Don't Miss!
- Sports DC vs GT IPL 2024: ಅಕ್ಷರ್, ರಿಷಭ್ ಶೈನಿಂಗ್; ಗುಜರಾತ್ ವಿರುದ್ಧ ಡೆಲ್ಲಿ ಜಯಭೇರಿ
- News ದ್ವೇಷ ಉತ್ತೇಜಿಸುವ ಪೋಸ್ಟ್: ಕರ್ನಾಟಕ ಬಿಜೆಪಿ ವಿರುದ್ಧ ದೂರು ದಾಖಲಿಸಿದ ಚುನಾವಣಾ ಆಯೋಗ
- Technology ಒಪ್ಪೋ ಫೈಂಡ್ X7 ಅಲ್ಟ್ರಾ ಕ್ಯಾಮೆರಾ: ಮೊಬೈಲ್ ಫೋಟೋಗ್ರಫಿಗೆ ಅತ್ಯುತ್ತಮ ಫೋನ್!
- Lifestyle 613 ದಿನ ಕೊರೊನಾ ವಿರುದ್ಧ ಹೋರಾಡಿ ವೃತಪಟ್ಟ ವ್ಯಕ್ತಿ..!
- Automobiles ಸ್ವಂತ ದುಡಿಮೆಯಲ್ಲಿ ಹೊಸ ಕಾರು ಖರೀದಿಸಿ ಯುವ ನಟಿಯ ಭಾವನಾತ್ಮಕ ಪೋಸ್ಟ್
- Finance ರಿಲಯನ್ಸ್ಗೆ 28,607 ಕೋಟಿ ನಷ್ಟ, ಕಾರಣ ಏನು ಗೊತ್ತೆ?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಬಯಲಾಯಿತು ಶಿವಣ್ಣ & ವಾಸು ಅವರ ಮತ್ತೊಂದು ರಹಸ್ಯ
ನಿರ್ದೇಶಕ ಪಿ.ವಾಸು ಅವರು ಆಕ್ಷನ್-ಕಟ್ ಹೇಳಿರುವ ಹಾರರ್ ಥ್ರಿಲ್ಲರ್ ಸಿನಿಮಾ 'ಶಿವಲಿಂಗ' ಭರ್ಜರಿ ಯಶಸ್ವಿಯನಲ್ಲಿರುವಾಗಲೇ, ಇದೀಗ ನಿರ್ದೇಶಕ ಪಿ.ವಾಸು ಮತ್ತು ಸೆಂಚುರಿ ಸ್ಟಾರ್ ಶಿವರಾಜ್ ಕುಮಾರ್ ಅವರು ಜೊತೆಯಾಗಿ ಮತ್ತೊಂದು ಪ್ರಾಜೆಕ್ಟ್ ಮಾಡಲು ಸಿದ್ಧರಾಗಿದ್ದಾರೆ.
ಹೌದು 'ಶಿವಲಿಂಗ'ದಲ್ಲಿ ಒಂದಾಗಿದ್ದ ಶಿವರಾಜ್ ಕುಮಾರ್ ಮತ್ತು ಥ್ರಿಲ್ಲಿಂಗ್ ನಿರ್ದೇಶಕ ಪಿ.ವಾಸು ಅವರು ಮತ್ತೊಮ್ಮೆ 'ರಾಬಿನ್ ಹುಡ್' ಎಂಬ ಹೊಸ ಪ್ರಾಜೆಕ್ಟ್ ಒಂದನ್ನು ಕೈಗೆತ್ತಿಕೊಂಡಿದ್ದಾರೆ.[ತಮಿಳು ನಟ ರಾಘವ ಲಾರೆನ್ಸ್ 'ಶಿವಲಿಂಗ' ರೀಮೇಕ್ ಮಾಡ್ತಾರಾ?]
