಷೇಕ್ ಬಚ್ಚನ್ 'ಮಕ್ಕಿ' ನಾಯಕರಾದರೆ ನಾಣಿ ಸುದೀಪ್ ಜೊತೆಗೆ ಇರುವ ಕೆಲವೇ ದೃಶ್ಯಗಳನ್ನಷ್ಟೇ ರೀ ಶೂಟ್ ಮಾಡಬೇಕಿದೆ. ಅಷ್ಟಾದರೆ ಚಿತ್ರ ರೆಡಿ. ಈಗಿನ ಮಾಹಿತಿ ಪ್ರಕಾರ ಈಗ ಚಿತ್ರದ ಹಿಂದಿ ಆವೃತ್ತಿ ಮಕ್ಕಿ, ಬರುವ ಅಕ್ಟೋಬರ್ ತಿಂಗಳಲ್ಲಿ (ಅಕ್ಟೋಬರ್ 2012) ತೆರೆಗೆ ಬರಲಿದೆ. (ಒನ್ ಇಂಡಿಯಾ ಕನ್ನಡ)