»   » ಒಂದು ದಿನದ ಗಳಿಕೆಯಲ್ಲಿ ಕ್ರಿಶ್ 3 ಹೊಸ ದಾಖಲೆ

ಒಂದು ದಿನದ ಗಳಿಕೆಯಲ್ಲಿ ಕ್ರಿಶ್ 3 ಹೊಸ ದಾಖಲೆ

Written by: ಜೇಮ್ಸ್ ಮಾರ್ಟಿನ್
Subscribe to Filmibeat Kannada

ಸಾವಿರಾರು ಕೋಟಿ ಗಳಿಕೆ ನಿರೀಕ್ಷೆಯಲ್ಲಿರುವ ಕ್ರಿಶ್ 3 ಚಿತ್ರ ಮಕ್ಕಳಿಗೆ ಬಹು ಮೆಚ್ಚುಗೆಯಾಗಿದೆ. ಆದರೆ, ವಿಮರ್ಶಕರ ಪೂರ್ಣ ಮೆಚ್ಚುಗೆ ಪಡೆಯುವಲ್ಲಿ ವಿಫಲವಾಗಿದೆ. ಹೃತಿಕ್ ರೋಷನ್, ಪ್ರಿಯಾಂಕಾ ಛೋಪ್ರಾ ಹಾಗೂ ಕಂಗನಾ ರಾನೌತ್ ಅಭಿನಯದ ಬಹುನಿರೀಕ್ಷಿತ ಚಿತ್ರ ಕ್ರಿಶ್ 3 ದೀಪಾವಳಿ ಹಬ್ಬದ ಸಂಭ್ರಮದಲ್ಲಿ ಬೆಳ್ಳಿತೆರೆಯಲ್ಲಿ ಕಾಣಿಸಿಕೊಂಡು ಭರ್ಜರಿ ಗಳಿಕೆ ಮಾಡತೊಡಗಿದೆ. ಚೆನ್ನೈ ಎಕ್ಸ್ ಪ್ರೆಸ್ ದಾಖಲೆಗಳ ಹಿಂದೆ ಬಿದ್ದಿರುವ ಕ್ರಿಶ್ 3 ಗಳಿಕೆ ಸದ್ಯಕ್ಕೆ 100 ಕೊಟಿ ರು ದಾಟಿದೆ

ದುಷೃ ಶಿಕ್ಷಣ ಶಿಷ್ಟ ರಕ್ಷಣ ಥೀಮ್ ಹೊಂದಿರುವ ಮುಸುಕುಧಾರಿ ಮಹಾವೀರ ಮಹಾ ದುಷ್ಟ ಕಾಲ್ ನಿಂದ ಭೂಮಿಯನ್ನು ರಕ್ಷಿಸುವ ಸಿಂಪಲ್ ಕಥೆಯನ್ನು ಈ ಚಿತ್ರ ಹೊಂದಿದ್ದು, ಮಿಕ್ಕಂತೆ ಗ್ರಾಫಿಕ್ಸ್, ಸಾಹಸಮಯ ದೃಶ್ಯಗಳು ಕಣ್ಮನ ಸೆಳೆಯುತ್ತಿವೆ

ನವೆಂಬರ್ 1ರಂದು ಬೆಳ್ಳಿತೆರೆಗೆ ಬಿಡುಗಡೆಗೊಂಡ ವೈಜ್ಞಾನಿಕ ಕಥಾ ವಸ್ತುವನ್ನು ಒಳಗೊಂಡ ಕ್ರಿಶ್ 3, ಈ ಮೊದಲಿನ ಕೊಯಿ ಮಿಲ್ ಗಯಾ ಮತ್ತು ಕ್ರಿಶ್ ಚಿತ್ರಗಳ 3ನೇ ಕಂತಿನ ರೂಪವಾಗಿದೆ.

