twitter
    For Quick Alerts
    ALLOW NOTIFICATIONS  
    For Daily Alerts

    ಶ್ರೀ ಶ್ರೀ ಶ್ರೀ ಅನಂತ ಸ್ವಾಮಿಗಳಿಗೆ ಗಜಕೇಸರಿ ಯೋಗ

    By Rajendra
    |

    ಕನ್ನಡ ಚಿತ್ರರಂಗದ ಸುಂದರಾಂಗ ನಟ ಅನಂತನಾಗ್ ಅವರು ಈಗ ಶ್ರೀ ಶ್ರೀ ಶ್ರೀ ಅನಂತ ಸ್ವಾಮಿಗಳಾಗಿ ಪದಗ್ರಹಣ ಮಾಡಿದ್ದಾರೆ! ಅವರಿಗೆ ಬಹುಶಃ ಗಜಕೇಸರಿ ಯೋಗ ಎಂದು ಕಾಣುತ್ತದೆ. ಈ ಯೋಗಾಯೋಗದಲ್ಲಿ ಅವರಿಗೆ ಸ್ವಾಮೀಜಿಯಾಗುವ ಭಾಗ್ಯ ಕೂಡಿಬಂದಿದೆ. ಇಷ್ಟಕ್ಕೂ ಯಾವ ಮಠಕ್ಕೆ ಅಂತೀರಾ?

    ಅಯ್ಯೋ ಇದು ಗುರುಪ್ರಸಾದ್ ಅವರ ಮಠ ಅಲ್ಲ ಸ್ವಾಮಿ. ಇದು ರಾಕಿಂಗ್ ಸ್ಟಾರ್ ಯಶ್ ಮುಖ್ಯಭೂಮಿಕೆಯಲ್ಲಿರುವ ಗಜಕೇಸರಿ ಚಿತ್ರದ ಗೆಟಪ್. ಈ ಚಿತ್ರದಲ್ಲಿ ಅನಂತ್ ನಾಗ್ ಅವರು ಸ್ವಾಮೀಜಿಯಾಗಿ ಕಾಣಿಸುತ್ತಿದ್ದಾರೆ. ಆದರೆ ಇದು ತಮಾಷೆ ಮಾಡುವ ಪಾತ್ರವಲ್ಲ ಎನ್ನುತ್ತದೆ ಚಿತ್ರತಂಡ.

    Anant Nag in Gajakesari
    ಇತಿಹಾಸ ಪ್ರಸಿದ್ಧ ಮಠವೊಂದರ ಪೀಠಾಧ್ಯಕ್ಷರಾಗಿ ಅನಂತ ನಾಗ್ ಅವರು ಕಾಣಿಸುತ್ತಿದ್ದಾರೆ. ಚಿತ್ರದಲ್ಲಿ ಅವರದು ಗಂಭೀರ ಪಾತ್ರವಂತೆ. ಈ ಮಠದ 29ನೇ ಪೀಠಾಧ್ಯಕ್ಷರಾಗಿ ಅನಂತ್ ನಾಗ್ ದರ್ಶನ ನೀಡುತ್ತಿದ್ದಾರೆ.

    ಈ ಭಾಗದ ಚಿತ್ರೀಕರಣವನ್ನು ಈಗಾಗಲೆ ಮೈಸೂರು ಅರಮನೆ, ಕೆಆರ್ಎಸ್ ನ ವೇಣುಗೋಪಾಲ ಸ್ವಾಮಿ ಆಲಯದಲ್ಲಿ ಚಿತ್ರೀಕರಿಸಲಾಗಿದೆ. ಅನಂತ್ ನಾಗ್ ಅವರು ತಮ್ಮ ವೃತ್ತಿ ಬದುಕಿನಲ್ಲಿ ಹಲವಾರು ರೀತಿಯ ಪಾತ್ರಗಳನ್ನು ಪೋಷಿಸಿದ್ದಾರೆ. ಆದರೆ ಈ ಪಾತ್ರ ಮಾತ್ರ ವಿಭಿನ್ನವಾಗಿದೆ.

    ಆಧ್ಯಾತ್ಮದಲ್ಲಿ ಆಸಕ್ತಿ ಇರುವ ಅನಂತ್ ನಾಗ್ ಅವರ ಮನಸ್ಸಿಗೆ ಹತ್ತಿರವಾದ ಪಾತ್ರವೂ ಇದಾಗಿದೆ. ಇನ್ನು ಗಜಕೇಸರಿ ಚಿತ್ರದ ಬಗ್ಗೆ ಹೇಳುವುದಾದರೆ, ಈ ಚಿತ್ರಕ್ಕೆ ಛಾಯಾಗ್ರಹಕರಾಗಿ ಗುರುತಿಸಿಕೊಂಡಿರುವ ಎಸ್ ಕೃಷ್ಣ ಅವರು ಆಕ್ಷನ್ ಕಟ್ ಹೇಳಿದ್ದಾರೆ. ಚಿತ್ರದ ನಾಯಕಿ ಅಮೂಲ್ಯ.

    Anant Nag in Gajakesari
    ಸತ್ಯ ಹೆಗಡೆ ಅವರ ಛಾಯಾಗ್ರಹಣ ಇರುವ ಚಿತ್ರದ ಪಾತ್ರವರ್ಗದಲ್ಲಿ ಮಂಡ್ಯ ರಮೇಶ್, ಗಿರಿಜಾ ಲೋಕೇಶ್ ಮುಂತಾದವರಿದ್ದಾರೆ. ಗಜಕೇಸರಿ ಚಿತ್ರ ಈಗಾಗಲೆ ಎರಡನೇ ಹಂತದ ಚಿತ್ರೀಕರಣ ಮುಗಿಸಿದೆ. ಅನಂತ್ ನಾಗ್ ಅವರ ಇನ್ನೊಂದಿಷ್ಟು ಭಾಗದ ಚಿತ್ರೀಕರಣ ಆಗಸ್ಟ್ ನಲ್ಲಿ ನಡೆಯಲಿದೆ. (ಒನ್ಇಂಡಿಯಾ ಕನ್ನಡ)

    English summary
    Kannada films renowned actor Anant Nag appears in swamiji get up in film Gajakesari. Rocking Star Yash and Amoolya starrer 'Gajakesari' directed by ace cinematographer S Krishna.
    Wednesday, July 17, 2013, 18:10
    IIFA

    Kannada Photos

    Go to : More Photos
    ತಾಜಾ ಸುದ್ದಿ ತಕ್ಷಣ ಪಡೆಯಿರಿ
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X