Don't Miss!
- News Lok Sabha Election 2024: ಮತದಾರರನ್ನು ಆಕರ್ಷಿಸಲು ಚುನಾವಣಾ ಆಯೋಗದ ವಿಭಿನ್ನ ಪ್ರಯತ್ನ
- Technology vivo: ವಿವೋ Y200i ಸ್ಮಾರ್ಟ್ಫೋನ್ ಲಾಂಚ್! 12GB RAM.. 6000mAh ಬ್ಯಾಟರಿ
- Automobiles ಸಣ್ಣ ಕುಟುಂಬಗಳಿಗೆ ಬೆಸ್ಟ್ ಕಾರು... 5.36 ಲಕ್ಷ ರೂ. ಬೆಲೆ... 34 ಕಿ.ಮೀ ಮೈಲೇಜ್!
- Lifestyle 2 ಬಗೆಯ ಮಜ್ಜಿಗೆ ಸಾರು ರೆಸಿಪಿ: ಕಾಯಿ ಹಾಕಿದ, ಕಾಯಿ ಹಾಕದ ಸಾರಿನ ರೆಸಿಪಿ
- Sports ಐಪಿಎಲ್ನಿಂದ ದೂರವುಳಿದಿದ್ದ ಟೀಮ್ ಇಂಡಿಯಾ ವೇಗಿ ಟಿ20 ವಿಶ್ವಕಪ್ ಆಡುತ್ತಾರಾ?: ಆಟಗಾರ ಹೇಳಿದ್ದೇನು?
- Finance Bengaluru Rain:ಬಿಸಿಗಾಳಿ ಹೆಚ್ಚಳದಿಂದ ಬೆಂಗಳೂರು ನಗರಕ್ಕೆ ಅಧಿಕ ಮಳೆ, ಐಎಂಡಿ ಹೇಳಿದ್ದೇನು?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಬಿಚ್ಚು ಮನಸಿನ ದಿಟ್ಟ ಚೆಲುವೆ ಸೋನಲ್
ಚಿತ್ರರಸಿಕರು ನನ್ನನ್ನು ನನ್ನ ರೂಪರಾಶಿಗಿಂತ ಉತ್ತಮ ನಟಿಯಾಗಿ ಗುರುತಿಸಬೇಕು ಎಂದು ಮಾಡೆಲಿಂಗ್ ಲೋಕದಿಂದ ಬಣ್ಣದ ಲೋಕಕ್ಕೆ ಜಿಗಿದಿರುವ 'ಜನ್ನತ್' ಬೆಡಗಿ ಸೋನಲ್ ಚೌಹಾಣ್ 'ದಿ ಮ್ಯಾನ್' ಎಂಬ ಮ್ಯಾಗಝೀನಿಗೆ ಬೆಚ್ಚಿಬೀಳಿಸುವಂಥ ಪೋಸ್ ನೀಡಿ ಚಿತ್ರಪಂಡಿತರ ಹುಬ್ಬೇರುವಂತೆ ಮಾಡಿದ್ದಾರೆ. ಚೆಲುವೆ ಸೋನಲ್ ಚೆಲುವು, ದಿಟ್ಟತನ ನೋಡಿ ಮಾತುಗಳು ಬರದಂತಾಗಿವೆ.
ಈ ನಟಿಯರೇ ಹೀಗೆ, ಹೇಳುವುದೇ ಒಂದು ಮಾಡುವುದೇ ಇನ್ನೊಂದು. ಚೆಲುವೆಯೇ ನಿನ್ನ ನೋಡಲು ಚಿತ್ರದ ಮುಖಾಂತರ ಕನ್ನಡಕ್ಕೂ ಕಾಲಿಟ್ಟಿರುವ ಪಾಂಡ್ಸ್ ಪರಿಮಳ ಸೂಸುವ ಸೋನಲ್ ತಾನು ಉತ್ತಮ ಪಾತ್ರವಿರುವ ಚಿತ್ರಗಳಲ್ಲಿ ಮಾತ್ರ ಅಭಿನಯಿಸುತ್ತೇನೆ, ಚಿತ್ರಗಳಲ್ಲಿ ಸೆಕ್ಸಿಯಾಗಿ ಕಾಣಿಸಿಕೊಳ್ಳಲು ಬಯಸುವುದಿಲ್ಲ ಎಂದು ಹೇಳುತ್ತಲೇ ಬಂದಿದ್ದಾರೆ. ಚೆಲುವೆಯೇ ನಿನ್ನ ನೋಡಲು ಮುಹೂರ್ತದ ಸಂದರ್ಭದಲ್ಲಿ ಕೂಡ ಇದೇ ಮಾತನ್ನು ಉಲಿದಿದ್ದರು.
ಶಿವರಾಜ್ ಕುಮಾರ್ ಅಭಿನಯದ ಚೆಲುವೆಯೇ ನಿನ್ನ ನೋಡಲು ಚಿತ್ರದ ಬಗ್ಗೆ ಸೋನಲ್ ಚೌಹಾಣ್ ಭಾರೀ ನಿರೀಕ್ಷೆ ಇಟ್ಟುಕೊಂಡಿದ್ದಾರೆ. ಚಿತ್ರ ವಿಶ್ವದ ಏಳು ಅದ್ಭುತಗಳಿರುವ ತಾಣಗಳಲ್ಲಿ ಚಿತ್ರಿತವಾಗಿದೆ.
ದಕ್ಷಿಣದ ಚಿತ್ರಗಳಲ್ಲಿಯೂ ತೊಡಗಿಸಿಕೊಂಡಿರುವ ಸೋನಲ್ ಖ್ಯಾತ ಚಿತ್ರಕಾರ ಎಂಎಫ್ ಹುಸೇನ್ ಅವರ ಮಗ ಓವೈಸ್ ಹುಸೇನ್ ಪ್ರಥಮ ಬಾರಿಗೆ ನಿರ್ದೇಶಿಸುತ್ತಿರುವ 'ಪಂಜಾಬ್ 69' ಚಿತ್ರಕ್ಕಾಗಿ ತಮ್ಮನ್ನು ಅರ್ಪಿಸಿಕೊಂಡಿದ್ದಾರೆ.
ದಿ ಮ್ಯಾನ್ ಮ್ಯಾಗಝೀನಿನಲ್ಲಿ ಬಿಸಿಬಿಸಿ ಪೋಸುಗಳಲ್ಲಿ ಕಾಣಿಸಿಕೊಂಡಿರುವ ಸೋನಲ್, ಜೀವನದಲ್ಲಿ ಬರುವ ಮ್ಯಾನ್ ಬಗ್ಗೆಯೂ ಸಾಕಷ್ಟು ಕನಸುಗಳನ್ನು ಕಟ್ಟಿಕೊಂಡಿದ್ದಾರೆ. ಅವರಿಗೆ ಪುರುಷರ ವಾಸನೆಯೆಂದರೆ ಬಲು ಇಷ್ಟವಂತೆ. ನೋಡಲು ಥೇಟ್ ಮಿಲಿಟರಿ ಆಫೀಸರಂತೆ ಶಿಸ್ತಿನಂತೆ ಇರಬೇಕಂತೆ. ಪ್ರೀತಿಸಿದರೆ ಸೈಫ್ ಅಲಿ ಖಾನ್ ನಂತೆ ಪ್ರೀತಿಸಬೇಕಂತೆ. ಜೀವನಕ್ಕೆ ಭದ್ರತೆ ನೀಡುವ ತಾಕತ್ ಅವನಲ್ಲಿ ಇರಬೇಕಂತೆ.