ಫೆ.11ಕ್ಕೆ ಬೆಂಗಳೂರಿನಲ್ಲಿ ಸೋನು ನಿಗಮ್ ಗಾನಸುಧೆ

Music

oi-Rajendra

By Rajendra

| Published: Saturday, January 14, 2012, 17:25 [IST]

ಸೋನು ನಿಗಮ್ ಹಾಡಿರುವ ಹಾಡುಗಳನ್ನು ಕೇಳುತ್ತಿದ್ದರೆ ಇವರು ಪರಭಾಷಾ ಗಾಯಕ ಎಂದು ಅನ್ನಿಸುವುದೇ ಇಲ್ಲ. ಇವರ ಹಾಡುಗಳಲ್ಲಿ ಅಷ್ಟೊಂದು ದೈನ್ಯತೆ ಕಾಣುವುದೇ ಇದಕ್ಕೆ ಕಾರಣ. "ಮಿಂಚಾಗಿ ನೀನು ಬರಲು, ಕಣ್ಣ ಕಣ್ಣ ಸಲಿಗೆ, ನೀ ಸನಿಹಕೆ ಬಂದರೆ ಹೃದಯದ ಗತಿ ಏನು?" ಹಾಡುಗಳೇ ಇದಕ್ಕೆ ಸಾಕ್ಷಿ.

ಇಷ್ಟೆಲ್ಲಾ ಹೇಳಲು ಕಾರಣ ಸೋನು ನಿಗಮ್ ಗಾಯನ ಕಾರ್ಯಕ್ರಮ ಫೆ.11ರಂದು ಅರಮನೆ ಮೈದಾನದಲ್ಲಿ ನಡೆಯಲಿದೆ. ಸುದರ್ಶನ ಸೇವಾ ಟ್ರಸ್ಟ್ ಹಾಗೂ ನವಕರ್ನಾಟಕ ಸೋಷಿಯಲ್ ಟ್ರಸ್ಟ್ ಈ ಕಾರ್ಯಕ್ರಮವನ್ನು ಜಂಟಿಯಾಗಿ ಆಯೋಜಿಸಿವೆ. ಸಂಜೆ 6ಗಂಟೆಗೆ ಕಾರ್ಯಕ್ರಮ.

ಈ ಪ್ರಾಯೋಜಿತ ಕಾರ್ಯಕ್ರಮದಲ್ಲಿ ಸಂಗ್ರಹವಾದ ಹಣವನ್ನು ಬಡ ವಿದ್ಯಾರ್ಥಿಗಳ ಉನ್ನತ ಶಿಕ್ಷಣಕ್ಕೆ, ವಸತಿ ಹೀನರ ಉದ್ಧಾರಕ್ಕೆ ಹಾಗೂ ಎಚ್‌ಐವಿ ಬಾಧಿತರಿಗೆ ಔಷಧಿ ಪೂರೈಸಲು ಬಳಸಿಕೊಳ್ಳಲಾಗುತ್ತದೆ ಎಂದು ಕಾರ್ಯಕ್ರಮದ ಸಂಘಟಕ ಸುಜಾತ ಶ್ರೀನಾಥ್ ತಿಳಿಸಿದ್ದಾರೆ. ಟಿಕೆಟ್ ಮತ್ತು ಹೆಚ್ಚಿನ ಮಾಹಿತಿಗಾಗಿ 98802 00246 ಇಮೇಲ್: [email protected] ಸಂಪರ್ಕಿಸಬಹುದು. (ಒನ್‌ಇಂಡಿಯಾ ಕನ್ನಡ)

Saturday, January 14, 2012, 17:25