ಮುಖಪುಟ

ಸಿನಿ ಸಮಾಚಾರ

'ಮೈನಾ' ಚಿತ್ರದಲ್ಲಿ ಮನಸೊರೆಗೊಳಿಸುವಂತ ಪಾತ್ರದಲ್ಲಿ ಮಿಂಚಿದ್ದ ಮಲ್ಲು ಕುಟ್ಟಿ ನಟಿ ನಿತ್ಯಾ ಮೆನನ್. ಬೆಂಗಳೂರಲ್ಲಿ ಹುಟ್ಟಿ ಬೆಳೆದ ಈ ಚೆಲುವೆ, ಕನ್ನಡ ಚಿತ್ರರಂಗಕ್ಕಿಂತ ಹೆಚ್ಚಾಗಿ ತೆಲುಗು, ತಮಿಳು, ಮಲೆಯಾಳಂ ಚಿತ್ರರಂಗದಲ್ಲೇ ಜನಪ್ರಿಯ.

'ಸೆವೆನ್ ಓ ಕ್ಲಾಕ್', 'ಜೋಶ್', 'ಮೈನಾ', ಮುಂತಾದ ಕನ್ನಡ ಚಿತ್ರಗಳಲ್ಲಿ ಅಭಿನಯಿಸಿರುವ ನಿತ್ಯಾ ಮೆನನ್ ಗಿನ್ನೂ 26 ವರ್ಷ. ಅಷ್ಟು ಬೇಗ ನಿರ್ದೇಶಕಿಯಾಗುವುದಕ್ಕೆ ಮನಸ್ಸು ಮಾಡಿದ್ದಾಳೆ ಈ ಹುಡುಗಿ.

ಅಸಲಿಗೆ, ನಿತ್ಯಾ ಮೆನನ್ ಬಣ್ಣದ ಪ್ರಪಂಚಕ್ಕೆ ಕಾಲಿಟ್ಟಿದ್ದೇ ನಿರ್ದೇಶಕಿಯಾಗಬೇಕು ಅನ್ನುವ ಕನಸು ಹೊತ್ತು. ಮಣಿಪಾಲ್ ಇನ್ಸ್ಟಿಟ್ಯೂಟ್ ನಲ್ಲಿ ಪತ್ರಿಕೋದ್ಯಮ ಓದಿರುವ ನಿತ್ಯಾಗೆ ಪತ್ರಕರ್ತೆಯಾಗುವ ಗುರಿ ಇತ್ತು. [ನಾಗಶೇಖರ್ 'ಮೈನಾ' ಕಲರ್ ಫುಲ್ ಸೆಂಚುರಿ]

ಆದ್ರೆ, ಈಗಿನ ಪತ್ರಿಕೋದ್ಯಮದ ಬಗ್ಗೆ ತಿಳಿದುಕೊಂಡಿರುವ ನಿತ್ಯಾ, ಅದಕ್ಕೆ ತಿಲಾಂಜಲಿ ಬಿಟ್ಟು ಪುಣೆ ಇನ್ಸ್ಟಿಟ್ಯೂಟ್ ನಲ್ಲಿ ನಿರ್ದೇಶನದ ತರಬೇತಿ ಪಡೆದರು. ಅಲ್ಲದೇ ಅಂದೇ ಚಿತ್ರವೊಂದಕ್ಕೆ ನಿರ್ದೇಶಿಸುವುದಕ್ಕೆ ಮನಸ್ಸು ಮಾಡಿದ್ದ ನಿತ್ಯಾ, ಅಕಸ್ಮಾತ್ ಆಗಿ ನಟನೆಗೆ ಇಳಿದರು. [ಪ್ರತಿಭಾವಂತೆ ನಿತ್ಯಾಗೆ ಪೊಗರು ಜಾಸ್ತಿ ಅಂತೆ!]

ನಟನೆ ಜೊತೆ ಜೊತೆಗೆ ಗಾಯಕಿಯಾಗಿಯೂ ನಿತ್ಯಾ ಸಖತ್ ಫೇಮಸ್. ಇದೀಗ ಕೈತುಂಬಾ ಅವಕಾಶಗಳಿದ್ದರೂ, ಸದ್ದಿಲ್ಲದೇ ತಮ್ಮ ನಿರ್ದೇಶನದ ಚಿತ್ರಕ್ಕಾಗಿ ಪೂರ್ವ ತಯಾರಿ ನಡೆಸುತ್ತಿದ್ದಾರಂತೆ. ಎಲ್ಲಾ ನಿತ್ಯಾ ಪ್ಲಾನ್ ಪ್ರಕಾರ ಓಕೆ ಆದರೆ, ಸದ್ಯದಲ್ಲೇ ಡೈರೆಕ್ಟರ್ ಕ್ಯಾಪ್ ತೊಡಲಿದ್ದಾರಂತೆ. (ಏಜೆನ್ಸೀಸ್)