Don't Miss!
- News 1951 ರಿಂದ 2019 : ಲೋಕಸಭಾ ಚುನಾವಣೆಯಲ್ಲಿ ಕರ್ನಾಟಕದಲ್ಲಿ ಯಾವ ಪಕ್ಷಕ್ಕೆ ಎಷ್ಟು ಸ್ಥಾನ? ಇಲ್ಲಿದೆ ವಿವರ!
- Sports RCB vs KKR IPL 2024: ಕೆಕೆಆರ್ ವಿರುದ್ಧ ಆರ್ಸಿಬಿ ಹಸಿರು ಜೆರ್ಸಿಯಲ್ಲಿ ಕಣಕ್ಕೆ; ಅಂದೇ ಏಕೆ?
- Lifestyle ಮನೆಯಲ್ಲಿ ಸುಲಭವಾಗಿ ಬೀನ್ಸ್ ಬೆಳೆಯಬಹುದು..! ಹೇಗೆ ನೋಡಿ..!
- Automobiles ಎಲೆಕ್ಟ್ರಿಕ್ ಕಾರು ಖರೀದಿಸಿ ಪರಿಸರ ಪ್ರೇಮ ಮೆರೆದ ನಟಿ: ಬೆಲೆ ಕೇಳಿದ್ರೆ ತಲೆ ತಿರುಗುತ್ತೆ!
- Finance ಬಿಸಿಲ ಬೇಗೆಯಿಂದ ರಕ್ಷಿಸಿಕೊಳ್ಳಲು ಟ್ರಾಫಿಕ್ ಪೊಲೀಸರಿಗೆ ರಿಲಿಫ್: ಬಂತು ಹವಾನಿಯಂತ್ರಿತ ಎಸಿ ಹೆಲ್ಮೆಟ್!
- Technology Samsung: ಸ್ಯಾಮ್ಸಂಗ್ನ ಈ ಸರಣಿ ಫೋನ್ಗಳಲ್ಲಿ ಗ್ರೀನ್ ಲೈನ್ ಸಮಸ್ಯೆ! ವರದಿ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಶ್ರೀದೇವಿ ಕೊಹಿನೂರ್ ಡೈಮಂಡ್: ರಾಮ್ ಗೋಪಾಲ್ ವರ್ಮಾ
ದಕ್ಷಿಣ ಭಾರತ ಮೂಲದ ಬಾಲಿವುಡ್ ಪ್ರಸಿದ್ಧ ನಿರ್ದೇಶಕ ಹಾಗೂ ನಿರ್ಮಾಪಕ ರಾಮ್ ಗೋಪಾಲ್ ವರ್ಮಾ, ಬಾಲಿವುಡ್ ಜನಪ್ರಿಯ ನಟಿ ಶ್ರೀದೇವಿ ಕುರಿತು ಟ್ವೀಟ್ ಮಾಡಿದ್ದಾರೆ. ಒಂದು ಕಾಲದ ಬಾಲಿವುಡ್ ಮಹಾರಾಣಿ ಶ್ರೀದೇವಿ ಅಭಿನಯದ 'ಇಂಗ್ಲಿಷ್ ವಿಂಗ್ಲಿಷ್' ಚಿತ್ರ ಬಿಡುಗಡೆಯಾಗಿರುವ (ಕಳೆದ ಶುಕ್ರವಾರ, 05 ಅಕ್ಟೋಬರ್ 2012) ಈ ಸಮಯದಲ್ಲಿ ಅವರು ಶ್ರೀದೇವಿ ಬಗ್ಗೆ ಟ್ವೀಟ್ ಮಾಡಿರುವುದು ಸಮಯೋಚಿತ ಎನಿಸಿದೆ.
ಶ್ರೀದೇವಿ ಚಿತ್ರ 'ಇಂಗ್ಲಿಷ್ ವಿಂಗ್ಲಿಷ್' ಬಿಡುಗಡೆಯಾದ ದಿನ ಮೊದಲ ಶೋ ನೋಡಿದ ಪ್ರೇಕ್ಷಕರು ಹಾಗೂ ವಿಮರ್ಶಕರು ಆ ಚಿತ್ರವನ್ನು ಅದ್ಯಾವ ಪರಿ ಮೆಚ್ಚಿಕೊಂಡಿದ್ದಾರೆ ಎಂದರೆ ಆ ಪ್ರಶಂಸೆಯ ಸುರಿಮಳೆ 'ಇಂಟರ್ ನ್ಯಾಷನಲ್ ಲೆವೆಲ್'ನಲ್ಲಿ ನ್ಯೂಸ್ ಆಗಿದೆ. ಅದು ಕಿವಿಗೆ ಬಿದ್ದಿದ್ದೇ ತಡ, ಶ್ರೀದೇವಿ ಮಹಾ ಫ್ಯಾನ್ ಆಗಿರುವ ವರ್ಮಾ, ಸಂಪೂರ್ಣ ಅಲರ್ಟ್ ಆಗಿದ್ದಾರೆ. ತಕ್ಷಣವೇ "ನಾನು ಶ್ರೀದೇವಿ ಮಹಾ ಫ್ಯಾನ್. ಅವರ ಚಿತ್ರವನ್ನು ಎಲ್ಲರಂತೆ ಕ್ಯೂನಲ್ಲಿ ನಿಂತು ಟಿಕೆಟ್ ತೆಗೆದುಕೊಂಡೇ ನೋಡಲಿದ್ದೇನೆ" ಎಂದಿದ್ದರು.
