ಮುಖಪುಟ

ಗಾಸಿಪ್

ಸ್ಯಾಂಡಲ್ ವುಡ್ ನ ಲಕ್ಕಿ ಸ್ಟಾರ್ ಹಾಗೂ ಮಂಡ್ಯದ ಮಾಜಿ ಸಂಸದೆ ರಮ್ಯಾ ಈಗ ಎಲ್ಲಿದ್ದಾರೆ? ಏನು ಮಾಡುತ್ತಿದ್ದಾರೆ? ಎಂಬ ಪ್ರಶ್ನೆಗಳು ಚಿದಂಬರ ರಹಸ್ಯದಂತೆ ಸ್ಯಾಂಡಲ್ ವುಡ್ ನಲ್ಲಿ ಕಾಡುತ್ತಿವೆ. ರಮ್ಯಾ ಸುದ್ದಿಯಿಲ್ಲದೆ, ಸುಳಿವಿಲ್ಲದೆ ಅವರ ಅಭಿಮಾನಿಗಳೂ ಕಂಗಾಲಾಗಿದ್ದಾರೆ.

'ಆರ್ಯನ್' ಚಿತ್ರದ ಬಳಿಕ ರಮ್ಯಾ ಅವರು ಬಹುತೇಕ ಕಾಣೆಯಾಗಿದ್ದಾರೆ. ಅವರು ಎಲ್ಲಿದ್ದಾರೆ ಎಂಬ ಬಗ್ಗೆ ಯಾರಿಗೂ ಮಾಹಿತಿಯಿಲ್ಲ. ಒಂದು ಮೂಲದ ಪ್ರಕಾರ ಅವರು ಸದ್ಯಕ್ಕೆ ಲಂಡನ್ ನಲ್ಲಿದ್ದಾರಂತೆ. ಅಲ್ಲಿ ಏನು ಮಾಡುತ್ತಿದ್ದಾರೆ ಎಂಬುದು ಮಾತ್ರ ಅವರ ಆಪ್ತ ಕಾರ್ಯದರ್ಶಿಗೂ ಗೊತ್ತಿಲ್ಲವಂತೆ.

ಅವರ ಟ್ವಿಟ್ಟರ್ ಖಾತೆಯೂ ಸೈಲೆಂಟ್ ಆಗಿದೆ. ಸದಾ ಒಂದಿಲ್ಲೊಂದು ಟ್ವೀಟ್ ಮಾಡಿ ಚರ್ಚೆಗೆ ಗ್ರಾಸವಾಗುತ್ತಿದ್ದ ರಮ್ಯಾ ಅವರು ಈಗ ಟ್ವಿಟ್ಟರ್ ನಲ್ಲೂ ಇಲ್ಲ. ಬಹುಶಃ ಅವರು ಮಂಡ್ಯ ಕ್ಷೇತ್ರದಲ್ಲಿ ಸೋತ ಬಳಿಕ ಸೋಲಿನ ಪರಾಮರ್ಶೆಯಲ್ಲಿರಬಹುದೇ?

ಆಗಸ್ಟ್ 2ರ ಬಳಿಕ ಅವರ ಟ್ವೀಟ್ಟರ್ ಖಾತೆಯೂ ಮೌನಕ್ಕೆ ಶರಣಾಗಿದೆ. ರಮ್ಯಾ ಮೌನಕ್ಕೆ ಕಾರಣ ಏನಿರಬಹುದು? ಹೀರೋಗಳಿಗೆ ಕೊಡುವಷ್ಟೇ ಸಂಭಾವನೆಯನ್ನು ನಟಿಯರಿಗೂ ಕೊಡಬೇಕು ಎಂದು ಹುಯಿಲೆಬ್ಬಿಸಿದ್ದ ರಮ್ಯಾ ಮತ್ತೆ ಸ್ಯಾಂಡಲ್ ವುಡ್ ಗೆ ಮರಳುತ್ತಾರಾ? ರಮ್ಯಾ ಚೈತ್ರ ಕಾಲದ ನಿರೀಕ್ಷೆಯಲ್ಲಿ ಅವರ ಅಭಿಮಾನಿಗಳಿದ್ದಾರೆ.