ನಾಯಕಿಯರಿಗಾಗಿ 'ಚೆನ್ನೈ ಟು ಬಾಂಬೆ' ಹುಡುಕುತ್ತಿರುವ 'ದಿ ವಿಲನ್'!

ಆಮಿ ಜಾಕ್ಸನ್ ಖಚಿತವಂತೆ!

ಮೊದಲೇ ಹೇಳಿದಾಗೆ ಆಮಿ ಜಾಕ್ಸನ್ 'ವಿಲನ್' ಚಿತ್ರದಲ್ಲಿ ಅಭಿನಯಿಸುವುದು ಬಹುತೇಕ ಖಚಿತವಂತೆ. ಆದ್ರೆ, ಆಮಿ ಜಾಕ್ಸನ್ ಸದ್ಯ ಬೇರೆ ಬೇರೆ ಪ್ರಾಜೆಕ್ಟ್ ಗಳಲ್ಲಿ ಬ್ಯುಸಿಯಾಗಿರುವುದರಿಂದ ಡೇಟ್ ಹೊಂದಾಣಿಕೆ ಆಗುತ್ತಿಲ್ಲವಂತೆ. ಎಲ್ಲ ಸುಗಮವಾಗಿ ಆದ್ರೆ, ಆದಷ್ಟೂ ಬೇಗ 'ವಿಲನ್' ಜೊತೆ ಆಮಿ ಹೆಜ್ಜೆ ಹಾಕಲಿದ್ದಾಳಂತೆ.

ಸುದೀಪ್ ಜೋಡಿಯಾಗಲಿದ್ದಾರಂತೆ ತಾಪ್ಸಿ!

ಇನ್ನು ಈಗ ಲೇಟೆಸ್ಟ್ ಆಗಿ ಹರಿದಾಡುತ್ತಿರುವ ಮಾಹಿತಿ ಪ್ರಕಾರ 'ವಿಲನ್' ಚಿತ್ರದಲ್ಲಿ ಕಿಚ್ಚನಿಗೆ ಜೋಡಿ ತಾಪ್ಸಿ ಪನ್ನು ಬರುವ ಸಾಧ್ಯತೆಯಿದೆಯಂತೆ. ಎಲ್ಲ ಅಂದುಕೊಂಡಂತೆ ಆದ್ರೆ, ತೆಲುಗು, ತಮಿಳು, ಹಿಂದಿ ಚಿತ್ರರಂಗದಲ್ಲಿ ತೊಡಗಿಸಿಕೊಂಡಿರುವ ತಾಪ್ಸಿ 'ವಿಲನ್'ಗಾಗಿ ಕನ್ನಡಕ್ಕೆ ಬರಲಿದ್ದಾರೆ ಎನ್ನಲಾಗುತ್ತಿದೆ.

ರೇಸ್ ನಲ್ಲಿದ್ದಾಳೆ ಬಾಲಿವುಡ್ ನಟಿ

ಇನ್ನು 'ವಿಲನ್' ಚಿತ್ರದ ನಾಯಕಿಯರ ರೇಸ್ ನಲ್ಲಿ ಬಾಲಿವುಡ್ ನಟಿಯರು ಕೂಡ ಇದ್ದಾರಂತೆ. 'ಮರ್ಡರ್-3', 'ರಾಕ್ ಸ್ಟಾರ್', 'ಫಿತೂರ್' ಅಂತಹ ಚಿತ್ರಗಳಲ್ಲಿ ನಟಿಸಿರುವ ಅಧಿತಿ ರಾವ್ ಹೈದಿರಿ ಅವರನ್ನ ಕೂಡ ಚಿತ್ರತಂಡ ಸಂಪರ್ಕ ಮಾಡಿದೆಯಂತೆ.

ಕಮಲ್ ಪುತ್ರಿಗೂ ಆಫರ್!

ಕಮಲ್ ಹಾಸನ್ ಪುತ್ರಿ ಶೃತಿ ಹಾಸನ್ ಹೆಸರು ಕೂಡ 'ದಿ ವಿಲನ್' ಚಿತ್ರದ ನಾಯಕಿಯರ ಪಟ್ಟಿಯಲ್ಲಿದೆ. ಈ ಎಲ್ಲ ನಟಿರಯನ್ನ ಸಂಪರ್ಕ ಮಾಡಲು ಚಿತ್ರತಂಡ ನಿರ್ಧರಿಸಿದೆಯಂತೆ. ಆದ್ರೆ, ಅಂತಿಮವಾಗಿ 'ವಿಲನ್'ಗೆ ಯಾರು ಟಿಕೆಟ್ ಪಡೆಯುತ್ತಾರೆ ಎಂಬುದು ಮತ್ತಷ್ಟು ದಿನಗಳು ಕಾದು ನೋಡಬೇಕು.

ಸುದೀಪ್-ಶಿವಣ್ಣನ ಜುಗಲ್ ಬಂದಿ

ಅಂದ್ಹಾಗೆ, 'ದಿ ವಿಲನ್' ಶಿವರಾಜ್ ಕುಮಾರ್ ಮತ್ತು ಸುದೀಪ್ ಅಭಿನಯದಲ್ಲಿ ಮೂಡಿ ಬರುತ್ತಿರುವ ಮೆಗಾಮೂವಿ. ಜೋಗಿ ಪ್ರೇಮ್ ಚಿತ್ರವನ್ನ ನಿರ್ದೇಶನ ಮಾಡುತ್ತಿದ್ದಾರೆ. ಸಿ.ಆರ್.ಮನೋಹರ್ ಈ ಚಿತ್ರಕ್ಕೆ ಬಂಡವಾಳ ಹೂಡುತ್ತಿದ್ದಾರೆ. ಶ್ರುತಿ ಹರಿಹರನ್, ಕಾಮಿಡಿ ಕಿಲಾಡಿ ಶಿವರಾಜ್ ಕೆ.ಆರ್.ಪೇಟೆ ವಿಶೇಷ ಪಾತ್ರಗಳಲ್ಲಿ ಅಭಿನಯಿಸುತ್ತಿದ್ದಾರೆ.