Don't Miss!
- News ರಾಮೇಶ್ವರಂ ಕೆಫೆ ಸ್ಫೋಟ ಪ್ರಕರಣ: ಪ್ರಮುಖ ಆರೋಪಿಯನ್ನು ಬಂಧಿಸಿದ ಎನ್ಐಎ
- Lifestyle ಗಾಯ ಗುಣವಾಗಲು, ದೃಷ್ಟಿ ಸುಧಾರಣೆ ಸೇರಿ ಕೀವಿ ಹಣ್ಣಿನ ಲಾಭ ಎಷ್ಟಿದೆ ಗೊತ್ತಾ?
- Sports ರೋಹಿತ್ vs ಹಾರ್ದಿಕ್: ಸತತ ಸೋಲಿನ ನಡುವೆಯೇ ಮುಂಬೈ ಇಂಡಿಯನ್ಸ್ ಇಬ್ಭಾಗ!?
- Automobiles ಸಾಟಿಯಿಲ್ಲದ ಮೈಲೇಜ್: ಈ ಮಾರುತಿ ಕಾರುಗಳು ಫುಲ್ ಟ್ಯಾಂಕ್ನಲ್ಲಿ 1200 ಕಿ.ಮೀ ಚಲಿಸುತ್ತೆ
- Finance ಷೇರು ಮಾರುಕಟ್ಟೆಯಲ್ಲಿ ಬಂಪರ್ ಲಾಟರಿ: ಹೂಡಿಕೆದಾರರಿಗೆ ಲಾಭವೋ ಲಾಭ!
- Technology Oppo: ಭಾರತದಲ್ಲಿ ಒಪ್ಪೋ F25 ಪ್ರೊ ಸ್ಮಾರ್ಟ್ಫೋನ್ ಹೊಸ ಕಲರ್ ವೇರಿಯಂಟ್ನಲ್ಲಿ! ಬೆಲೆ ಎಷ್ಟು?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
'ಟ್ಯೂಬ್ ಲೈಟ್' ಮೂಲಕ ಹೊಸ ದಾಖಲೆಗೆ ಸಾಕ್ಷಿಯಾದ ಸಲ್ಮಾನ್ ಖಾನ್
'ಸುಲ್ತಾನ್' ನಟ ಸಲ್ಮಾನ್ ಖಾನ್ ಅಭಿನಯದ 'ಟ್ಯೂಬ್ ಲೈಟ್' ಚಿತ್ರ ಟೀಸರ್ ಮತ್ತು ಹಾಡುಗಳಿಂದ ಬಾಲಿವುಡ್ ಸಿನಿ ಪ್ರೇಮಿಗಳಲ್ಲಿ ಬಹು ನಿರೀಕ್ಷೆ ಹುಟ್ಟುಹಾಕಿದೆ. ತೆರೆಗೆ ಅಪ್ಪಳಿಸಲು ಚಿತ್ರತಂಡ ಪ್ರೊಮೋಷನ್ ಚಟುವಟಿಕೆಗಳನ್ನು ಈಗಾಗಲೇ ಆರಂಭಿಸಿದ್ದು, ಈ ಹಿನ್ನೆಲೆಯಲ್ಲಿ ಸಲ್ಮಾನ್ ಖಾನ್ ಹೊಸ ದಾಖಲೆಯೊಂದಕ್ಕೆ ಸಾಕ್ಷಿಯಾಗಿದ್ದಾರೆ.[ಮಿಸ್ ಮಾಡದೇ ನೋಡಿ ಸಲ್ಮಾನ್ ಖಾನ್ ರೇಡಿಯೋ ಹಾಡು!]
ಅದೇನಂದ್ರೆ ಸಾಮಾಜಿಕ ಜಾಲತಾಣ ಟ್ವಿಟರ್ ನಲ್ಲಿ 'ಟ್ಯೂಬ್ ಲೈಟ್' ಚಿತ್ರದ ಸಲ್ಮಾನ್ ಖಾನ್ ಪಾತ್ರ ಎಮೋಜಿ ಆಗಿ ಹೊರಹೊಮ್ಮಿದೆ. ಮುಂದೆ ಓದಿ.
