Don't Miss!
- Sports CSK vs LSG IPL 2024: ಚೆನ್ನೈ vs ಲಕ್ನೋ ಹೈ-ವೋಲ್ಟೇಜ್ ಪಂದ್ಯದ ಟಾಸ್ ವರದಿ; ಆಡುವ 11ರ ಬಳಗ
- News Delhi Rain: ದೆಹಲಿಯಲ್ಲಿ ದಾರಾಕಾರ ಮಳೆ: ಬಿಸಿಲಿನ ಶಾಖದಿಂದ ಪರಿಹಾರ
- Finance ಸಾಲ ತಂದು ನೌಕರರಿಗೆ ಸಂಬಳ ನೀಡಿದ ಬೈಜುಸ್ ಸಂಸ್ಥೆ!
- Technology Realme: ಭಾರತದಲ್ಲಿ ರಿಯಲ್ಮಿ C65 5G ಸ್ಮಾರ್ಟ್ಫೋನ್ ಲಾಂಚ್ಗೆ ದಿನಾಂಕ ಫಿಕ್ಸ್! ಫೀಚರ್ಸ್ ಲೀಕ್..
- Lifestyle ಮೊಬೈಲ್ ಬೇಡ..ಗ್ಯಾಜೆಟ್ ಬೇಡ..ಹಸ್ತದಿಂದ ಪೇಮೆಂಟ್ ಮಾಡಿ..! ಇದು ಟಿಜಿಟಲ್ ಕ್ರಾಂತಿ..!
- Automobiles Kia Carens: ಗ್ಲೋಬಲ್ ಎನ್ಸಿಎಪಿ ಸುರಕ್ಷತಾ ಪರೀಕ್ಷೆ.. 3-ಸ್ಟಾರ್ ಪಡೆದ ಕಿಯಾ ಕ್ಯಾರೆನ್ಸ್
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಆದಿ ಲೋಕೇಶ್ ಅಸಲಿ ಬಣ್ಣ ಟಿವಿಯಲ್ಲಿ ಬಯಲು
ಕನ್ನಡ ಚಿತ್ರರಂಗದ ಖಳ ನಟ ಆದಿ ಲೋಕೇಶ್ ನಿಜ ಜೀವನದಲ್ಲೂ ಖಳ ನಟನಾದ ಘಟನೆ ವರದಿಯಾಗಿದೆ. ಇಂಟರ್ನೆಟ್ ಮೂಲಕ ಚಾಟ್ ಮಾಡಿ ಹಲವಾರು ಹುಡುಗಿಯರನ್ನು ಬಲೆಗೆ ಬೀಳಿಸಿ ಮದುವೆಯಾಗುವುದಾಗಿ ನಂಬಿಸಿ ಮೋಸ ಮಾಡಿರುವ ಸುದ್ದಿ ಕನ್ನಡ ಚಿತ್ರೋದ್ಯಮವನ್ನು ದಂಗುಬಡಿಸಿದೆ.
ಬೆಂಗಳೂರಿನ ಖಾಸಗಿ ಕಂಪನಿಯಲ್ಲಿ ಕೆಲಸ ಮಾಡುತ್ತಿರುವ 24 ವರ್ಷದ ಹುಡುಗಿಯೊಬ್ಬಳು ಟಿವಿ 9 ಕಚೇರಿಗೆ ಬಂದು ಆದಿ ಲೋಕೇಶ್ ಲಂಪಟತನವನ್ನು ಬಯಲಿಗೆಳೆದಿದ್ದಾಳೆ. ಈಕೆಯೊಂದಿಗೆ ಹಲವಾರು ದಿನಗಳಿಂದ ಆದಿ ಲೋಕೇಶ್ ಚಾಟ್ ಮಾಡುತ್ತಿದ್ದ.
