»   » 'ಅಭಿಮನ್ಯು' ಡಬ್ಬಿಂಗ್ ಅಂದವರಿಗೆ ಅರ್ಜುನ್ ಸರ್ಜಾ ತಿರುಗೇಟು

'ಅಭಿಮನ್ಯು' ಡಬ್ಬಿಂಗ್ ಅಂದವರಿಗೆ ಅರ್ಜುನ್ ಸರ್ಜಾ ತಿರುಗೇಟು

Posted by:
Subscribe to Filmibeat Kannada

ಬಹುಭಾಷಾ ನಟ ಕನ್ನಡಿಗ ಅರ್ಜುನ್ ಸರ್ಜಾ ಅವರು ತಮ್ಮದೇ ನಿರ್ದೇಶನ ಮತ್ತು ನಿರ್ಮಾಣದಲ್ಲಿ 2014 ರಲ್ಲಿ 'ಅಭಿಮನ್ಯು' ಎಂಬ ದೇಶಪ್ರೇಮವನ್ನು ಸಾರುವ ಸಿನಿಮಾ ಮಾಡಿದ್ದರು. ಅಂದಹಾಗೆ ಈ ಸಿನಿಮಾ ಕನ್ನಡ, ತಮಿಳು ಮತ್ತು ತೆಲುಗು ಭಾಷೆಗಳಲ್ಲಿ ಏಕಕಾಲದಲ್ಲಿ ತೆರೆ ಕಂಡಿತ್ತು.

ಕನ್ನಡದಲ್ಲಿ 'ಅಭಿಮನ್ಯು', ತಮಿಳು ಮತ್ತು ತೆಲುಗಿನಲ್ಲಿ 'ಜೈ ಹಿಂದ್' ಎಂಬ ಹೆಸರಿನಲ್ಲಿ ತೆರೆ ಕಂಡಿತ್ತು. ತದನಂತರ ಹಿಂದಿ ಭಾಷೆಗೆ 'ಅರ್ಜುನ್ ಕ ಬದ್ಲಾ' ಎಂದು ಡಬ್ ಆಗಿತ್ತು.[ಅಕ್ಟೋಬರ್ ನಲ್ಲಿ ಅರ್ಜುನ್ ಸರ್ಜಾ 'ಅಭಿಮನ್ಯು' ]

Actor Arjun Sarja responds to comment on 'Abhimanyu' is a Dubbing film

ಈ ಚಿತ್ರಕ್ಕೆ 2014 ರಲ್ಲಿ ಎರಡನೇ ಅತ್ಯುತ್ತಮ ಪ್ರಶಸ್ತಿ ಸಂದ ಸಂದರ್ಭದಲ್ಲಿ ಹಲವಾರು ಮಂದಿ ಅದೊಂದು ಡಬ್ಬಿಂಗ್ ಸಿನಿಮಾ ಆಗಿದೆ. ಆದ್ರಿಂದ ಅದಕ್ಕೆ ಪ್ರಶಸ್ತಿ ಕೊಟ್ಟಿರುವುದು ಸರಿಯಲ್ಲ ಎಂದು ಆರೋಪ ಮಾಡಿದ್ದರು.

ಇದೀಗ ನಟ ಅರ್ಜುನ್ ಸರ್ಜಾ ಅವರು ಈ ಸಿನಿಮಾ ಡಬ್ಬಿಂಗ್ ಅಲ್ಲ ಎನ್ನುವ ಎಲ್ಲಾ ಆರೋಪಗಳಿಗೆ ಸ್ಪಷ್ಟನೆ ನೀಡುವ ಮೂಲಕ ತಿರುಗೇಟು ನೀಡಿದ್ದಾರೆ. 'ನಾನು ಅಭಿಮನ್ಯು ಚಿತ್ರವನ್ನು ಕನ್ನಡ, ತಮಿಳು ಮತ್ತು ತೆಲುಗಿನಲ್ಲಿ ಏಕಕಾಲಕ್ಕೆ ಮಾಡಿದ್ದೆ. ಮೂರು ಭಾಷೆಗಾಗಿ ಬೇರೆ ಬೇರೆಯೇ ಶೂಟಿಂಗ್ ಮಾಡಿದ್ದೆ.[ಅಪ್ಪನ ಲವ್ ಸ್ಟೋರಿಗೆ, ಮಗಳು ನಾಯಕಿ..!]