ಎಮೋಜಿ ಕ್ಯಾರೆಕ್ಟರ್ ಪಡೆದ ಮೊದಲ ಬಾಲಿವುಡ್ ನಟ
ಹೌದು. 'ಟ್ಯೂಬ್ ಲೈಟ್' ಚಿತ್ರದ ಸಲ್ಮಾನ್ ಖಾನ್ ಪಾತ್ರ ಈಗ ಸಾಮಾಜಿಕ ಜಾಲತಾಣ ಟ್ವಿಟರ್ ನಲ್ಲಿ ವಿಶೇಷ ಎಮೋಜಿ ಕ್ಯಾರೆಕ್ಟರ್ ಆಗಿ ಕ್ರಿಯೇಟ್ ಆಗಿದೆ. ಈ ಮೂಲಕ ಪ್ರಪಂಚದಾದ್ಯಂತ 319 ದಶಲಕ್ಷಕ್ಕೂ ಹೆಚ್ಚು ಬಳಕೆದಾರರನ್ನು ಹೊಂದಿರುವ ಟ್ವಿಟರ್ ನಲ್ಲಿ ಸ್ವಂತ ಎಮೋಜಿ ಪಡೆದ ಮೊದಲ ಬಾಲಿವುಡ್ ನಟ ಎಂಬ ಹೆಗ್ಗಳಿಕೆಗೆ ಸಲ್ಮಾನ್ ಖಾನ್ ಪಾತ್ರರಾಗಿದ್ದಾರೆ.
ಟ್ವಿಟರ್ ಮತ್ತು ಚಿತ್ರತಂಡ ಸಹಯೋಗದಿಂದ ಎಮೋಜಿ
ಟ್ವಿಟರ್ ಕಂಪನಿ ಮತ್ತು 'ಟ್ಯೂಬ್ ಲೈಟ್' ಚಿತ್ರತಂಡ ಎರಡು ಸಹಯೋಗದಲ್ಲಿ ಚಿತ್ರದ ಪ್ರಮೋಷನ್ ಗಾಗಿ ಹೊಸ ಟ್ರೆಂಡ್ ಹುಟ್ಟುಹಾಕಲು ಸಲ್ಮಾನ್ ಖಾನ್ ರವರ ಎಮೋಜಿ ಮೂಲಕ ಮುಂದಾಗಿದ್ದಾರೆ.
ಸಲ್ಮಾನ್ ಖಾನ್ ಎಮೋಜಿ
ಅಂದಹಾಗೆ ಸಲ್ಮಾನ್ ಖಾನ್ 'ಟ್ಯೂಬ್ ಲೈಟ್' ಚಿತ್ರದಲ್ಲಿ ಎರಡು ಶೂಗಳನ್ನು ಕತ್ತಿಗೆ ನೇತುಹಾಕಿಕೊಂಡು ಸೆಲ್ಯೂಟ್ ಮಾಡಿರುವ ದೃಶ್ಯವನ್ನು ಟ್ವಿಟರ್ ನಲ್ಲಿ ಎಮೋಜಿ ಕ್ಯಾರೆಕ್ಟರ್ ಆಗಿ ಕ್ರಿಯೇಟ್ ಮಾಡಲಾಗಿದೆ.
ಎಮೋಜಿ ಪಡೆಯುವುದು ಹೇಗೆ?
ಟ್ವಿಟರ್ ಸಂದೇಶ ಬರೆಯುವಲ್ಲಿ ಸಲ್ಮಾನ್ ಖಾನ್ ಎಮೋಜಿ ಪಡೆಯಲು #TubelightKiEid ಅಥವಾ #Tubelight ಎಂದು ಟೈಪಿಸಿ.
ಕಬೀರ್ ಖಾನ್ ಟ್ವೀಟ್
'ಟ್ಯೂಬ್ ಲೈಟ್' ಚಿತ್ರದ ನಿರ್ದೇಶಕ ಕಬೀರ್ ಖಾನ್ ರವರು, " 'ಟ್ಯೂಬ್ ಲೈಟ್' ಚಿತ್ರ ಟ್ವಿಟರ್ ನಲ್ಲಿ ಸ್ವಂತ ಎಮೋಜಿ ಕ್ಯಾರೆಕ್ಟರ್ ಪಡೆದ ಬಾಲಿವುಡ್ ನ ಮೊದಲ ಚಿತ್ರವಾಗಿದೆ. ಇದನ್ನು ಪ್ರಕಟಗೊಳಿಸಲು ಸಂತೋಷವಾಗುತ್ತಿದೆ" ಎಂದು ಅವರು ಎಮೋಜಿ ಬಳಸಿ ಟ್ವೀಟ್ ಮಾಡಿದ್ದಾರೆ.
'ಟ್ಯೂಬ್ ಲೈಟ್' ಬಿಡುಗಡೆ ಯಾವಾಗ
'ಟ್ಯೂಬ್ ಲೈಟ್' ಚಿತ್ರ ರಂಜಾನ್ ಹಬ್ಬದ ಪ್ರಯುಕ್ತ ಜೂನ್ 23 ರಂದು ದೇಶದಾದ್ಯಂತ ಬಿಡುಗಡೆ ಆಗಲಿದೆ.