Don't Miss!
- News ವಿರಾಟ್ ಕೊಹ್ಲಿ ಬಳಿ ಬಂದ ಅಭಿಮಾನಿಯನ್ನು ಕಾಲಲ್ಲಿ ತುಳಿದ ಸೆಕ್ಯೂರಿಟಿ ಸಿಬ್ಬಂದಿ-ರೂಪೇಶ್ ರಾಜಣ್ಣ ಹೇಳಿದ್ದೇನು?
- Automobiles ಜನಪ್ರಿಯ ಕಂಪನಿಗಳಿಂದ ಮುಂಬರುವ ಪುಟ್ಟ ಕಾರುಗಳಿವು.. ಇವೇ ಮಿಡಲ್ ಕ್ಲಾಸ್ ಜನರ ಫೇವರಿಟ್ ಆಗುವುದು ಪಕ್ಕಾ!
- Sports IPL 2024: ಐಪಿಎಲ್ನಲ್ಲಿ ವಿಶಿಷ್ಟ ದಾಖಲೆ ಬರೆದ ಜಯದೇವ್ ಉನಾದ್ಕಟ್; ಈ ಸಾಧನೆ ಮಾಡಿದ ಮೊದಲ ಭಾರತೀಯ
- Technology iPhones: ಬೇಕಿತ್ತಾ ಇದೆಲ್ಲ? ನಕಲಿ ಐಫೋನ್ ಮೂಲಕ ಆಪಲ್ಗೆ ಪಂಗನಾಮ ಹಾಕಿದವನಿಗೆ ಜೈಲೂಟ
- Lifestyle ಮದ್ಯದ ಅಮಲಲ್ಲಿ ತೇಲಾಡುತ್ತಿದ್ದ ಶಿಕ್ಷಕನಿಗೆ ಮಕ್ಕಳಿಂದಲೇ ಚಪ್ಪಲಿ ಏಟು..!
- Finance 2.3 ಲಕ್ಷ ರೂಪಾಯಿಗೆ 9 ನಿಂಬೆಹಣ್ಣು ಹರಾಜು, ಏನಿದರ ವಿಶೇಷತೆ ತಿಳಿಯಿರಿ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
'ಬಿಗ್ ಬಾಸ್' ಮನೆ ಕದ ತಟ್ಟುತ್ತಾರಾ ಟಿವಿ 9 ರೆಹಮಾನ್?
'ಬಿಗ್ ಬಾಸ್-3' ಶುರುವಾಗುವುದಕ್ಕೆ ಇನ್ನು ಕೆಲವೇ ದಿನಗಳು ಬಾಕಿ. ಈ ಬಾರಿ 'ಬಿಗ್ ಬಾಸ್' ಮನೆಯಲ್ಲಿ ಯಾರ್ಯಾರು ಇರಲಿದ್ದಾರೆ ಅನ್ನುವ ಬಗ್ಗೆ ಊಹಾಪೋಹಗಳು ಸಿಕ್ಕಾಪಟ್ಟೆ ಹರಿದಾಡುತ್ತಿವೆ.
ಈಗಾಗಲೇ ರಕ್ಷಿತ್ ಶೆಟ್ಟಿ, ಸತೀಶ್ ನೀನಾಸಂ, ಸೂಪರ್ ಸ್ಟಾರ್ ಜೆ.ಕೆ ಸೇರಿದಂತೆ ಹಲವರು 'ಬಿಗ್ ಬಾಸ್' ಮನೆ ಕಡೆ ತಲೆ ಹಾಕಲ್ಲ ಅಂತ ಹೇಳಿದ್ದು ಆಗಿದೆ. ಹಾಗಾದ್ರೆ, ಇನ್ಯಾರು ಇರಲಿದ್ದಾರೆ ಅನ್ನುವ ಪ್ರಶ್ನೆಗೆ ಕೆಲವರು ರೆಹಮಾನ್ ಹಸೀಬ್ ಕಡೆ ಬೆಟ್ಟು ಮಾಡಿ ತೋರಿಸುತ್ತಿದ್ದಾರೆ. [ಎಕ್ಸ್ ಕ್ಲೂಸಿವ್ : 'ಬಿಗ್ ಬಾಸ್-3'ನಲ್ಲಿ 'ಇವರೆಲ್ಲಾ' ಇರ್ತಾರೆ ಸ್ವಾಮಿ.!]