Actor Arjun Sarja responds to comment on 'Abhimanyu' is a Dubbing film

'ಆದರೆ ಕೆಲವರು ಇದು ಡಬ್ಬಿಂಗ್ ಸಿನಿಮಾ ಎಂದೆಲ್ಲಾ ಹೇಳಿದರು. ನಾನು ಅದರ ಬಗ್ಗೆ ಹೆಚ್ಚು ತಲೆಕೆಡಿಸಿಕೊಳ್ಳಲಿಲ್ಲ. ಏಕೆಂದರೆ ನಾನು ತಮಿಳು ಮತ್ತು ತೆಲುಗು ಚಿತ್ರಗಳನ್ನು ಹೆಚ್ಚಾಗಿ ಮಾಡುತ್ತಿರುತ್ತೇನೆ ಮತ್ತು ಜನ ಆ ಸಿನಿಮಾಗಳ ಪೋಸ್ಟರ್ ಗಳನ್ನು ನೋಡುತ್ತಾರೆ. ಹಾಗಾಗಿ ಇದು ಡಬ್ಬಿಂಗ್ ಸಿನಿಮಾ ಅಂತ ಅಂದುಕೊಂಡಿದ್ದರೆ ಆಶ್ಚರ್ಯವಿಲ್ಲ' ಎಂಬ ಉತ್ತರ ನೀಡಿದ್ದಾರೆ.[ಅರ್ಜುನ್ ಸರ್ಜಾ ಅವರ ಹೆಂಡತಿಯಾದ ಲೂಸಿಯಾ ಬೆಡಗಿ]

Actor Arjun Sarja responds to comment on 'Abhimanyu' is a Dubbing film

'ಕನ್ನಡದಲ್ಲಿ ಸಿನಿಮಾ ನಿರ್ದೇಶಿಸಬೇಕಾದರೆ ಒಂದು ಒಳ್ಳೆಯ ಕಥೆಗಾಗಿ ಹುಡುಕುತ್ತಿದ್ದೆ. ಕಮರ್ಷಿಯಲ್ ಸಿನಿಮಾವಾದರೂ ಅದರಲ್ಲೊಂದು ಸಂದೇಶ ಇರಬೇಕೆಂದು ಆಸೆ ಆಗಿತ್ತು, ಅದರಂತೆ 'ಅಭಿಮನ್ಯು' ಚಿತ್ರದಲ್ಲಿ ಶಿಕ್ಷಣದ ಕುರಿತಾಗಿ ಹೇಳಿದ್ದೇನೆ. ಜನ ಕೂಡ ಇಷ್ಟಪಟ್ಟಿದ್ದಾರೆ. ಆ ಬಗ್ಗೆ ನನಗೆ ಸಂತೋಷ ಇದೆ. ಇದೀಗ ನನ್ನ ಆಸೆ ಎಲ್ಲಾ 'ಅಭಿಮನ್ಯು' ಚಿತ್ರದಿಂದ ಈಡೇರಿದೆ' ಎಂದು ನಟ ಅರ್ಜುನ್ ಸರ್ಜಾ ನುಡಿಯುತ್ತಾರೆ.[ಅರ್ಜುನ್ ಸರ್ಜಾ, ಮನಿಷಾ 'ಗೇಮ್' ಟ್ರೈಲರ್ ನೋಡಿದ್ರಾ?]

'ಒಳ್ಳೆಯ ಸಿನಿಮಾ ಮಾಡಬೇಕು ಅನ್ನೋದಷ್ಟೆ ನನ್ನ ಉದ್ದೇಶವಾಗಿತ್ತೇ, ಹೊರತು ಪ್ರಶಸ್ತಿಗಾಗಿ ಅಲ್ಲ, ಪ್ರಶಸ್ತಿಯನ್ನು ನಿರೀಕ್ಷಿಸಿಯೂ ಇರಲಿಲ್ಲ. ಆದರೆ ಪ್ರಶಸ್ತಿ ಬಂದಿದ್ದಕ್ಕೆ ಖುಷಿ ಇದೆ ಎಂದು ಅರ್ಜುನ್ ಸರ್ಜಾ ಸಂತಸ ವ್ಯಕ್ತಪಡಿಸಿದ್ದಾರೆ.

English summary
Multilingual Actor Arjun Sarja responds to comment on 'Abhimanyu' is a Dubbing film. Kannada Movie 'Abhimanyu' is released in 2014. Actor Arjun Sarja and Actress Surveen Chawla in the lead role. The movie is directed by Arjun Sarja.
Please Wait while comments are loading...

Kannada Photos

Go to : More Photos