»   » ಗಂಡು ಮಗು ನಿರೀಕ್ಷೆಯಲ್ಲಿ ಶಕಲಕ ಬೇಬಿ ಶಕೀರಾ

ಗಂಡು ಮಗು ನಿರೀಕ್ಷೆಯಲ್ಲಿ ಶಕಲಕ ಬೇಬಿ ಶಕೀರಾ

Posted by:
Subscribe to Filmibeat Kannada
ಭ್ರೂಣ ಲಿಂಗ ಪರೀಕ್ಷೆ ಭಾರತದಲ್ಲಿ ಕಾನೂನಿನ ಪ್ರಕಾರ ಅಕ್ಷಮ್ಯ ಅಪರಾಧ. ಆದರೆ ವಿದೇಶಗಳಲ್ಲಿ ಹೇಗೋ ಏನೋ ಗೊತ್ತಿಲ್ಲ. ತನಗೆ ಹುಟ್ಟುಲಿರುವ ಮಗು ಗಂಡೋ ಹೆಣ್ಣೋ ಎಂಬುದನ್ನು ಮೊದಲೇ ನಿರ್ಧಾರವಾಗುತ್ತಿದೆಯಾ? ಖ್ಯಾತ ಪಾಪ್ ಗಾಯಕಿ ಶಕೀರಾ ಸುದ್ದಿ ಓದಿದರೆ ಇರಬಹುದೇನೋ ಎಂಬ ಅನುಮಾನ ಕಾಡುತ್ತದೆ.

ಕೊಲಂಬಿಯಾದ ಖ್ಯಾತ ಪಾಪ್ ಗಾಯಕಿ ಶಕೀರಾ ಈಗ ಗರ್ಭಿಣಿ ಎಂಬುದು ಹಳೆ ಸಂಗತಿ. ಹೊಸ ವಿಷಯ ಏನೆಂದರೆ ತನಗೆ ಹುಟ್ಟಲಿರುವ ಮಗು ಗಂಡು ಎಂದು ಆಕೆ ಸ್ಪಷ್ಟಪಡಿಸಿದ್ದಾರೆ. ಆಕೆಯ ಬಾಯ್ ಫ್ರೆಂಡ್ ಗೆರಾರ್ಡ್ ಪಿಕ್ಯು ಈ ಮಗುವಿನ ತಂದೆ.

ಜರ್ಮನ್ ಟಿವಿಯೊಂದರ ಸಂದರ್ಶನದಲ್ಲಿ ಮಾತನಾಡುತ್ತಿದ್ದ ಶಕೀರಾ, "ಹೌದು ನಾನು ಗಂಡು ಮಗು ನಿರೀಕ್ಷೆಯಲ್ಲಿದ್ದೇನೆ. ಕೊಲಂಬಿಯಾದಲ್ಲಿ ಶಾಲೆಯೊಂದನ್ನು ನಿರ್ಮಿಸುತ್ತಿದ್ದೇನೆ. ಮುಂದೆ ನನ್ನ ಮಗ ಕೂಡ ಇದೇ ರೀತಿಯ ಧರ್ಮಾರ್ಥ ಕಾರ್ಯಕಗಳಲ್ಲಿ ತೊಡಗಿಕೊಳ್ಳುತ್ತಾನೆ" ಎಂದಿದ್ದಾರೆ.

ಕಳೆದ ಎರಡು ವರ್ಷಗಳಿಂದ ಸ್ಪಾನಿಷ್‌ನ ಖ್ಯಾತ ಸಾಕರ್ ಆಟಗಾರ ಗೆರಾರ್ಡ್ ಜೊತೆಗೆ ಶಕೀರಾ ಸಂಬಂಧ ಇಟ್ಟುಕೊಂಡಿದ್ದಾರೆ. ಗೆರಾರ್ಡ್ ಅವರಿಂದ ನನಗೆ ಸಿಕ್ಕ ಅತ್ಯುತ್ತಮ ಕೊಡುಗೆ ಎಂದರೆ 'ಗರ್ಭಿಣಿ' ಯಾಗಿದ್ದು ಎಂದು ನಿಸ್ಸಂಕೋಚದಿಂದ ಶಕೀರಾ ಹೇಳಿಕೊಂಡಿದ್ದಾರೆ.

2011ರ ನವೆಂಬರ್ ತಿಂಗಳಲ್ಲಿ ಶಕೀರಾ ಭಾರತಕ್ಕೆ ಭೇಟಿ ನೀಡಿದ್ದರು. ಉದಯಪುರಕ್ಕೆ ಬಂದಿಳಿದ ಆಕೆಯನ್ನು ಕಣ್ತುಂಬಿಕೊಳ್ಳಲು ಅಭಿಮಾನಿಗಳ ಮಹಾಪೂರವೇ ಹರಿದುಬಂದಿತ್ತು. ಭಾರತದಲ್ಲೂ ಆಕೆಗೆ ಅಪಾರ ಸಂಖ್ಯೆಯ ಅಭಿಮಾನಿಗಳಿದ್ದಾರೆಂಬುದಕ್ಕೆ ಇದು ಸಾಕ್ಷಿಯಾಗಿತ್ತು. (ಏಜೆನ್ಸೀಸ್)

English summary
The Columbian singer Shakira interviewed about her pregnancy on German TV station and said it's going to be a boy! Who recently confirmed speculation she and her soccer star boyfriend Gerard Pique are having their first child together.
Please Wait while comments are loading...