ಮುಖಪುಟ

ಹಾಲಿವುಡ್

ಬಾಲಿವುಡ್ ನ ಜಿಂಕೆ ಪ್ರಿಯಾಂಕ ಚೋಪ್ರಾ ಹಾಲಿವುಡ್ ಗೆ ಹಾರಿ ಈಗಾಗಲೇ ಸಿಕ್ಕಾಪಟ್ಟೆ ಹೆಸರು ಮಾಡಿದ್ದಾರೆ. ಅಮೆರಿಕದ 'ಕ್ವಾಂಟಿಕೋ' ಡ್ರಾಮ ಥ್ರಿಲ್ಲರ್ ಟಿವಿ ಸೀರಿಯಲ್ ಮೂಲಕ ಸಾಕಷ್ಟು ಸುದ್ದಿ ಮಾಡಿದ್ದ ಪ್ರಿಯಾಂಕ ಚೋಪ್ರಾ ಈಗ ಹಾಲಿವುಡ್ ನ 'ಬೇವಾಚ್' ಸಿನಿಮಾದಲ್ಲಿ ಅಭಿನಯಿಸಿದ್ದು, ಚಿತ್ರ ಸದ್ಯದಲ್ಲೇ ತೆರೆಗೆ ಬರಲು ಸಜ್ಜಾಗಿದೆ. ಹೀಗಿರುವಾಗಲೇ ಪ್ರಿಯಾಂಕ ಚೋಪ್ರಾ ಇನ್ನೊಂದು ಸಿಹಿ ಸುದ್ದಿ ನೀಡಿದ್ದಾರೆ.

ಪ್ರಿಯಾಂಕ ಚೋಪ್ರಾ ಅಭಿನಯದ 'ಕ್ವಾಂಟಿಕೋ' ಟಿವಿ ಸೀರಿಯಲ್ ಎರಡು ಸೀಸನ್ ಗಳನ್ನು ಮುಗಿಸಿತ್ತು. ಈ ಟಿವಿ ಸೀರಿಯಲ್ ನಿರ್ಮಾಣ ಮಾಡುವ ಎಬಿಸಿ ಸ್ಟುಡಿಯೋಸ್ ಪ್ರೊಡಕ್ಷನ್ ಕಂಪನಿ 'ಕ್ವಾಂಟಿಕೋ' ಸೀರಿಯಲ್ ನ ಮೂರನೇ ಸೀಸನ್ ನಿರ್ಮಾಣ ಮಾಡಲು ನಿರ್ಧರಿಸಿದ್ದು, ಈ ಸೀಸನ್ ನಲ್ಲಿ 13 ಎಪಿಸೋಡ್ ಗಳನ್ನು ತರಲು ನಿರ್ಧರಿಸಿದೆ.[ಚಿತ್ರಗಳು: 'ಕ್ವಾಂಟಿಕೋ 2'ನಲ್ಲಿ ಪ್ರಿಯಾಂಕ ಬಿಕಿನಿ ಅವತಾರ]

'ಕ್ವಾಂಟಿಕೋ' ಸೀರಿಯಲ್ ನಲ್ಲಿ 'ಅಲೆಕ್ಸ್ ಪ್ಯಾರಿಶ್' ಪಾತ್ರದಲ್ಲಿ ಅಭಿನಯಿಸಿರುವ ಪ್ರಿಯಾಂಕ ಚೋಪ್ರಾ ಸಹ ಈ ಬಗ್ಗೆ ಟ್ವೀಟ್ ಮಾಡಿದ್ದು, "ಕ್ವಾಂಟಿಕೋ ಸೀಸನ್ 3 ರ ಬಗ್ಗೆ ಹೆಚ್ಚು ಕುತೂಹಲವಿದೆ. ಇದರ ಯಶಸ್ವಿಗೆ ಕಾರಣರಾದ ಎಲ್ಲರಿಗೂ ಧನ್ಯವಾದಗಳು. ಅಲೆಕ್ಸ್ ಪ್ಯಾರಿಶ್ ಶೀಘ್ರದಲ್ಲಿ ಹಿಂದಿರುಗಲಿದ್ದಾರೆ" ಎಂದು ಟ್ವೀಟ್ ಮಾಡಿದ್ದಾರೆ. ಪಿಗ್ಗಿ ಇದೇ ರೀತಿ ಹಾಲಿವುಡ್ ಅಂಗಳದಲ್ಲಿ ಬಿಜಿಯಾದ್ರೆ ಬಾಲಿವುಡ್ ಸಿನಿಮಾಗಳಲ್ಲಿ ಅವರನ್ನು ನೋಡಬಯಸುವ ಅಭಿಮಾನಿಗಳಿಗೆ ನಿರಾಸೆ ಉಂಟಾಗುವುದು ಖಂಡಿತ.