ನಿಮ್ಮನ್ನು ಪ್ರೀತಿಸುತ್ತಿದ್ದೇನೆ. ಮದುವೆಯಾಗುತ್ತೇನೆ ಎಂದು ಈಕೆಯನ್ನು ನಂಬಿಸಿದ್ದ. ಅಷ್ಟೇ ಅಲ್ಲದೆ ಈಕೆಯಿಂದ ರು.10 ಲಕ್ಷ ಹಣ ಲಪಟಾಯಿಸಲು ಸಂಚು ರೂಪಿಸಿದ್ದ ಎಂಬ ಅಂಶಗಳು ಬಯಲಾಗಿವೆ.
ಆದಿ ಲೋಕೇಶ್ ಚಿನ್ನಾಭರಣ ತೆಗೆದುಕೊಂಡ ಕುರಿತು ಈಗಾಗಲೇ ಆರ್ ಟಿ ನಗರ ಪೊಲೀಸ್ ಠಾಣೆಯಲ್ಲಿ ಈಕೆ ದೂರು ನೀಡಿದ್ದಳು. ಪೊಲೀಸರು ಮಧ್ಯ ಪ್ರವೇಶಿಸಿ ಚಿನ್ನಾಭರಣಗಳನ್ನು ಈಕೆಗೆ ಆದಿಯಿಂದ ಮರಳಿಸಿ ಕೈತೊಳೆದುಕೊಂಡಿದ್ದರು.
ಆದಿ ಲೋಕೇಶ್ ಗೆ ಮದುಯಾಗಿದೆ ಎಂಬುದನ್ನು ಅರಿತ ಈಕೆ ಆಕ್ಷೇಪ ವ್ಯಕ್ತಪಡಿಸಿದ್ದಳು. ಹೆಂಡತಿಗೆ ವಿವಾಹ ವಿಚ್ಛೇದನ ನೀಡಲು ರು.10 ಲಕ್ಷ ಬೇಕಾಗಿದೆ ಎಂಬ ಬೇಡಿಕೆಯನ್ನು ಆದಿ ಲೋಕೇಶ್ ಈಕೆಯ ಮುಂದಿಟ್ಟಿದ್ದ. ಅಷ್ಟರೊಳಗಾಗಲೇ ಎಚ್ಚೆತ್ತುಕೊಂಡ ಈಕೆ ಸೀದಾ ಟಿವಿ 9 ಕಚೇರಿಗೆ ಬಂದು ಎಲ್ಲವನ್ನೂ ಹೇಳಿ ಆದಿ ಲೋಕೇಶ್ ಮುಖಕ್ಕೆ ಮಂಗಳಾರತಿ ಮಾಡಿದ್ದಾಳೆ.
ಕೇವಲ ಈಕೆಯೊಂದಿಗಷ್ಟೇ ಅಲ್ಲದೆ ಹಲವಾರು ಹುಡುಗಿಯರ ಜೊತೆ ಆದಿ ಲೋಕೇಶ್ ಚಾಟ್ ಮಾಡಿರುವುದು ಗುಟ್ಟಾಗಿ ಉಳಿದಿಲ್ಲ. ಪಲ್ಲವಿ, ಸೌಮ್ಯ....ಮುಂತಾದ ಹುಡುಗಿಯರ ಜತೆ ಚಾಟ್ ಮಾಡಿರುವ ಇಂಟರ್ನೆಟ್ ಕಾಪಿಗಳೇ ಇದಕ್ಕೆ ಸಾಕ್ಷಿಯಾಗಿವೆ.
ಆದಿ ಲೋಕೇಶ್ ಕೇವಲ ತೆರೆಯ ಮೇಲಷ್ಟೇ ಅಲ್ಲ ರಿಯಲ್ ಲೈಫ್ ನಲ್ಲೂ ಖಳನಟ ಎಂಬುದು ಸಾಬೀತಾಗಿದೆ. ಮತ್ತಷ್ಟು ಹುಡುಗಿಯರು ಈತನ ಬಳೆಗೆ ಬೀಳುವ ಮುನ್ನವೇ ಈತನ ಲಂಪಟತನ ಬಯಲಾಗಿದೆ.
