Don't Miss!
- News Toilet Photo Viral: ಕಡಿಮೆ ಖರ್ಚಿನಲ್ಲಿ 'ಲೀಕೆಜ್ ಟ್ಯಾಂಕರ್'ನಿಂದ ಟಾಯ್ಲೆಟ್ ನಿರ್ಮಾಣ: ನೀವೂ ಟ್ರೈ ಮಾಡಿ
- Sports IPL 2024: ಹೈದರಾಬಾದ್-ಡೆಲ್ಲಿ ನಡುವೆ ಮೆಗಾ ಫೈಟ್; ಟಾಸ್, ಆಡುವ 11ರ ಬಳಗದ ವರದಿ
- Automobiles ಭಾರತದಲ್ಲಿ 80 ಲಕ್ಷ ಸ್ಕೂಟರ್ ಮಾರಿದ ಜಪಾನ್ ಕಂಪನಿ: ವಿಶ್ವಗುರು ಭಾರತದಲ್ಲಿ ಎಲ್ಲವೂ ಸಾಧ್ಯ!
- Technology 6000mAh ಬ್ಯಾಟರಿಯ ಈ ಫೋನ್ ಶೀಘ್ರದಲ್ಲೇ ಖರೀದಿಗೆ ಲಭ್ಯ!..ಬೆಲೆ ಎಷ್ಟು?
- Lifestyle 2 ಬಗೆಯ ಮಜ್ಜಿಗೆ ಸಾರು ರೆಸಿಪಿ: ಕಾಯಿ ಹಾಕಿದ, ಕಾಯಿ ಹಾಕದ ಸಾರಿನ ರೆಸಿಪಿ
- Finance Bengaluru Rain:ಬಿಸಿಗಾಳಿ ಹೆಚ್ಚಳದಿಂದ ಬೆಂಗಳೂರು ನಗರಕ್ಕೆ ಅಧಿಕ ಮಳೆ, ಐಎಂಡಿ ಹೇಳಿದ್ದೇನು?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ನಟ ಹೃತಿಕ್ ರೋಷನ್ ಗೆ ಮೆದುಳಿನ ಸರ್ಜರಿ ಯಶಸ್ವಿ
ಬಾಲಿವುಡ್ ನಟ ಹೃತಿಕ್ ರೋಷನ್ ಅವರಿಗೆ ಭಾನುವಾರ (ಜು.7) ಸಂಜೆ ಮೆದುಳಿನ ಸರ್ಜರಿ ಯಶಸ್ವಿಯಾಗಿ ನಡೆದಿದೆ. ಮುಂಬೈನ ಹಿಂದೂಜಾ ಆಸ್ಪತ್ರೆಗೆ ಬೆಳಗ್ಗೆ 10 ಗಂಟೆ ಸುಮಾರಿಗೆ ಹೃತಿಕ್ ರೋಷನ್ ಅಡ್ಮಿಟ್ ಆಗಿದ್ದರು. ಸರ್ಜರಿ ನಂತರ ಹೃತಿಕ್ ಆರೋಗ್ಯವಾಗಿದ್ದಾರೆ ಎಂದು ಮಾಧ್ಯಮದವರಿಗೆ ಹೃತಿಕ್ ತಂದೆ ರಾಕೇಶ್ ಹೇಳಿದ್ದಾರೆ.
ಮಾಧ್ಯಮಗಳಿಗೆ ಈ ಬಗ್ಗೆ ಮಾಹಿತಿ ನೀಡಿದ ಹೃತಿಕ್ ರೋಷನ್ ಅವರ ಕಾರ್ಯದರ್ಶಿ, 'ಹೃತಿಕ್ ಅವರು ಲವಲವಿಕೆಯಿಂದ ಇದ್ದಾರೆ. ಅಭಿಮಾನಿಗಳು ಆತಂಕ ಪಡುವ ಅಗತ್ಯವಿಲ್ಲ.ಈ ಶಸ್ತ್ರಚಿಕಿತ್ಸೆ ಅನಿವಾರ್ಯವಾಗಿದ್ದು, ಹೆಚ್ಚಿನ ಮಾಹಿತಿ ಕಾಲಕಾಲಕ್ಕೆ ನಿಮಗೆ ತಲುಪಿಸಲಾಗುವುದು' ಎಂದಿದ್ದರು.
ಮೆದುಳಿನ scull subdural haematomaಗೆ ತುತ್ತಾಗಿರುವ ಹೃತಿಕ್ ಅವರ ಮೆದುಳಿನಲ್ಲಿ ರಕ್ತ ಹೆಪ್ಪುಗಟ್ಟಿದೆ. ಅದನ್ನು ತೆಗೆಯುವ ಪ್ರಕ್ರಿಯೆಗೆ ಸಜ್ಜಾಗಬೇಕಿದೆ ಎಂದು ಹೃತಿಕ್ ರೋಷನ್ ತಂದೆ ರಾಕೇಶ್ ರೋಷನ್ ಹೇಳಿದ್ದರು.39 ವರ್ಷ ವಯಸ್ಸಿನ ನಟ ಹೃತಿಕ್ ರೋಷನ್ ಅವರ ಮೆದುಳಿನ ಸರ್ಜರಿ ಸುಮಾರು 45 ನಿಮಿಷಗಳ ಕಾಲ ನಡೆಸಲಾಯಿತು. ಶಸ್ತ್ರಚಿಕಿತ್ಸೆ ಯಶಸ್ವಿಯಾಗಿದೆ ಎಂದು ನರರೋಗ ತಜ್ಞ ಡಾ.ಬಿ.ಕೆ ಮಿಶ್ರಾ ಹೇಳಿದ್ದಾರೆ.
