»   » ಮತ್ತೆ 'ಬಾಡಿಗಾರ್ಡ್'ಗೆ ಜೋತುಬಿದ್ದ ಸಲ್ಮಾನ್ ಖಾನ್

ಮತ್ತೆ 'ಬಾಡಿಗಾರ್ಡ್'ಗೆ ಜೋತುಬಿದ್ದ ಸಲ್ಮಾನ್ ಖಾನ್

Posted by:
Subscribe to Filmibeat Kannada

ನಟ ಸಲ್ಮಾನ್ ಖಾನ್ ಬಾಲಿವುಡ್ ನಲ್ಲಿ 'ಬಾಡಿಗಾರ್ಡ್' ಚಿತ್ರದ ಮೂಲಕ ಭರ್ಜರಿ ಮಿಂಚಿದ್ದು ಗೊತ್ತೇ ಇದೆ. ಕಳೆದ ವರ್ಷ 2011 ರಲ್ಲಿ ತೆರೆಗೆ ಬಂದಿದ್ದ ಈ ಚಿತ್ರ ಬಾಕ್ಸ್ ಆಫೀಸ್ ನಲ್ಲಿ ಭರ್ಜರಿ ಗೆಲುವು ದಾಖಲಿಸಿದ್ದಲ್ಲದೇ, ಸಲ್ಮಾನ್ ಖಾನ್ ವೃತ್ತಿಜೀವನಕ್ಕೆ ಬಹುದೊಡ್ಡ ತಿರುವು ನೀಡಿತ್ತು. ಈಗ ಅದೇ ಚಿತ್ರದ 2 ನೇ ಭಾಗದಲ್ಲಿ ನಟಿಸಲು ಸಲ್ಲೂ ಸಿದ್ಧರಾಗುತ್ತಿದ್ದಾರೆ.

ದಕ್ಷಿಣ ಭಾರತದ ಹೆಸರಾಂತ ನಿರ್ದೇಶಕ ಸಿದ್ಧಿಕ್ ನಿರ್ದೇಶನದ ಬಾಡಿಗಾರ್ಡ್, ಹಿಂದಿ ಭಾಷೆಯಲ್ಲಿ ಮಾತ್ರವಲ್ಲದೇ ಇತರ ಮೂರು ಭಾಷೆಗಳಲ್ಲಿ ರೀಮೇಕ್ ಆಗಿದೆ. ಬಾಲಿವುಡ್ ಬಿಟ್ಟು ಉಳಿದ ಭಾಷೆಗಳಲ್ಲಿ ಈ ಚಿತ್ರ ಅಷ್ಟೇನೂ ಯಶಸ್ವಿಯಾಗಲಿಲ್ಲ. ಈ ಚಿತ್ರವನ್ನು ಅತುಲ್ ಅಗ್ನಿಹೋತ್ರಿ ಸಲ್ಮಾನ್ ಖಾನ್ ಹಾಗೂ ಕರೀನಾ ಕಪೂರ್ ತಾರಾಜೋಡಿಯನ್ನು ಹಾಕಿಕೊಂಡು ನಿರ್ಮಿಸಿದ್ದರು.

ಬಾಕ್ಸ್ ಆಫಿಸ್ ಗಳಿಕೆಯಲ್ಲಿ ಈ ಚಿತ್ರ ಇತಿಹಾಸ ನಿರ್ಮಿಸಿತು. ಬರೋಬ್ಬರಿ 230 ಕೋಟಿ ರು. ಗಳಿಸಿದ ಈ ಚಿತ್ರ 2011ರ ಸೂಪರ್ ಹಿಟ್ ಚಿತ್ರವಾಗಿ ಹೊರಹೊಮ್ಮಿತ್ತು. ಈ ಎಲ್ಲಾ ಕಾರಣಗಳಿಂದ ಈ ಚಿತ್ರ ಮತ್ತೆ ಭಾಗ-2 ರ ಮೂಲಕ ತೆರೆಗೆ ಬರಲು ಸಿದ್ಧವಾಗುತ್ತಿದೆ.

ಬಾಡಿಗಾರ್ಡ್ ಚಿತ್ರವನ್ನು ನಿರ್ಮಿಸಿದ್ದ ನಿರ್ಮಾಪಕ ಅತುಲ್ ಅಗ್ನಿಹೋತ್ರಿಯವರೇ ಈಗ ಬಾಡಿಗಾರ್ಡ್-2 ಚಿತ್ರವನ್ನೂ ನಿರ್ಮಿಸಲಿದ್ದಾರೆ. ಆದರೆ, ಸದ್ಯದ ಸಮಾಚಾರದ ಪ್ರಕಾರ ನಿರ್ದೇಶಕರು ಸಿದ್ಧಿಕ್ ಅಲ್ಲ. ಈಗಷ್ಟೇ ಕಥೆ, ಚಿತ್ರಕಥೆ ಹಂತದಲ್ಲಿರುವ ಈ ಪ್ರಾಜೆಕ್ಟ್ ಸಿದ್ಧವಾದ ತಕ್ಷಣ ಉಳಿದ ವಿವರಗಳನ್ನು ಬಹಿರಂಗಪಡಿಸಲಾಗುವುದು  ಎಂದು ಸ್ವತಃ ಅತುಲ್ ಹೇಳಿದ್ದಾರೆ.

ಹೀಗಾಗಿ ಸಲ್ಮಾನ್ ಖಾನ್ ಮತ್ತೊಮ್ಮೆ ಬಾಡಿಗಾರ್ಡ್ ಆಗಿ ಬರಲಿದ್ದಾರೆ. ಸಲ್ಮಾನ್ ಖಾನ್ ಅಭಿಮಾನಿಗಳು ಈ ಸುದ್ದಿ ಕೇಳಿ ಸಖತ್ ಖುಷಿಯಾಗಿದ್ದಾರೆ. ಮತ್ತೆ ಸಲ್ಮಾನ್ 'ಬಾಡಿ'ಗಾರ್ಡ್ ನೋಡಲು ಅವರ ಮಹಿಳಾ ಅಭಿಮಾನಿಗಳು ತುದಿಗಾಲಲ್ಲಿ ನಿಂತಿದ್ದಾರೆ. ಆದಷ್ಟು ಬೇಗ ಬಾಡಿಗಾರ್ಡ್ 2 ಬರಲಿ ಎಂಬ ಸಂದೇಶ ಬಾಲಿವುಡ್ ಅಂಗಳದಿಂದ ರವಾನೆಯಾಗಿದೆ. (ಏಜೆನ್ಸೀಸ್)

English summary
Salman Khan's bodyguard broke all the records at the box-office. Now, Salman Khan will also be doing Bodyguard 2. The same producer Atul Agnihotri produces this movie.
Please Wait while comments are loading...

Kannada Photos

Go to : More Photos