ಆದಿ ಲೋಕೇಶ್ ಈಗಾಗಲೇ ಎರಡನೇ ಮದುವೆ ಮಾಡಿಕೊಂಡಿದ್ದಾನೆ. ಮೊದಲ ಹೆಂಡತಿಗೆ ವಿವಾಹ ವಿಚ್ಛೇದನ ನೀಡಲು ಅರ್ಜಿ ಸಲ್ಲಿಸಲಾಗಿದೆ. ಇನ್ನೂ ಡೈವೋರ್ಸ್ ವಿಷಯ ಇತ್ಯರ್ಥವಾಗಿಲ್ಲ. ಅಷ್ಟರಲ್ಲಾಗಲೇ ಐಟಂ ಡ್ಯಾನ್ಸರ್ ಅನುಷಾರನ್ನು ಮದುವೆಯಾಗಿದ್ದಾರೆ.
ಆಕೆಯೊಂದಿಗೂ ಆದಿ ಲೋಕೇಶ್ ದಾಂಪತ್ಯ ಜೀವನ ಅಷ್ಟಕ್ಕಷ್ಟೆ. ವರದಕ್ಷಿಣೆ ಕಿರುಕುಳ, ದಬ್ಬಾಳಿಕೆ ವಿಷಯಗಳನ್ನು ಮುಂದಿಟ್ಟುಕೊಂಡು ಅನುಷಾ ಈಗಾಗಲೇ ಕೋರ್ಟ್ ಮೆಟ್ಟಿಲೇರಿದ್ದಾರೆ. ಇಷ್ಟೆಲ್ಲಾ ಅವಾಂತರಗಳನ್ನು ಸೃಷ್ಟಿಸಿಕೊಂಡಿರುವ ಆದಿ ಲೋಕೇಶ್ ಮಾತ್ರ ಹುಡುಗಿಯರ ಹಿಂದೆ ಬೀಳುವುದನ್ನು ಬಿಟ್ಟಿಲ್ಲ.
ಮೊದಲ ಹೆಂಡತಿಯಿಂದ ಸದ್ಯಕ್ಕೆ ದೂರವಾಗಿರುವ ಆದಿ ಲೋಕೇಶ್ ಎರಡನೇ ಹೆಂಡತಿ ಅನುಷಾರಿಂದಲೂ ತಿರಸ್ಕೃತನಾಗಿದ್ದಾನೆ. ಆದಿ ಲೋಕೇಶ್ ಸೈಬರ್ ಸೆಕ್ಸ್ ಮಾಡುತ್ತಾನೆ ಎಂದು ಅನುಷಾ ಆಪಾದಿಸಿದ್ದಾರೆ. ತನಗೆ ಈಗಾಗಲೇ ಮದುವೆಯಾಗಿದೆ ಎಂದು ಗೊತ್ತಾದ ಕೂಡಲೆ, ತನ್ನ ಹೆಂಡತಿಗೆ ಕ್ಯಾನ್ಸರ್ ಇದೆ ಎಂದು ಆದಿ ಲೋಕೇಶ್ ಇಂಟರ್ನೆಟ್ ಚಾಟ್ ನಲ್ಲಿ ನಂಬಿಸುತ್ತಿದ್ದ.
ಆದರೆ ಇವೆಲ್ಲಾ ಈಗ ಬಯಲಾಗಿದ್ದು ಆದಿ ಲೋಕೇಶ್ ನಿಜವಾದ ಬಣ್ಣ ಬಯಲಾಗಿದೆ. 'ಅಂಜದಿರು' ಚಿತ್ರದಲ್ಲಿ ಆದಿ ಲೋಕೇಶ್ ಲಂಪಟನ ಪಾತ್ರವನ್ನು ಲೀಲಾಜಾಲವಾಗಿ ಸಹಜ ಎಂಬಂತೆ ಮಾಡಿದ್ದು ಇದೇ ಪುರುಷಾರ್ಥಕ್ಕಾ?