Don't Miss!
- Lifestyle ಗ್ರಹಣ ಕಾಲದಲ್ಲಿ ಆಹಾರ ಸೇವಿಸಬಾರದೇಕೆ.? ಹಿರಿಯರ ವಾದವೇನು..?
- Technology ಬಜೆಟ್ ದರದಲ್ಲಿ ಬೆಸ್ಟ್ 5G ಫೋನ್ ಬೇಕಿದ್ರೆ, ಈ ಲಿಸ್ಟ್ ಒಮ್ಮೆ ಗಮನಿಸಿ!
- Finance ಆದಾಯ ತೆರಿಗೆ ಇಲಾಖೆಯಿಂದ ಕಾಂಗ್ರೆಸ್ಗೆ 1,823 ಕೋಟಿ ರೂ. ನೋಟಿಸ್: ತೆರಿಗೆ ಭಯೋತ್ಪಾದನೆ ನಿಲ್ಲಲೇಬೇಕು ಎಂದ ಪಕ್ಷ
- News Namma Metro Purple Line: ದೈನಂದಿನ ಪ್ರಯಾಣಿಕರ ಸಂಖ್ಯೆಯಲ್ಲಿ ಭಾರೀ ಇಳಿಕೆ, ಕಾರಣಗಳೇನು?
- Sports Kohli vs Gambhir: ಹೈ-ವೋಲ್ಟೇಜ್ ಪಂದ್ಯದ ಬಗ್ಗೆ ಕೌಂಟರ್ ನೀಡಿದ ದಿನೇಶ್ ಕಾರ್ತಿಕ್
- Automobiles ಇನ್ಮುಂದೆ ಟೋಲ್ ಪ್ಲಾಜಾಗಳು ಕಣ್ಮರೆ: ಖುಷಿ ಪಡುವ ಮುನ್ನ ಈ ಸುದ್ದಿ ನೋಡಿ...
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಬರ್ತ್ ಡೆ ರಾತ್ರಿ ಕರೀನಾ, ಸೈಫ್ ಪಯಣ ಎಲ್ಲಿಗೆ ಗೊತ್ತೇ?
ನಟಿ ಕರೀನಾ ಕಪೂರ್ ಹುಟ್ಟುಹಬ್ಬ ಅಂದರೆ ಸಾಮಾನ್ಯವೇ? ಬಾಲಿವುಡ್ ನಲ್ಲಿ ಈ ಕರೀನಾ ಕಪೂರ್ ಖಾಂದಾನ್ ಭಾರಿ ಜೋರಾಗಿಯೇ ಸಾಗುತ್ತಿದೆ. ಈಗಂತೂ ಕರೀನಾ ತಮ್ಮ ಬರಲಿರುವ ಬಹುನಿರೀಕ್ಷಿತ ಚಿತ್ರ 'ಹೀರೋಯಿನ್' ಪ್ರಚಾರಕಾರ್ಯದಲ್ಲಿ ಬಿಜಿ. ಐಶ್ವರ್ಯಾ ರೈ ಮಾಡಬೇಕಿದ್ದ ಈ ಪಾತ್ರ ಐಶೂ ಗರ್ಭಿಣಿಯಾದ ನಿಮಿತ್ತ ಕರೀನಾ ಮಡಿಲಿಗೆ ಯಾವಾಗ ಬಿತ್ತೋ, ಅಂದಿನಿಂದ ಪಕ್ಕಾ ಐಶ್ವರ್ಯಾ ರೈ ಆಗಲು ಯತ್ನಿಸುತ್ತಿದ್ದಾರೆ ಕರೀನಾ.