ಹಾಲಿವುಡ್ ಎಕ್ಸ್ ಮೆನ್ ಚಿತ್ರವನ್ನು ಹೋಲುವ ಈ ಚಿತ್ರವು ಬಾಕ್ಸ್ ಆಫೀಸ್ ನಲ್ಲಿ ದಾಖಲೆ ನಿರ್ಮಿಸುವುದರ ಬಗ್ಗೆ ವಿಶ್ವಾಸವಿದ್ದರೂ ಜನರಿಗೆ ಅದರಲ್ಲೂ ಮಕ್ಕಳಿಗೆ ಮೆಚ್ಚುಗೆ ಆಗುವಂತೆ ನಿರ್ಮಿಸಲಾಗಿದೆ ಎಂದು ರಾಕೇಶ್ ರೋಷನ್ ಹೇಳಿದ್ದಾರೆ. ಆದರೆ, ಬಹುತೇಕ ವಿಮರ್ಶಕರು ಇದು ಆವರೇಜ್ ಚಿತ್ರ ಎಂದಿದ್ದಾರೆ.

ರಾಕೇಶ್ ರೋಷನ್ ನಿರ್ಮಾಣ, ನಿರ್ದೇಶನದ ಈ ಚಿತ್ರದಲ್ಲಿ ಹೃತಿಕ್ ರೋಶನ್, ವಿವೇಕ್ ಒಬೆರಾಯ್, ಪ್ರಿಯಾಂಕಾ ಚೋಪ್ರಾ ಮತ್ತು ಕಂಗನಾ ರಾನೌತ್ ಪ್ರಧಾನ ಭೂಮಿಕೆಯಲ್ಲಿದ್ದಾರೆ.

ಕ್ರಿಶ್ 3 ಚಿತ್ರದ ಪೋಸ್ಟರ್ ಗಳು, ಟ್ರೇಲರ್ ಅಭಿಮಾನಿಗಳಿಗೆ ಹುಚ್ಚೆಬ್ಬಿಸಿತ್ತು. ಮಕ್ಕಳಿಗೆ ಕ್ರೇಜ್ ಹುಟ್ಟಿಸಲು ಬೆಂಗಳೂರಿನಲ್ಲಿ ಕ್ರಿಶ್ 3 ಗೇಮ್ಸ್ ಅನ್ನು ಹೃತಿಕ್ ಬಿಡುಗಡೆ ಮಾಡಿದ್ದರು. ಕ್ರಿಶ್ 3 ಚಿತ್ರದ ಗಳಿಕೆ ವಿವರ ಮುಂದೆ ಓದಿ...

ಸದ್ಯದ ದಾಖಲೆಗಳು

ಸದ್ಯದ ದಾಖಲೆಗಳು

* ಬಿಡುಗಡೆಗೊಂಡ ನಾಲ್ಕು ದಿನಗಳಲ್ಲಿ 100 ಕೋಟಿ ರು ಗಳಿಕೆ(ದೇಶಿ ಮಾರುಕಟ್ಟೆಯಲ್ಲಿ ಮಾತ್ರ) ಕಂಡ ಎರಡನೆ ಚಿತ್ರ
* ದೀಪಾವಳಿ ಹಬ್ಬದ ಸಂದರ್ಭದಲ್ಲಿ ಸೋಮವಾರ ಒಂದೇ ದಿನ ಅತ್ಯಧಿಕ ಮೊತ್ತ ಗಳಿಕೆ ದಾಖಲೆ
* 100 ಕೋಟಿ ರು ಕ್ಲಬ್ ಸೇರಿದ ಹೃತಿಕ್ ರೋಷನ್ ಅವರ ಎರಡನೇ ಚಿತ್ರ ಮೊದಲನೆಯದ್ದು ಅಗ್ನಿಪಥ್

ನಾಲ್ಕು ದಿನಗಳ ವಿವರ

ನಾಲ್ಕು ದಿನಗಳ ವಿವರ

* ಸೋಮವಾರ(ನ.4) ಒಂದೇ ದಿನ ಭಾರತೀಯ ಬಾಕ್ಸಾಫೀಸ್ ನಲ್ಲಿ ನಿವ್ವಳ 35.91 ಕೋಟಿ ರು ಗಳಿಸಿ ಹೊಸ ದಾಖಲೆ ನಿರ್ಮಾಣ
* ಶುಕ್ರವಾರ(25.5 ಕೋಟಿ ರು)
* ಶನಿವಾರ (23 ಕೋಟಿ ರು )
* ಭಾನುವಾರ (24.3 ಕೋಟಿ ರು )

