ಮುಖಪುಟ

ಹಾಡೊಂದ ಕೇಳಿ

ಪವರ್ ಸ್ಟಾರ್ ಪುನೀತ್ ರಾಜ್ ಕುಮಾರ್ ಮತ್ತೆ ಮೈಕ್ ಮುಂದೆ ಬಂದಿದ್ದಾರೆ. ಫುಲ್ ಫೀಲಿಂಗ್ ನಲ್ಲಿ ''ನೀನೇ...ನೀನೇ..'' ಅಂತ ಹಾಡು ಹಾಡಿದ್ದಾರೆ. ಆದ್ರೆ, ಈ ಬಾರಿ ಅಪ್ಪು ಬೇರೆ ನಟರ ಚಿತ್ರಕ್ಕಾಗಿ ಗಾನ ಸುಧೆ ಹರಿಸಿಲ್ಲ. ಬದಲಾಗಿ, ತಮ್ಮ ಮುಂಬರುವ ಬಹುನಿರೀಕ್ಷಿತ ಚಿತ್ರ 'ರಣವಿಕ್ರಮ'ಗಾಗಿ ದನಿಯಾಗಿದ್ದಾರೆ.

ಯೆಸ್, ಅಪ್ಪು ಅಭಿಮಾನಿಗಳಿಗೆ ಡಬಲ್ ಧಮಾಕಾ ನ್ಯೂಸ್ ಅಂದ್ರೆ ಇದೆ. ಕೆಲ ದಿನಗಳ ಹಿಂದೆಯಷ್ಟೇ 'ಫಿಲ್ಮಿಬೀಟ್'ಗೆ ನಿರ್ದೇಶಕ ಪವನ್ ಒಡೆಯರ್ ನೀಡಿದ್ದ ವಿಶೇಷ ಸಂದರ್ಶನದಲ್ಲಿ ಈ ಮಾಹಿತಿಯನ್ನ ಹೊರಹಾಕಿದ್ದರು. ['ಫಿಲ್ಮಿಬೀಟ್' ಜೊತೆ ಪವನ್ 'ರಣವಿಕ್ರಮ' ವಿಶೇಷಗಳು]

'ರಣವಿಕ್ರಮ' ಚಿತ್ರದ ಎರಡು ಹಾಡುಗಳನ್ನ ಪುನೀತ್ ಹಾಡಲಿದ್ದಾರೆ ಅಂತ ಪವನ್ ಒಡೆಯರ್ ಬಹಿರಂಗಗೊಳಿಸಿದ್ದರು. ಅದರಂತೆ ಒಂದು ರೋಮ್ಯಾಂಟಿಕ್ ಸಾಂಗ್ ಗೆ ಅಪ್ಪು ದನಿ ನೀಡಿದ್ದಾರೆ. ಅದರ ಮೇಕಿಂಗ್ ವಿಡಿಯೋ ಇಲ್ಲಿದೆ ನೋಡಿ.....

ಗೀತ ಸಾಹಿತಿ ಕವಿರಾಜ್ ಬರೆದಿರುವ ಮನಮುಟ್ಟುವ ಸಾಹಿತ್ಯಕ್ಕೆ, ಅಷ್ಟೇ ಮನಮಿಡಿಯುವ ಹಾಗೆ ಗಾನಸುಧೆ ಹರಿಸಿದ್ದಾರೆ ಅಪ್ಪು. ವಿ.ಹರಿಕೃಷ್ಣ ಸಂಗೀತ ಸಂಯೋಜನೆಯಲ್ಲಿ ''ನೀನೇ...ನೀನೇ...'' ಹಾಡು ಸೊಗಸಾಗಿ ಮೂಡಿಬಂದಿದೆ. [ಗುಂಡಿಗೆ ಗಟ್ಟಿಮಾಡಿಕೊಂಡು ನೋಡಿ 'ರಣವಿಕ್ರಮ' ಟೀಸರ್]

ಸದ್ಯಕ್ಕೆ ಈ ಡ್ಯುಯೆಟ್ ನಂಬರ್ ಗೆ ಮಾತ್ರ ಪುನೀತ್ ಹಾಡಿರುವ ವಿಡಿಯೋ ಔಟ್ ಆಗಿದೆ. ಇದರೊಂದಿಗೆ ಅಪ್ಪು ಹಾಡಿರುವ ಮತ್ತೊಂದು ಗೀತೆ ಹೇಗಿರುತ್ತೆ ಅನ್ನುವ ಝಲಕ್ ಸದ್ಯದಲ್ಲೇ ರಿಲೀಸ್ ಆಗಲಿದೆ. ['ಧೀರ ರಣವಿಕ್ರಮ'ದ ವಿಲನ್ ಆಗಿ ಬಾಲಿವುಡ್ ವಿಕ್ರಮ್ ಸಿಂಗ್]

ಈಗಾಗಲೇ ರೀರೆಕಾರ್ಡಿಂಗ್ ಗೆ ಚಿತ್ರತಂಡ ಚಾಲನೆ ನೀಡಿದ್ದು, ಸದ್ಯದಲ್ಲೇ 'ರಣವಿಕ್ರಮ' ಆಡಿಯೋ ಮಾರುಕಟ್ಟೆಗೆ ಲಗ್ಗೆ ಇಡಲಿದೆ. ಪುನೀತ್ ರಾಜ್ ಕುಮಾರ್ ಜೊತೆ ಅದಾ ಶರ್ಮಾ ಮತ್ತು ಅಂಜಲಿ ಜೋಡಿಯಾಗಿರುವ 'ರಣವಿಕ್ರಮ' ಏಪ್ರಿಲ್ ಹೊತ್ತಿಗೆ ತೆರೆಗೆ ಅಪ್ಪಳಿಸಲಿದೆ. ಅಲ್ಲಿವರೆಗೂ, ನೀನೇ...ನೀನೇ ಗುಂಗಿನಲ್ಲಿರಿ....(ಫಿಲ್ಮಿಬೀಟ್ ಕನ್ನಡ)

ನೀನೇ ನೀನೇ ನೀನೇ ನೀನೇ...
ಕಣ್ಣ ತುಂಬಾ ನೀನೇ ತಾನೇ...
ಮನಸ್ಸು ಮುಟ್ಟೋ ಚೆನ್ನೆ ನೀನೇ
ಕೋಟಿ ಕೋಟಿ ಹುಡುಗೀರಲ್ಲಿ ನಿನ್ನಂತೆ ಯಾರೂ ಇಲ್ಲ
ನನ್ನ ಕಣ್ಣು ನಿನ್ನ ಬಿಟ್ಟು ಯಾರನ್ನೂ ನೋಡೋದಿಲ್ಲ...