ಈಗಂತೂ ಚಿತ್ರ ಎಲ್ಲರ ಮೆಚ್ಚುಗೆಗೆ ಪಾತ್ರವಾಗಿದೆ. ವಿಮರ್ಶಕರಂತೂ ಈ ಚಿತ್ರವನ್ನು ಮೆಚ್ಚಿದ್ದಷ್ಟೇ ಅಲ್ಲ, ಎಂದೂ ಕೊಡದಷ್ಟು 'ರೇಟಿಂಗ್' ಅನ್ನು ಈ 'ಇಂಗ್ಲಿಷ್ ವಿಂಗ್ಲಿಷ್' ಚಿತ್ರಕ್ಕೆ ಕೊಟ್ಟಿದ್ದಾರೆ. ಶ್ರೀದೇವಿ ಕುರಿತಂತೆ ಪ್ರೇಕ್ಷಕರು, ವಿಮರ್ಶಕರು ಹಾಗೂ ಜಗತ್ತಿನಾದ್ಯಂತ ಇರುವ ಸಿನಿಮಾಪ್ರಿಯರು ಅಚ್ಚರಿ ಹಾಗೂ ಸಂತೋಷ ವ್ಯಕ್ತಪಡಿಸಿದ್ದಾರೆ. "ಅದೆಷ್ಟೋ ವರುಷ ತೆರೆಮೆರೆಗೆ ಸರಿದಿದ್ದರೂ ನಟನಾ ಪ್ರತಿಭೆಯಲ್ಲಿ ಕಿಂಚಿತ್ತೂ ಕುಂದಿಲ್ಲವೆಂಬುದು ಅಚ್ಚರಿಯಾದರೆ ಮತ್ತೆ ಶ್ರೀದೇವಿ ನಟಿಸಿದ್ದಾರೆ ಎಂಬುದು ಸಂತೋಷ" ಎಂಬ ಅಭಿಪ್ರಾಯ ಎಲ್ಲೆಡೆಯಿಂದ ವ್ಯಕ್ತವಾಗಿದೆ.
ಇನ್ನು ಈ ಕುರಿತು ರಾಮ್ ಗೋಪಾಲ್ ವರ್ಮಾ "ಇಂಗ್ಲಿಷ್ ವಿಂಗ್ಲಿಷ್ ಅಗಬಹುದು, ಅಮೆರಿಕಾ ಗಿಮೆರಿಕಾ ಆಗಬಹುದು. ಇಂಡಿಯಾ ವಿಂಡಿಯಾ ಆಗಬಹುದು... ಆದ್ರೆ ಶ್ರೀದೇವಿ ವ್ರೀದೇವಿ ಆಗೋಕೆ ಸಾಧ್ಯವಿಲ್ಲ. ಜಗತ್ತಿನಲ್ಲಿ ಬೇಕಾದಷ್ಟು ಕೊಹಿನೂರ್ ವಜ್ರಗಳಿರಬಹುದು, ಆದ್ರೆ ನಮಗಿರೋದು ಒನ್ ಅಂಡ್ ಓನ್ಲಿ ಶ್ರೀದೇವಿ!". ಎಂದು ಟ್ವೀಟ್ ಮಾಡಿದ್ದಾರೆ. ವರ್ಮಾ ಪ್ರಶಂಸೆಯ ಈ ಟ್ವೀಟ್ ಬಗ್ಗೆ ಶ್ರೀದೇವಿ ಪ್ರತಿಭೆ ಹಾಗೂ ಸೌಂದರ್ಯ ಬಲ್ಲ ಯಾರೂ ಕೊಂಕು ಮಾತು ಆಡಲಾರರು. ಎಲ್ಲರೂ "ಇಬ್ಬರೂ ಗ್ರೇಟ್ " ಅನ್ನೋದು ಗ್ಯಾರಂಟಿ ಬಿಡಿ... (ಏಜೆನ್ಸೀಸ್)