Don't Miss!
- Technology Lenovo: ಲೆನೊವೊದಿಂದ ಎಐ ಚಾಲಿತ ಲೀಜನ್ ಗೇಮಿಂಗ್ ಲ್ಯಾಪ್ಟಾಪ್ಗಳು ಲಾಂಚ್; ಬೆಲೆ ಎಷ್ಟು?
- News ಆರಂಭದಲ್ಲೇ ಬಿಜೆಪಿ- ಜೆಡಿಎಸ್ ದೋಸ್ತಿಯಲ್ಲಿ ಬಿರುಕು: ವಿಜಯೇಂದ್ರ ಏನಂದ್ರು?
- Lifestyle ಕೊನೆಗೂ ಬೆಂಗಳೂರಿಗೆ ಮಳೆ ಭಾಗ್ಯ..! ಹವಾಮಾನ ಇಲಾಖೆ ಸೂಚಿಸಿದ ದಿನಾಂಕವಿದು..!
- Automobiles Self-Driving Car: ಭಾರತೀಯರು ಅಸಮಾನ್ಯರು... ಬೊಲೆರೋದಲ್ಲಿ ಭವಿಷ್ಯ ಬದಲಿಸುವ ತಂತ್ರಜ್ಞಾನ!
- Sports Viral look: IPL 2024 ಆರಂಭಕ್ಕೂ ಮುನ್ನ ಸಾಮಾಜಿಕ ತಾಣದಲ್ಲಿ ಸಂಚಲನ ಮೂಡಿಸಿರುವ ವಿರಾಟ್ ಕೊಹ್ಲಿ Trendy look
- Finance ಬೆಂಗಳೂರಿನ ಮೇಘನಾ ಫುಡ್ಸ್ ಹೋಟೆಲ್ ಮಳಿಗೆಗಳ ಮೇಲೆ ಐಟಿ ದಾಳಿ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಬಿಡುಗಡೆಗೂ ಮುನ್ನ ಕೋಟಿ ಕೋಟಿ ಲೂಟಿ ಮಾಡಿದ 'ಬಾಹುಬಲಿ-2'
ಎಸ್ ಎಸ್ ರಾಜಮೌಳಿ ನಿರ್ದೇಶನದ 'ಬಾಹುಬಲಿ-2' ಚಿತ್ರದ ಟ್ರೈಲರ್ ಭಾರತೀಯ ಸಿನಿಮಾಗಳಲ್ಲೇ ಅತಿಹೆಚ್ಚು ವೀಕ್ಷಣೆ ಪಡೆದ ಮೊದಲ ಸಿನಿಮಾ ಟ್ರೈಲರ್.[ಅದ್ಭುತಗಳ ಅನಾವರಣ ಮಾಡಿದ 'ಬಾಹುಬಲಿ 2' ಟ್ರೈಲರ್]
ಕಟ್ಟಪ್ಪ ಬಾಹುಬಲಿ ಕೊಂದಿದ್ದು ಏಕೆ? ಎಂಬ ಸಸ್ಪೆನ್ಸ್ ಒಂದು ಕಡೆ ಆದ್ರೆ, ಇನ್ನೊಂದು ಕಡೆ ಮೊನ್ನೆಯಷ್ಟೇ ಬಿಡುಗಡೆ ಆದ 'ಬಾಹುಬಲಿ-ದಿ ಕನ್ ಕ್ಲೂಶನ್' ಟ್ರೈಲರ್ ನಲ್ಲಿರುವ ಮೇಕಿಂಗ್ ಝಲಕ್ ಸಿನಿಮಾದ ಬಗ್ಗೆ ಇದ್ದ ಕ್ರೇಜ್ ಅನ್ನು ಡಬಲ್ ಮಾಡಿದ್ದು, ಚಿತ್ರ ನೋಡಲು ತುದಿಗಾಲಲ್ಲಿ ನಿಲ್ಲುವಂತೆ ಮಾಡಿದೆ.
'ಬಾಹುಬಲಿ-2' ಚಿತ್ರ ಬಜೆಟ್, ಮೇಕಿಂಗ್, ಟ್ರೈಲರ್ ಎಲ್ಲಾ ವಿಭಾಗದಿಂದ ಹೊಸ ದಾಖಲೆ ಸೃಷ್ಟಿಸಿದ್ದು, ಹೊಸದಾಗಿ ದಾಖಲೆ ಬರೆಯಲು ಇನ್ನೇನಿದೆ ಎಂದು ಯೋಚಿಸುವಷ್ಟರಲ್ಲೇ, ಈಗ ತನ್ನ ಆಡಿಯೋ ರೈಟ್ಸ್ ಮಾರಾಟದಲ್ಲಿ ಹೊಸ ದಾಖಲೆ ಬರೆದಿದೆ.
ಲಹರಿ ಮ್ಯೂಸಿಕ್ ಗೆ ಬಾಹುಬಲಿ-2 ಆಡಿಯೋ ರೈಟ್ಸ್
'ಬಾಹುಬಲಿ' ಚಿತ್ರದ ಎಲ್ಲಾ ರೆಕಾರ್ಡ್ ಬ್ರೇಕ್ ಮಾಡುವ ಮುನ್ಸೂಚನೆ ನೀಡಿರುವ 'ಬಾಹುಬಲಿ-2' ಚಿತ್ರದ ಆಡಿಯೋ ರೈಟ್ಸ್ ಬೆಂಗಳೂರಿನ ಲಹರಿ ಮ್ಯೂಸಿಕ್ ಸಂಸ್ಥೆಗೆ ಮಾರಾಟವಾಗಿದೆ ಎಂದು ತಿಳಿದು ಬಂದಿದೆ.