ಕನ್ನಡದ ಖ್ಯಾತ ಸುದ್ದಿ ವಾಹಿನಿ 'ಟಿವಿ 9 ಕನ್ನಡ'ದ ಸ್ಟಾರ್ ಆಂಕರ್ ರೆಹಮಾನ್ ಹಸೀಬ್. ಟಿವಿ 9 ಕನ್ನಡ ಚಾನೆಲ್ ಶುರುವಾದಾಗಿನಿಂದಲೂ ಕನ್ನಡಿಗರ ಮನೆ-ಮನದಲ್ಲಿ ಗುರುತಿಸಿಕೊಂಡಿದ್ದ ರೆಹಮಾನ್ ಇತ್ತೀಚೆಗಷ್ಟೆ ಟಿವಿ9 ವಾಹಿನಿಗೆ ರಾಜೀನಾಮೆ ಸಲ್ಲಿಸಿದರು.
ಇದಕ್ಕೆ ಕಾರಣ 'ಬಿಗ್ ಬಾಸ್' ರಿಯಾಲಿಟಿ ಶೋ ಅಂತ ಸುದ್ದಿ ವಾಹಿನಿಗಳ ವಲಯದಲ್ಲಿ ಗುಲ್ಲೆದ್ದಿದೆ. ರೆಹಮಾನ್ ಆಪ್ತರು ಹೇಳುವ ಪ್ರಕಾರ ಮನರಂಜನಾ ಕಾರ್ಯಕ್ರಮಗಳು ಮತ್ತು ಸಿನಿಮಾದತ್ತ ಅವರು ಒಲವು ತೋರಿಸಿದ್ದಾರಂತೆ. ಹೀಗಾಗಿ ಕಲರ್ಸ್ ಚಾನೆಲ್ ಕಡೆ ರೆಹಮಾನ್ ಮುಖ ಮಾಡಿದ್ದಾರಂತೆ.
'ಬಿಗ್ ಬಾಸ್' ಸ್ಪರ್ಧಿಗಳ ಲಿಸ್ಟ್ ನಲ್ಲಿ ಕಿರುತೆರೆಯ ನಿರೂಪಕರ ಬಳಗದಿಂದ ಈ ಹಿಂದೆ ಶೀತಲ್ ಶೆಟ್ಟಿ ಮತ್ತು ರಾಧಾ ಹಿರೇಗೌಡರ್ ಹೆಸರುಗಳು ಕೇಳಿ ಬಂದಿತ್ತು. ಇದೀಗ ರೆಹಮಾನ್ ಹಸೀಬ್ ಹೆಸರು ಓಡಾಡುತ್ತಿದೆ. [ಅಕ್ಟೋಬರ್ 25 ರಿಂದ, 'ಬಿಗ್ ಬಾಸ್ 3' ನೋಡಿ ಸ್ವಾಮಿ]
'ಬಿಗ್ ಬಾಸ್' ಮನೆಯಲ್ಲಿ ರೆಹಮಾನ್ ಇರ್ತಾರೋ, ಇಲ್ವೋ ಅಕ್ಟೋಬರ್ 25 ರಂದು ಗೊತ್ತಾಗಲಿದೆ. ಯಾಕಂದ್ರೆ, 'ಬಿಗ್ ಬಾಸ್-3' ಪ್ರೀಮಿಯರ್ ಇರುವುದು ಅವತ್ತೆ. (Photo courtesy : Rahman Haseeb facebook)