ಇಂಥ ಕರೀನಾ ಹುಟ್ಟುಹಬ್ಬ ಹತ್ತಿರ ಬರುತ್ತಿದೆ. ಇದೇ ತಿಂಗಳು 21 ಕ್ಕೆ (ಸೆಪ್ಟೆಂಬರ್ 21) ಕರೀನಾ ಹುಟ್ಟುಹಬ್ಬವಿದ್ದು ಅದನ್ನವರು ಅದೆಲ್ಲಿ ಆಚರಿಸಿಕೊಳ್ಳಬಹುದು ಎಂಬುದು ಎಲ್ಲರಿಗೂ ಕುತೂಹಲದ ವಿಷಯ. ಆದರೆ ಏನನ್ನು ಮರೆತರೂ, ಕರೀನಾರನ್ನು ಹಾಗೂ ಅವರ ಹುಟ್ಟುಹಬ್ಬವನ್ನು ಮರೆಯದ ಸೈಫ್, ಆ ಕುತೂಹಲಕ್ಕೂ ಕಲ್ಲು ಹಾಕಿದ್ದಾರೆ. ಅಂದರೆ ಕರೀನಾ ಹುಟ್ಟುಹಬ್ಬವನ್ನು ಗೋವಾದಲ್ಲಿ ಆಚರಿಸಿಲಾಗುವುದು ಎಂಬ ಗುಟ್ಟುನ್ನು ಬಯಲು ಮಾಡಿದ್ದಾರೆ.
ಕರೀನಾ ಹುಟ್ಟುಹಬ್ಬದಂದು ಅವರನ್ನು ಗೋವಾಗೆ ಕರೆದುಕೊಂಡು ಹೋಗಲು ಸೈಫ್ ನಿರ್ಧರಿಸಿದ್ದಾರೆ. ಈಗಾಗಲೇ ಮದುವೆಯವರೆಗೂ ಬಂದಿರುವ ಪ್ರೇಮಪಕ್ಷಿಗಳು ಹುಟ್ಟುಹಬ್ಬದಂದು ಮನೆಯಲ್ಲಿ ಕುಳಿತಿರುತ್ತಾರಾ? ಸಾಧ್ಯವೇ ಇಲ್ಲ. ಆದರೆ ಅವರು ವಿದೇಶಗಳನ್ನು ಬಿಟ್ಟು ಗೋವಾಗೆ ಬರುತ್ತಿರುವುದು ವಿಶೇಷ ಲೇಟೆಸ್ಟ್ ನ್ಯೂಸ್ ಅಷ್ಟೇ! ಆಶ್ಚರ್ಯವೆಂದರೆ, ಅಂದೇ (ಸೆಪ್ಟೆಂಬರ್ 21) ಕರೀನಾ ನಟನೆಯ 'ಹೀರೋಯಿನ್' ಚಿತ್ರದ ಬಿಡುಗಡೆ.
ಆದರೆ ವೃತ್ತಿಪರತೆಯನ್ನು ಮರೆಯದ ಕರೀನಾ ಅದಕ್ಕೂ ಮೊದಲು ಸಿನಿಮಾಕ್ಕೆ ಸಂಬಂಧಿಸಿದ ಎಲ್ಲಾ ಕಮಿಟ್ ಮೆಂಟ್ ಗಳನ್ನು ಮುಗಿಸಿಯೇ ಗೋವಾಗೆ ಹೋಗಲಿದ್ದಾರಂತೆ. ಜೊತೆಗೆ ಸೈಫ್ ಕೂಡ ಸಿನಿಮಾ ಉದ್ಯಮವನ್ನು ಬಲ್ಲ ನಟರಾಗಿರುವುದರಿಂದ ಚಿತ್ರದ ಪ್ರಚಾರಕ್ಕೆ ತೊಂದರೆಯಾಗದಂತೆ ಹುಟ್ಟುಹಬ್ಬದ ದಿನ 'ರಾತ್ರಿ' ಕರೀನಾರನ್ನು ಗೋವಾಗೆ ಕರೆದೊಯ್ಯಲಿದ್ದಾರಂತೆ. ಹೀಗಾಗಿ ಹುಟ್ಟುಹಬ್ಬದ 'ರಾತ್ರಿ' ಕರೀನಾ ಪಾಲಿಗೆ ವಿಶೇಷವಾಗಲಿದೆ. ಸೈಫ್ ಪಾಲಿಗೂ ಎಂಬುದು ಗಮನದಲ್ಲಿರಲಿ... (ಏಜೆನ್ಸೀಸ್)