Don't Miss!
- News Smartphone: ಮಾರುಕಟ್ಟೆಯಲ್ಲಿ ಸದ್ದು ಮಾಡಲು ಬರುತ್ತಿದೆ ಸ್ಯಾಮ್ಸಂಗ್ M35 5G
- Finance ಸಂಸ್ಥೆಯ ಎಲ್ಲ 30,000 ಉದ್ಯೋಗಿಗಳಿಗೆ ವರ್ಕ್ ಫಮ್ ಹೋಂ ನೀಡಿದ ಟೆಕ್ ಕಂಪೆನಿ
- Technology Earbuds: 2000 ರೂ. ಒಳಗೆ ಲಭ್ಯ ಇರುವ ಅತ್ಯುತ್ತಮ ಇಯರ್ಬಡ್ಸ್! ಸಖತ್ ಫೀಚರ್ಸ್...
- Lifestyle ಜೀವ ಸಂಗಾತಿಗೆ ಹುಟ್ಟು ಹಬ್ಬದಂದು ವಿಶ್ ಮಾಡಲು ಸುಂದರ ಸಾಲುಗಳ ಗ್ರೀಟಿಂಗ್ಸ್ ಇಲ್ಲಿದೆ
- Sports ಆರ್ಸಿಬಿಗೆ ಸಹಿ ಹಾಕಲು ವಿರಾಟ್ ಕೊಹ್ಲಿ ಕೇಳಿದ್ದೇಗೆ?; ಕುತೂಹಲಕಾರಿ ಕಥೆ ಬಿಚ್ಚಿಟ್ಟ ಕೆಎಲ್ ರಾಹುಲ್
- Automobiles ಟಾಟಾ ಕಾರುಗಳಂತೆಯೇ ಗರಿಷ್ಠ ಸುರಕ್ಷತೆ ತೋರಿದ ಸ್ವಿಫ್ಟ್: ಕ್ರ್ಯಾಶ್ ಟೆಸ್ಟ್ನಲ್ಲಿ 4 ಸ್ಟಾರ್
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಬಾಕ್ಸ್ ಆಫೀಸಿನ ಮಾಹಾರಾಣಿ ದೀಪಿಕಾ ಪಡುಕೋಣೆ
ಸಾಮಾನ್ಯವಾಗಿ ಚಿತ್ರವೊಂದು ಭರ್ಜರಿ ಕಲೆಕ್ಷನ್ ಮಾಡಿದರೆ ಅವರ ಸಂಪೂರ್ಣ ಗೆಲುವು ನಾಯಕ ನಟನಿಗೆ ಸಲ್ಲಿಸುತ್ತಾರೆ. ಅದೇ ಚಿತ್ರ ಮಕಾಡೆ ಮಲಗಿದರೆ ನಿರ್ದೇಶಕನ ಮುಡಿಗೆ ಅದರ ಸೋಲನ್ನು ಕಟ್ಟುತ್ತಾರೆ. ಆದರೆ ಚಿತ್ರ ಗೆಲ್ಲಲಿ, ಸೋಲಲಿ ನಾಯಕಿಯ ಕಥೆಯನ್ನು ಯಾರೂ ಕೇಳೋಲ್ಲ.
ಆದರೆ ಬಾಲಿವುಡ್ ಕಥೆನೇ ಬೇರೆ. ಬಿಗ್ ಬಿ ಅಮಿತಾಬ್ ಬಚ್ಚನ್ ಹಾಗೂ ದೀಪಿಕಾ ಪಡುಕೋಣೆ ಅಭಿನಯದ 'ಪೀಕು' ಚಿತ್ರ ಬಾಕ್ಸ್ ಆಫೀಸಲ್ಲಿ ಬೊಂಬಾಟ್ ಕಲೆಕ್ಷನ್ ಮಾಡಿದೆ. ಈ ಚಿತ್ರದ ಗೆಲುವಿಗೆ ಯಾರು ಕಾರಣ? ಅಮಿತಾಬ್ ಗಿಂತಲೂ ಹೆಚ್ಚಾಗಿ ದೀಪಿಕಾಗೆ ಓಟುಗಳು ಬಿದ್ದಿವೆ. [ಪೀಕು ಚಿತ್ರ ವಿಮರ್ಶೆ]
ಮೊದಲ ದಿನವೇ ಚಿತ್ರ ರು.5.32 ಕೋಟಿ ಬಾಚಿದೆ. ಶನಿವಾರ ಮತ್ತು ಭಾನುವಾರಗಳಂದು ಕಲೆಕ್ಷನ್ ನಲ್ಲಿ ಶೇ.60 ರಷ್ಟು ಹೆಚ್ಚಳವಾಗಿದೆ. ಚಿತ್ರದ ಉತ್ತಮ ವಿಮರ್ಶೆಗೆ ಪಾತ್ರವಾಗಿದ್ದು, ಬಾಯಿಂದ ಬಾಯಿಗೆ ಚಿತ್ರದ ಬಗ್ಗೆ ಒಳ್ಳೆಯ ಮಾತುಗಳು ಕೇಳಿಬಂದದ್ದು ಬಾಕ್ಸ್ ಆಫೀಸ್ ಗಳಿಕೆಗೆ ವರವಾಗಿದೆ.
ಕೌಟುಂಬಿಕ ಚಿತ್ರವಾದ ಕಾರಣ ರಜಾದಿನಗಳಲ್ಲಿ ಫ್ಯಾಮಿಲಿ ಆಡಿಯನ್ಸ್ ಹೆಚ್ಚಾಗಿ ಚಿತ್ರಮಂದಿರಕ್ಕೆ ಬಂದರು. ಹಾಗಾಗಿ ಶನಿವಾರ ಮತ್ತು ಭಾನುವಾರದ ಕಲೆಕ್ಷನ್ಸ್ ಕ್ರಮವಾಗಿ ರು.8.70 ಕೋಟಿ ಹಾಗೂ ರು. 8.50 ಕೋಟಿ.