ಅಂದಹಾಗೆ ಪಿ.ವಾಸು ಅವರ ಜೊತೆ ಕೆಲಸ ಮಾಡಿದವರೆಲ್ಲಾ ಅವರ ಕೆಲಸ ಮಾಡುವ ಶೈಲಿಗೆ ಮನ ಸೋಲುತ್ತಾರೆ. ಇದಕ್ಕೆ ನಮ್ಮ ಹ್ಯಾಟ್ರಿಕ್ ಹೀರೋ ಶಿವರಾಜ್ ಕುಮಾರ್ ಅವರು ಕೂಡ ಹೊರತಾಗಿಲ್ಲ ಅಂತಾನೇ ಹೇಳಬಹುದು.[ಶಿವಣ್ಣ30 ವಿಶೇಷ: ಶಿವಣ್ಣ ಅವರ 20 ಉತ್ತಮ ಚಿತ್ರಗಳ List]
ಇನ್ನು ಇವರಿಬ್ಬರ ಜುಗಲ್ ಬಂದಿಯಲ್ಲಿ ಮೂಡಿಬಂದಿದ್ದ 'ಶಿವಲಿಂಗ' ಸಿನಿಮಾ ಬಾಕ್ಸಾಫೀಸ್ ಚಿಂದಿ ಉಡಾಯಿಸಿದ್ದು, ಈಗಲೂ ಕಲೆಕ್ಷನ್ ಮಾಡುವುದನ್ನು ಮುಂದುವರಿಸಿದೆ. ಸಿನಿಮಾ ಬಿಡುಗಡೆ ಆಗಿ 2 ವಾರ ಆಗುತ್ತಾ ಬಂದರೂ ಎಲ್ಲೆಲ್ಲೂ ಹೌಸ್ ಫುಲ್ ಪ್ರದರ್ಶನ ಕಾಣುತ್ತಿದ್ದು, ಶಿವಣ್ಣ ಶಿವತಾಂಡವ ಆಡುತ್ತಿದ್ದಾರೆ.
ಈಗಲೂ 25ರ ಹರೆಯದ ಹುಡುಗರನ್ನು ನಾಚಿಸುವಂತೆ ತಮ್ಮ ನಟನೆಯನ್ನು ತೋರುವ ನಟ ಶಿವರಾಜ್ ಕುಮಾರ್ ಅವರದು 'ಶಿವಲಿಂಗ' ಚಿತ್ರದಲ್ಲಿ ನಟನೆ ಸೇರಿದಂತೆ ಡ್ಯಾನ್ಸ್ ಕೂಡ ಸಖತ್ತಾಗಿತ್ತು. ಆದ್ದರಿಂದ ಪಿ.ವಾಸು ಅವರ ಮುಂದಿನ ಹೊಸ ಯೋಜನೆಗೆ ಶಿವಣ್ಣ ಅವರೇ ಹೀರೋ.['ಶಿವಲಿಂಗ'ದಲ್ಲಿ ರಹೀಂ ಪಾತ್ರ ಮಾಡಿದವರು ಯಾರು ಗೊತ್ತಾ?]
ಹೊಸ ಚಿತ್ರ 'ರಾಬಿನ್ ಹುಡ್' ಗೆ ಬಹುತೇಕ 'ಶಿವಲಿಂಗ' ಚಿತ್ರತಂಡವೇ ಕೆಲಸ ಮಾಡಲಿದ್ದು, ಚಿತ್ರಕ್ಕೆ ನಾಯಕಿ ಯಾರು ಎಂಬುದು ಇನ್ನು ನಿರ್ಧಾರ ಆಗಿಲ್ಲ. ಆದರೆ ಚಿತ್ರದ ಕಥೆ ಈಗಾಗಲೇ ರೆಡಿ ಇದ್ದು, ಪ್ರಿ-ಪ್ರೊಡಕ್ಷನ್ಸ್ ಸೇರಿದಂತೆ ಇನ್ನಿತರೇ ಕೆಲಸಗಳನ್ನು ವಾಸು ಅವರು ಈಗಾಗಲೇ ಶುರುಹಚ್ಚಿಕೊಂಡಿದ್ದಾರೆ.
ಸದ್ಯಕ್ಕೆ ಶಿವಣ್ಣ ಮತ್ತು ವಾಸು ಅವರ 'ಶಿವಲಿಂಗ' ಹಿಟ್ ಆಗಿರುವುದರಿಂದ ಮುಂದಿನ ಸಿನಿಮಾ 'ರಾಬಿನ್ ಹುಡ್' ಬಗ್ಗೆ ಕೊಂಚ ಕುತೂಹಲ ಜಾಸ್ತೀನೇ ಇದೆ. ಇನ್ನು ವಾಸು ಅಂಡ್ ಗ್ರೂಪ್ ನಿಂದ ಸದ್ಯಕ್ಕೆ ಬಂದಿರುವ ಮಾಹಿತಿ ಇಷ್ಟು. ಹೆಚ್ಚಿನ ಮಾಹಿತಿಗಾಗಿ ಫಿಲ್ಮಿಬೀಟ್ ಕನ್ನಡ ನೋಡುತ್ತಿರಿ.