ಮಾರುಕಟ್ಟೆ ತಜ್ಞರ ಪ್ರತಿಕ್ರಿಯೆ

ಮಾರುಕಟ್ಟೆ ತಜ್ಞರ ಪ್ರತಿಕ್ರಿಯೆ

ಕೋಮಲ್ ಮೆಹ್ತಾ ಟ್ವಿಟ್ಟರ್ ನಲ್ಲಿ ಪ್ರತಿಕ್ರಿಯೆ ನೀಡಿ " ಕ್ರಿಶ್ 3 ಬೆಳಕಿನ ಹಬ್ಬವನ್ನು ಭರ್ಜರಿಯಾಗಿ ಆಚರಿಸಿದೆ. ಸೋಮವಾರ 35.91 ಕೋಟಿ ರು ಗಳಿಸುವ ಮೂಲಕ ಹೊಸ ದಾಖಲೆ ಬರೆದಿದೆ ಇದು ಒಂದು ದಿನದಲ್ಲಿ ಇದುವರೆವಿಗೂ ಗಳಿಸಿರುವ ದೊಡ್ಡ ಮೊತ್ತ ಎಂದಿದ್ದಾರೆ.

ತರಣ್ ಆದರ್ಶ್

ತರಣ್ ಆದರ್ಶ್

ಜನಪ್ರಿಯ ಮಾರುಕಟ್ಟೆ ತಜ್ಞ ತರಣ್ ಆದರ್ಶ್ ಟ್ವೀಟ್ ಮಾಡಿ
*highest single day* record lies shattered. #Krrish3 collects History on Mon. Collects Rs 35.91 cr. The highest *single day* figure EVER." ಎಂದಿದ್ದಾರೆ. ಜತೆಗೆ 100 ಕೋಟಿ ರು ಕ್ಲಬ್ ಸೇರಿದ್ದು 108.61 ಕೋಟಿ ರು ಗಳಿಸಿದೆ ಎಂದು ದೃಢಪಡಿಸಿದ್ದಾರೆ.

ಚೆನ್ನೈ ಎಕ್ಸ್ ಪ್ರೆಸ್ ದಾರಿಯಲ್ಲಿ

ಚೆನ್ನೈ ಎಕ್ಸ್ ಪ್ರೆಸ್ ದಾರಿಯಲ್ಲಿ

ಕ್ರಿಶ್ 3 ಭಾರಿ ಗಳಿಕೆಯ ಮುನ್ಸೂಚನೆ ನೀಡಿದ್ದು, ಶಾರುಖ್ ಖಾನ್-ರೋಹಿತ್ ಶೆಟ್ಟಿ ಅವರ ಚೆನ್ನೈ ಎಕ್ಸ್ ಪ್ರೆಸ್ ಚಿತ್ರದ ದಾಖಲೆಗಳ ಹಿಂದೆ ಬಿದ್ದಿದೆ.

ಚೆನ್ನೈ ಎಕ್ಸ್ ಪ್ರೆಸ್ ಬಿಡುಗಡೆಗೊಂಡ ಮೊದಲ ಮೂರು ದಿನಗಳಲ್ಲೇ 100.42 ಕೋಟಿ ರು ಗಳಿಸಿತ್ತು. ಈಗ ಕ್ರಿಶ್ 3 ಚಿತ್ರ ನಾಲ್ಕು ದಿನಗಳಲ್ಲಿ 108.61 ಕೋಟಿ ರು ಗಳಿಸಿ ಅತ್ಯಂತ ತ್ವರಿತವಾಗಿ 100 ಕೋಟಿ ರು ಗಳಿಕೆ ಪಟ್ಟಿ ಸೇರಿದ ಎರಡನೇ ಚಿತ್ರ ಎನಿಸಿದೆ.

English summary
The much-talked about superhero movie Krrish 3, which has done brilliant collection over the weekend, has created a history at the Indian Box Office on its fourth day (Monday). The Rakesh Roshan-directed film has set a highest single day record on the Diwali holiday.
Please Wait while comments are loading...

Kannada Photos

Go to : More Photos