twitter
    For Quick Alerts
    ALLOW NOTIFICATIONS  
    For Daily Alerts

    ಶೋಲೆ ಖ್ಯಾತಿಯ ಸಂಕಲನಕಾರ ಶಿಂಧೆ ದೈವಾಧೀನ

    By Rajendra
    |

    MS Shinde
    ಭಾರತೀಯ ಚಿತ್ರರಂಗದಲ್ಲಿ ವಿಶೇಷವಾಗಿ ಗುರುತಿಸಿಕೊಂಡಿರುವ ಚಿತ್ರ 'ಶೋಲೆ'. ಈ ಚಿತ್ರದ ಪಾತ್ರವರ್ಗ, ಕಥೆ, ಚಿತ್ರಕಥೆ, ನಿರ್ದೇಶನ ಎಷ್ಟು ಮುಖ್ಯವೋ ಸಂಕಲನ ಕೂಡ ಅಷ್ಟೇ ಮಹತ್ವ ಪಡೆದಿದೆ. ಇದೇ ರೀತಿಯ ಹಲವಾರು ಚಿತ್ರಗಳಿಗೆ ಸಂಕಲನ ಮಾಡಿರುವ ಖ್ಯಾತ ಸಂಕಲನಕಾರ ಎಂ.ಎಸ್. ಶಿಂಧೆ (83) ಅವರು ವಯೋಸಹಜವಾಗಿ ವಿಧಿವಶರಾಗಿದ್ದಾರೆ.

    ಮುಂಬೈನ ಧಾರಾವಿಯಲ್ಲಿರುವ (ಏಷ್ಯಾದ ಅತಿದೊಡ್ಡ ಕೊಳಗೇರಿ) ಅವರ ನಿವಾಸರಲ್ಲಿ ಶಿಂಧೆ ಕಣ್ಮುಚ್ಚಿದ್ದಾರೆ. ವಯೋಸಹಜ ಸಮಸ್ಯೆಗಳಿಂದ ಬಳಲುತ್ತಿದ್ದ ಅವರಿಗೆ ಯಾವುದೇ ಕಾಯಿಲೆ ಕಸಾಲೆ ಇರಲಿಲ್ಲ ಎಂದು ಅವರ ಹಿರಿಯ ಪುತ್ರಿ ಪ್ರೇರಣಾ ಅವರು ಪಿಟಿಐ ಸುದ್ದಿ ಸಂಸ್ಥೆಗೆ ತಿಳಿಸಿದ್ದಾರೆ.

    ಶಿಂಧೆ ಅವರು 100ಕ್ಕೂ ಅಧಿಕ ಹಿಟ್ ಚಿತ್ರಗಳಿಗೆ ಸಂಕಲನಕಾರರಾಗಿ ಕೆಲಸ ಮಾಡಿದ್ದಾರೆ. ಶೋಲೆ, ಸೀತಾ ಔರ್ ಗೀತಾ, ಬ್ರಹ್ಮಚಾರಿ, ಚಮತ್ಕಾರ್ ಸೇರಿದಂತೆ ಮುಂತಾದ ಚಿತ್ರಗಳನ್ನು ಹೆಸರಿಸಬಹುದು.

    ಮುಂಬೈನ ಧಾರಾವಿಯಲ್ಲಿನ 160 ಚದರಡಿ ವಿಸ್ತೀರ್ಣದ ಕೊಠಡಿಯಲ್ಲಿ ಅವರು ತಮ್ಮ ಕಿರಿಯ ಪುತ್ರಿ ಜೊತೆ ವಾಸವಾಗಿದ್ದರು. ಧಾರಾವಿ ಸ್ಲಂ ಪ್ರದೇಶಕ್ಕೂ ಮುನ್ನ ಅವರು ಸೆಂಟ್ರಲ್ ಮುಂಬೈನ ಬಹುಮಹಡಿ ಕಟ್ಟಡವೊಂದರಲ್ಲಿ ತಮ್ಮ ಮಗಳೊಂದಿಗೆ ವಾಸವಾಗಿದ್ದರು. ಆದರೆ ಆ ಕಟ್ಟಡದಲ್ಲಿ ಸಮಸ್ಯೆಯುಂಟಾದ ಕಾರಣ ಅವರನ್ನು ಬಲವಂತವಾಗಿ ಅಲ್ಲಿಂದ ಹೊರಹಾಕಿದ್ದರು.

    ಇಷ್ಟೆಲ್ಲಾ ಕಷ್ಟಕಾರ್ಪಣ್ಯಗಳಿಗೆ ಈ ಹಿರಿ ಜೀವ ತುತ್ತಾಗಿದ್ದರೂ ಬಾಲಿವುಡ್ ನ ದಿಗ್ಗರು ಯಾರೂ ಇತ್ತ ತಿರುಗಿಯೂ ನೋಡಿರಲಿಲ್ಲ. ರಮೇಶ್ ಸಿಪ್ಪಿ ಅವರ ಬಹುತೇಕ ಚಿತ್ರಗಳಿಗೆ ಸಂಕಲನಕಾರರಾಗಿ ಶಿಂಧೆ ದುಡಿದಿದ್ದಾರೆ. ಶೋಲೆ (1975) ಚಿತ್ರದ ಸಂಕಲನಕ್ಕಾಗಿ ಫಿಲಂಫೇರ್ ಪ್ರಶಸ್ತಿಗೂ ಭಾಜನರಾಗಿದ್ದರು. (ಪಿಟಿಐ)

    English summary
    Sholay fame noted Bollywood editor M S Shinde, who has edited over 100 hit films including Sholay, Seeta Aur Geeta, Brahmachari, Chamatkar and others, passed away at his residence in Dharavi here due to old age problems. He was 83.
    Saturday, September 29, 2012, 13:26
    IIFA

    Kannada Photos

    Go to : More Photos
    ತಾಜಾ ಸುದ್ದಿ ತಕ್ಷಣ ಪಡೆಯಿರಿ
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X