ಕನ್ನಡಸಿನಿಮಾ ಹಾಗೂ ರಂಗಭೂಮಿ ಕಲಾವಿದೆ ವಿಜಯಕಲಾ ನಿಧನ

ಬೆಂಗಳೂರು : ಕನ್ನಡ ಸಿನಿಮಾ ಹಾಗೂ ರಂಗಭೂಮಿ ನಟಿ ವಿಜಯಕಲಾ ಡಿಸೆಂಬರ್‌ 30ರ ರಾತ್ರಿ ಉಸಿರಾಟದ ತೊಂದರೆಯಿಂದ ನಿಧನರಾದರು. ಅವರಿಗೆ 45 ವರ್ಷ ವಯಸ್ಸಾಗಿತ್ತು .

ಉತ್ತರ ಕರ್ನಾಟಕದ ನಾಟಕ ಕಂಪನಿಗಳ ಮೂಲಕ ಅಪಾರ ಜನಪ್ರಿಯತೆ ಗಳಿಸಿದ್ದ ವಿಜಯಕಲಾ 50ಕ್ಕೂ ಹೆಚ್ಚು ಸಿನಿಮಾಗಳಲ್ಲಿ ನಟಿಸಿದ್ದರು. 80ರ ದಶಕದಲ್ಲಿ ಚಿತ್ರರಂಗ ಪ್ರವೇಶಿಸಿದ ಅವರು ಅಭಿನಯಿಸಿದ ಚಿತ್ರಗಳಲ್ಲಿ - ಹೊಯ್ಸಳ, ಯಾರು ಹಿತವರು, ಗೃಹಿಣಿ, ತಂದೆ ಮಕ್ಕಳು, ಮಹಾ ತಪಸ್ವಿ ಸೇರಿವೆ.

ನಿರ್ಮಾಣ ಹಾಗೂ ನಿರ್ದೇಶನದಲ್ಲೂ ತೊಡಗಿದ್ದ ವಿಜಯಕಲಾ, ಪ್ರೇಮ ಮಂದಿರ ಹಾಗೂ ಡೈಮಂಡ್‌ ಸೀಕ್ರೆಟ್‌ ಎನ್ನುವ ಚಿತ್ರಗಳನ್ನು ನಿರ್ಮಿಸಿ ನಿರ್ದೇಶಿಸಿದ್ದರು.

(ಇನ್ಫೋ ವಾರ್ತೆ)