»   » ಗೋಲ್ಡನ್ ಸ್ಟಾರ್ ಗಣೇಶ್ ಸಂಭಾವನೆ ಅಷ್ಟೊಂದಾ?

ಗೋಲ್ಡನ್ ಸ್ಟಾರ್ ಗಣೇಶ್ ಸಂಭಾವನೆ ಅಷ್ಟೊಂದಾ?

Written by: ಹರಾ
Subscribe to Filmibeat Kannada

ಒಂದ್ಕಾಲದಲ್ಲಿ 'ಉದಯ ಟಿವಿ'ಯ ಜನಪ್ರಿಯ ಕಾರ್ಯಕ್ರಮ 'ಕಾಮಿಡಿ ಟೈಮ್' ನಲ್ಲಿ ''ನಮಸ್ಕಾರ...ನಮಸ್ಕಾರ....ನಮಸ್ಕಾರ...'' ಅಂತ ಎಲ್ಲರಿಗೂ ಸಲಾಂ ಹೊಡೆಯುತ್ತಿದ್ದ ಗಣೇಶ್, ಈಗ ಸ್ಯಾಂಡಲ್ ವುಡ್ ಪಾಲಿನ ಚಿನ್ನದ ಹುಡುಗ.

'ಮುಂಗಾರು ಮಳೆ'ಯಂತಹ ಬಿಗ್ ಹಿಟ್ ಕೊಟ್ಟ ಗಣೇಶ್, ಈಗ ಪಲ್ಟಿ ಹೊಡೆದರೂ ಯಾರೂ ಚಪ್ಪಾಳೆ ತಟ್ಟುವುದಿಲ್ಲ. ಶತಕ, ಅರ್ಧ ಶತಕ ಇರಲಿ, ಚಿತ್ರಮಂದಿರಗಳಲ್ಲಿ ಗಣಿ ಅಭಿನಯದ ಚಿತ್ರ ಮೂರು ವಾರ ಓಡಿದರೆ ಹೆಚ್ಚು.


ಬೇಕಾದ್ರೆ, ಹೊಸ ವರ್ಷಕ್ಕೆ ರಿಲೀಸ್ ಆದ 'ಖುಷಿ ಖುಷಿಯಾಗಿ' ಚಿತ್ರವನ್ನೇ ತೆಗೆದುಕೊಳ್ಳಿ....ರಿಲೀಸ್ ಆಗಿ ಒಂದು ತಿಂಗಳಾಗಿದೆ. ಅಂದ್ರೆ ಜಸ್ಟ್ 30 ಡೇಸ್. ಅಷ್ಟರಲ್ಲಿ, ಇಡೀ ಕರ್ನಾಟಕದಲ್ಲಿ ದುರ್ಬೀನ್ ಹಾಕೊಂಡು ಹುಡುಕಿದರೂ, ಯಾವುದೇ ಥಿಯೇಟರ್ ನಲ್ಲಿ 'ಖುಷಿ ಖುಷಿಯಾಗಿ' ಚಿತ್ರ ಸಿಗಲ್ಲ.


Golden Star Ganesh

ಪೇಪರ್ ಗಳನ್ನ ತಡಕಾಡಿದರೂ, ಒಂದು ಆಡ್ ಕೂಡ ಇಲ್ಲ. ಇದೇ ಗಣಿ ಅಭಿನಯದ 'ದಿಲ್ ರಂಗೀಲಾ', 'ಸಕ್ಕರೆ', 'ಮಿಸ್ಟರ್ 420', 'ಮುಂಜಾನೆ', 'ಮದುವೆ ಮನೆ', 'ಏನೋ ಒಂಥರಾ'....ಹೀಗೆ ಸಾಲು ಸಾಲು ಚಿತ್ರಗಳಿಗೂ ಆಗಿದ್ದು ಇದೇ.