ಈ ಮೂಲಕ ಬಾಕ್ಸ್ ಆಫೀಸ್ ರಾಣಿಯಾಗಿ ಹೊರಹೊಮ್ಮಿದ್ದಾರೆ ದೀಪಿಕಾ ಪಡುಕೋಣೆ. ಬಾಕ್ಸ್ ಆಫೀದಲ್ಲಿ ಭರ್ಜರಿ ಸದ್ದು ಮಾಡಿದ ದೀಪಿಕಾ ಚಿತ್ರಗಳ ಒಂದು ಝಲಕ್ ಇಲ್ಲಿದೆ ನೋಡಿ. ಬಾಕ್ಸ್ ಆಫೀಸ್ ನಲ್ಲಿ ದೀಪಿಕಾ ಮಹಾರಾಣಿಯಂತೆ ಮೆರೆಯುತ್ತಿದ್ದಾರೆ.
ಹ್ಯಾಪಿ ನ್ಯೂ ಈಯರ್
ಶಾರುಖ್ ಖಾನ್ ಹಾಗೂ ದೀಪಿಕಾ ಪಡುಕೋಣೆ ಮುಖ್ಯಭೂಮಿಕೆಯ ಈ ಚಿತ್ರ ಬಾಕ್ಸ್ ಆಫೀಸಲ್ಲಿ ಮೊದಲ ಮೂರು ದಿನಗಳಲ್ಲಿ ರು.9.70 ಕೋಟಿ ಕಲೆಕ್ಷನ್ ಮಾಡಿತ್ತು.
ಚೆನ್ನೈ ಎಕ್ಸ್ ಪ್ರೆಸ್
ಶಾರುಖ್ ಮತ್ತು ದೀಪಿಕಾ ಅಭಿನಯದ ಮತ್ತೊಂದು ಚಿತ್ರ ಇದಾಗಿದ್ದು, ಮೊದಲ ವಾರಾಂತ್ಯದಲ್ಲೇ ರು.8.70 ಕೋಟಿ ಬಾಚಿತ್ತು.
ಯೇ ಜವಾನಿ ಹೈ ದಿವಾನಿ
ರಣಬೀರ್ ಕಪೂರ್ ಹಾಗೂ ದೀಪಿಕಾ ಜೋಡಿಯ ಈ ಚಿತ್ರ ಮೊದಲ ಶುಕ್ರವಾರದಿಂದ ಭಾನುವಾರವರೆಗೆ ರು.6.30 ಕೋಟಿ ಕಲೆಕ್ಷನ್ ಮಾಡಿ ಅಚ್ಚರಿ ಮೂಡಿಸಿತ್ತು.
ಓಂ ಶಾಂತಿ ಓಂ
ಶಾರುಖ್ ಮತ್ತು ದೀಪಿಕಾ ಜೋಡಿಯ ಓಂ ಶಾಂತಿ ಓಂ ಚಿತ್ರ ರು.149 ಕೋಟಿ ಕಲೆಕ್ಷನ್ ಮಾಡುವ ಮೂಲಕ ಬಾಕ್ಸ್ ಆಫೀಸಲ್ಲಿ ಎಲ್ಲಾ ದಾಖಲೆಗಳನ್ನು ಧೂಳೀಪಟ ಮಾಡಿದ ಚಿತ್ರ ಅನ್ನಿಸಿಕೊಂಡಿತು.
ಬಚ್ ನಾ ಏ ಹಸೀನೋ
ರಣಬೀರ್, ದೀಪಿಕಾ ಜೋಡಿಯ ಬಹುತಾರಾಗಣದ ಈ ಚಿತ್ರವೂ 2008ರ ಅತ್ಯಧಿಕ ಗಳಿಕೆಯ ಚಿತ್ರ ಎನ್ನಿಸಿಕೊಂಡಿದೆ.
ರಾಮ್ ಲೀಲಾ
ರಣವೀರ್ ಸಿಂಗ್ ಹಾಗೂ ದೀಪಿಕಾ ಅಭಿನಯದ ರಿಲೀಸ್ ಆದ ಮೊದಲ ಮೂರು ದಿನಗಳಲ್ಲೇ ರು.50 ಕೋಟಿ ಬಾಚುವ ಮೂಲಕ ಎಲ್ಲರ ಗಮನಸೆಳೆದ ಚಿತ್ರ.
ಕಾಕ್ ಟೈಲ್
ಸೈಫ್ ಆಲಿ ಖಾನ್, ದೀಪಿಕಾ ಹಾಗೂ ಡಯಾನಾ ಪೆಂಟಿ ಮುಖ್ಯಭೂಮಿಕೆಯಲ್ಲಿರುವ ಈ ಚಿತ್ರ ಬಿಡುಗಡೆಯಾದ ಮೂರು ದಿನಗಳಲ್ಲೇ ರು.30 ಕೋಟಿ ಬಾಚಿತು.
ಲವ್ ಆಜ್ ಕಲ್
ಸೈಫ್ ಹಾಗೂ ದೀಪಿಕಾ ಜೋಡಿಯ ಈ ಚಿತ್ರ ಮೊದಲ ವಾರದಲ್ಲೇ ರು. 4.28 ಕೋಟಿ ಬಾಚುವ ಮೂಲಕ ಬಾಕ್ಸ್ ಆಫೀಸಲ್ಲಿ ಗೆಲ್ಲುವ ಕುದುರೆ ಎನ್ನಿಸಿಕೊಂಡಿದ್ದಾರೆ ದೀಪಿಕಾ.