ಮುಖಪುಟ

ಹಾಡೊಂದ ಕೇಳಿ

''ಕಾಲೇಜು ಒಂದು ಜೈಲು...ಲೆಕ್ಚರರ್ ಬಿಡೋದು ರೈಲು...ಪ್ರಿನ್ಸಿ ಸ್ವಲ್ಪ ಪುಕ್ಲು...ಹೈಕ್ಳು ಫುಲ್ಲು ತಿಕ್ಲು...ಅಟೆಂಡೆನ್ಸ್ ಶಾರ್ಟೇಜ್ ಆದ್ರೆ ಅಟೆಂಡರ್ ನೇ ಅಡ್ಜೆಸ್ಟ್ ಮಾಡ್ಕೋ...''

ಇಂತಹ 'ರಿಯಲ್' ಲಿರಿಕ್ಸ್ ಬರೆದು ವಿದ್ಯಾರ್ಥಿಗಳ ಮನಗೆದ್ದಿರುವ ಈ ಹಾಡು 'ವಾಸ್ಕೊಡಿಗಾಮ' ಚಿತ್ರದ್ದು. ಕಾಲೇಜು ವಿದ್ಯಾರ್ಥಿಗಳ ಆಟ-ಹುಡುಗಾಟ-ಗೋಳಾಟ...ಎಲ್ಲಾ ಮಿಕ್ಸ್ ಆಗಿರುವ ಈ ಹಾಡು ಸಿಕ್ಕಾಪಟ್ಟೆ ಪಾಪ್ಯುಲರ್ ಆಗಿದೆ. [ಈ ತಿಂಗಳಾಂತ್ಯಕ್ಕೆ 'ವಾಸ್ಕೊಡಿಗಾಮ' ನಿಮ್ಮ ಮುಂದೆ]

ಆನ್ ಲೈನ್ ನಲ್ಲಿ ಡೌನ್ ಲೋಡ್ ಆಗುತ್ತಿರುವ ಕನ್ನಡ ಹಾಡುಗಳ ಪೈಕಿ, 'ವಾಸ್ಕೊಡಿಗಾಮ' ಚಿತ್ರದ ''ಸಾರಿಗಮಾಮ...'' ಹಾಡು ಮೂರನೇ ಸ್ಥಾನ ಪಡೆದಿದೆ. ಕಾಲರ್ ಟೋನ್ ಮತ್ತು ರಿಂಗ್ ಟೋನ್ ಪೈಕಿ ವಿಜಯ್ ಪ್ರಕಾಶ್ ಹಾಡಿರುವ, ಪೂರ್ಣಚಂದ್ರ ತೇಜಸ್ವಿ ಸಂಗೀತ ನೀಡಿರುವ ಈ ಹಾಡು ವಿದ್ಯಾರ್ಥಿಗಳ ಹಾಟ್ ಫೇವರಿಟ್ ಆಗಿದೆ. ['ವಾಸ್ಕೋಡಿಗಾಮ' ಕಿಶೋರ್ ಜೊತೆ ಚಿಟ್ ಚಾಟ್]

ವಿದ್ಯಾರ್ಥಿಗಳ ಕಾಲೇಜ್ ಲೈಫ್ ಕುರಿತು ಹೆಣೆದಿರುವ ಕಥೆ 'ವಾಸ್ಕೊಡಿಗಾಮ'. ಲೆಕ್ಚರರ್ ಪಾತ್ರದಲ್ಲಿ ಕಿಶೋರ್ ಕಾಣಿಸಿಕೊಂಡಿರುವ ಚಿತ್ರ ಇದು. ಕಿಶೋರ್ ಜೊತೆ ಪಾರ್ವತಿ ನಾಯರ್ ನಾಯಕಿಯಾಗಿ ಮಿಂಚಿದ್ದಾರೆ. ಮಧುಚಂದ್ರ ಆಕ್ಷನ್ ಕಟ್ ಹೇಳಿದ್ದಾರೆ. ಈ ತಿಂಗಳಾಂತ್ಯದಲ್ಲಿ 'ವಾಸ್ಕೊಡಿಗಾಮ' ತೆರೆಗೆ ಬರಲಿದೆ.