ಹೀಗಿದ್ದರೂ, ಗಣೇಶ್ ಗೆ ಗಾಂಧಿನಗರದಲ್ಲಿ ಡಿಮ್ಯಾಂಡ್ ಇದೆ. ಅವರ ಕಾಲ್ ಶೀಟ್ ಗಾಗಿ ನಿರ್ಮಾಪಕರು ಕಾಯ್ತಿದ್ದಾರೆ. ಗಣಿ ''ನನ್ನ ಚಿತ್ರ ಮಾಡ್ತಿಲ್ಲ'' ಅಂತ ನಿನ್ನೆಯಷ್ಟೇ ನಿರ್ಮಾಪಕ ದಿನೇಶ್ ಗಾಂಧಿ ವಾಣಿಜ್ಯ ಮಂಡಳಿ ಮೊರೆ ಹೋಗಿದ್ದಾರೆ. [ಗಣೇಶ್ 'ಬುಗುರಿ' ಆಟ, ದಿನೇಶ್ ಗಾಂಧಿಗೆ ಪ್ರಾಣ ಸಂಕಟ!]


ಅಷ್ಟೊಂದು ಬೇಡಿಕೆ ಇರುವ ಗಣೇಶ್ ಗೆ ಸಂಭಾವನೆ ಎಷ್ಟಿರಬಹುದು ಹೇಳಿ...? ಬರೋಬ್ಬರಿ ಒಂದು ಕೋಟಿ ಇಪ್ಪತ್ತೈದು ಲಕ್ಷ (1,25,00,000)...! ಥಿಯೇಟರ್ ನಲ್ಲಿ ಎರಡು ವಾರ ನಿಲ್ಲದ ಗಣಿ, ಒಂದು ಚಿತ್ರಕ್ಕೆ ಸದ್ಯ ಚಾರ್ಜ್ ಮಾಡುತ್ತಿರುವ ಬೆಲೆ ಒಂದು ಕಾಲು ಕೋಟಿ.!


Golden Star Ganesh

ಸ್ಯಾಂಡಲ್ ವುಡ್ ನ ಸ್ಟಾರ್ ನಟರಿಗೆ ಹೋಲಿಸಿದ್ರೆ, ಗಣಿ ನಮ್ಮ ಲೆವೆಲ್ ಗೆ ಓಕೆ ಅಂತ ಲೋ ಬಜೆಟ್ ಚಿತ್ರ ನಿರ್ಮಾಪಕರೊಬ್ಬರು ಗಣಿ ಬಳಿ ಮಾತನಾಡುವುದಕ್ಕೆ ಹೋದಾಗ, ಈ ವಿಷಯ ಬಯಲಾಗಿದೆ. ಗಣಿ ರೇಟು ಕೇಳಿ, ಆ ನಿರ್ಮಾಪಕರಿಗೆ ಪಾಪ..ಕಣ್ಣು ಮಂಜು ಮಂಜಾಗಿ, ತಲೆ ತಿರುಗುವ ಪರಿಸ್ಥಿತಿ ಎದುರಾಗಿದೆ. [ಗಣಿ ವಿರುದ್ದ ದಿನೇಶ್ ಗಾಂಧಿ ನೀಡಿರುವ ದೂರಿನಲ್ಲೇನಿದೆ?]


ಅಲ್ಲೇ ಸ್ವಲ್ಪ ಹೊತ್ತು ಕೂತು ಸುಧಾರಿಸಿಕೊಂಡು, ಸಿನಿಮಾ ಮಾಡದಿರುವುದೇ ಒಳ್ಳೆಯದು ಅನ್ನುವ ನಿರ್ಧಾರ ಕೈಗೊಂಡು, ಆ ನಿರ್ಮಾಪಕರು ಬಂದ ದಾರಿಗೆ ಸುಂಕವಿಲ್ಲ ಅಂತ ವಾಪಸ್ಸು ತೆರಳಿದ್ದಾರೆ.

English summary
Golden Star Ganesh is one of the most wanted Actors in Sandalwood. Due to the increase in demand, Ganesh's remuneration has crossed Rupees One Crore Mark.
Please Wait while comments are loading...

Kannada Photos

Go to : More Photos