ಸರ್ಜರಿ ನಂತರ ಹೃತಿಕ್ ಅವರು ಹಿಂದೂಜಾ ಆಸ್ಪತ್ರೆಯಲ್ಲಿ 2-3 ದಿನ ವಿಶ್ರಾಂತಿ ಪಡೆಯಬೇಕಾಗಿದೆ. ಕ್ರಿಶ್ 3 ಚಿತ್ರದ ಪೋಸ್ಟ್ ಪ್ರೊಡೆಕ್ಷನ್ ನಲ್ಲಿ ತೊಡಗಿದ್ದ ಹೃತಿಕ್ ಇನ್ನೂ ಕೆಲ ಕಾಲ ಶೂಟಿಂಗ್ ಬ್ಯುಸಿಯಿಂದ ದೂರ ಇರಲಿ ಎಂದು ಕುಟುಂಬ ವರ್ಗ ಬಯಸಿದೆ.
ತಮ್ಮ ಶಸ್ತಚಿಕಿತ್ಸೆ ಬಗ್ಗೆ ಸ್ವತಃ ಹೃತಿಕ್ ಅವರು ಸಾಮಾಜಿಕ ಜಾಲ ತಾಣ ಫೇಸ್ ಬುಕ್ ವಾಲ್ ನಲ್ಲಿ ಹೇಳಿಕೊಂಡಿದ್ದರು. " ಮೆದಳಿನ ಶಕ್ತಿ ಮೂಲಕ ನಾವು ನಮ್ಮ ಜೀವನವನ್ನು ಇನ್ನಷ್ಟು ಸಂತೋಷಗೊಳಿಸಿಕೊಳ್ಳುತ್ತೇವೆ. ಮೆದಳಿನ ಅಗಾಧ ಶಕ್ತಿ ಹಾಗೂ ಸಾಮರ್ಥ್ಯದ ಬಗ್ಗೆ ತಿಳಿದು ವಿಸ್ಮಯಗೊಂಡಿದ್ದೇನೆ. ಮೆದಳಿನ ಆರೈಕೆ ಮಾಡಿಕೊಳ್ಳುವುದು ಹೇಗೋ ಗೊತ್ತಿಲ್ಲ. ಆದರೂ ಇದು ಅತ್ಯಗತ್ಯ"
'ನಮ್ಮ ದೃಶ್ಯ, ಶ್ರವ್ಯ, ಸ್ಪರ್ಶ, ಗ್ರಹಣ, ರುಚಿ ತಿಳಿಯುವಿಕೆ ಸೇರಿದಂತೆ ಪಂಚೇಂದ್ರಿಯಗಳ ನಿರ್ವಹಣೆ, ಮಾನವನ ಚಿಂತನೆ, ಕ್ರಿಯೆ, ಪ್ರತಿಕ್ರಿಯೆ ಎಲ್ಲಕ್ಕೂ ಮೆದಳು ಮೂಲ. ಅಕ್ಷರಶಃ ಈಗ ನನಗೆ ಮೆದಳಿನ ಶಕ್ತಿ ಅನುಭವವಾಗುತ್ತಿದೆ. ಗೆಳೆಯರೇ, ನಾನು ಮೆದುಳಿನ ಸರ್ಜರಿಗೆ ಒಳಪಡುತ್ತಿದ್ದೇನೆ. ಆದಷ್ಟು ಬೇಗ ಗುಣಮುಖನಾಗಿ ನಿಮ್ಮ ಮುಂದೆ ಬರುತ್ತೇನೆ. ನಿಮ್ಮ ಮೆದಳಿನ ಶಕ್ತಿಯನ್ನು ಬಳಸಿ ನನ್ನ ಜೀವನ ಖುಷಿ ಪಡಿಸಿದ್ದಕ್ಕೆ ಧನ್ಯವಾದಗಳು, ನಿಮ್ಮೆಲ್ಲರಿಗೂ ನನ್ನ ಪ್ರೀತಿ ಹಾರೈಕೆಗಳು" -ಹೃತಿಕ್ ರೋಷನ್
ಸಿದ್ದಾರ್ಥ್ ಆನಂದ್ ಅವರ ಬ್ಯಾಂಗ್ ಬ್ಯಾಂಗ್ ಚಿತ್ರಕ್ಕಾಗಿ ಫುಕೆಟ್ ನಲ್ಲಿ ಚಿತ್ರೀಕರಣ ನಡೆಸುತ್ತಿದ್ದ ವೇಳೆ ಹೃತಿಕ್ ರೋಷನ್ ಅವರ ತಲೆ ಪೆಟ್ಟು ಬಿದ್ದಿತ್ತು. ನಿರಂತರ ತಲೆ ನೋವು ಅನುಭವಿಸಿದ್ದ ಹೃತಿಕ್, ಪರೀಕ್ಷೆಗೆ ಒಳಪಟ್ಟಾಗ ಮೆದುಳಿನಲ್ಲಿ ರಕ್ತ ಹೆಪ್ಪುಗಟ್ಟಿರುವುದು ಪತ್ತೆಯಾಗಿತ್ತು. ಈಗ ಶಸ್ತ್ರಚಿಕಿತ್ಸೆ ಮೂಲಕ ಮೆದಳಿನ ರಕ್ತ ಸಂಚಾರ ಸುಗುಮಗೊಳಿಸಲಾಗಿದೆ.