ದಾಖಲೆ ಬೆಲೆಗೆ ಮಾರಾಟವಾದ ಆಡಿಯೋ ರೈಟ್ಸ್
ಲಹರಿ ಮ್ಯೂಸಿಕ್ ಅತಿ ದೊಡ್ಡ ಮೊತ್ತಕ್ಕೆ ಆಡಿಯೋ ಹಕ್ಕನ್ನು ಖರೀದಿಸಿದ್ದು, 'ಬಾಹುಬಲಿ-2' ಆಡಿಯೋ ರೈಟ್ಸ್ ಗೆ 4.5೦ ಕೋಟಿ ನೀಡಿದೆ ಎಂದು ಮೂಲಗಳು ತಿಳಿಸಿವೆ.
'ಬಾಹುಬಲಿ' ಚಿತ್ರದ ಆಡಿಯೋ ಹಕ್ಕು
ಎಸ್ ಎಸ್ ರಾಜಮೌಳಿ ನಿರ್ದೇಶನದ 'ಬಾಹುಬಲಿ' ಮೊದಲ ಅವತರಣಿಕೆ ಆಡಿಯೋ ರೈಟ್ಸ್ ಅನ್ನು ಲಹರಿ ಸಂಸ್ಥೆಯೇ 3 ಕೋಟಿ ನೀಡಿ ಖರೀದಿಸಿತ್ತು.
ಲಹರಿ ಸಂಸ್ಥೆ ಖರೀದಿಸಿದ ಅತಿದೊಡ್ಡ ಮೊತ್ತದ ಆಡಿಯೋ ಹಕ್ಕುಗಳು
ಈ ಹಿಂದೆ ಲಹರಿ ಸಂಸ್ಥೆ 'ಪ್ರೇಮಲೋಕ' ಚಿತ್ರದ ಆಡಿಯೋ ಹಕ್ಕನ್ನು 1988 ರಲ್ಲಿ 4.50 ಲಕ್ಷಕ್ಕೆ, 1992 ರಲ್ಲಿ ದಳಪತಿ ಚಿತ್ರದ ಆಡಿಯೋ ಹಕ್ಕನ್ನು 75 ಲಕ್ಷಕ್ಕೆ ಖರೀದಿಸಿತ್ತು. ಆಗಿನ ಸಂದರ್ಭಕ್ಕೆ ಈ ಮೊತ್ತವೇ ಅತಿ ದೊಡ್ಡ ಮೊತ್ತವಾಗಿತ್ತು. ಆದರೆ ಪ್ರಸ್ತುತದಲ್ಲಿ ಅತಿ ಹೆಚ್ಚು ಮೊತ್ತಕ್ಕೆ ಖರೀದಿಸಿದ ಆಡಿಯೋ ಹಕ್ಕು 'ಬಾಹುಬಲಿ-2' ಚಿತ್ರದ್ದಾಗಿದೆ.
ಬಿಡುಗಡೆಗೂ ಮುನ್ನ ನಿರ್ಮಾಣ ವೆಚ್ಚ ಬಾಚಿದ 'ಬಾಹುಬಲಿ-2'
'ಬಾಹುಬಲಿ-2' ಚಿತ್ರದ ಬಜೆಟ್ 200 ಕೋಟಿ. ಆದರೆ ವರದಿಗಳ ಪ್ರಕಾರ ಚಿತ್ರ ಈಗಾಗಲೇ ತನ್ನ ಸ್ಯಾಟಲೈಟ್ ಮತ್ತು ವಿತರಣೆ ರೈಟ್ಸ್ ಅನ್ನು ಜಾಗತಿಕವಾಗಿ ಮಾರಾಟ ಮಾಡುವ ಮೂಲಕ 500 ಕೋಟಿ ಕಲೆಕ್ಷನ್ ಮಾಡಿದೆ ಎಂದು ಮೂಲಗಳು ತಿಳಿಸಿವೆ.
'ಬಾಹುಬಲಿ-2' ಆಡಿಯೋ ರಿಲೀಸ್ ಯಾವಾಗ?
ಅಂದಹಾಗೆ 'ಬಾಹುಬಲಿ-2' ಚಿತ್ರದ ಆಡಿಯೋ ಬಿಡುಗಡೆ ಸಮಾರಂಭ ಮಾರ್ಚ್ 26 ರಂದು ಹೈದರಾಬಾದ್ ನ ರಾಮೋಜಿ ಫಿಲ್ಮ್ ಸಿಟಿಯಲ್ಲಿ ನೆರವೇರಲಿದೆ.
ಸಿನಿಮಾ ರಿಲೀಸ್ ಯಾವಾಗ?
'ಬಾಹುಬಲಿ-2' ಚಿತ್ರ ಏಪ್ರಿಲ್ 28 ರಂದು ಗ್ರ್ಯಾಂಡ್ ರಿಲೀಸ್ ಆಗಲಿದೆ. ಚಿತ್ರದಲ್ಲಿ ಪ್ರಭಾಸ್, ರಾಣಾ ದಗ್ಗುಬಾಟಿ, ಅನುಷ್ಕಾ ಶರ್ಮಾ, ತಮನ್ನಾ, ರಮ್ಯಾ ಕೃಷ್ಣ ಮುಂತಾದವರು ಮುಖ್ಯಭೂಮಿಕೆಯಲ್ಲಿ ಅಭಿನಯಿಸಿದ್ದಾರೆ.