»   » ನಟಿ ಶ್ರುತಿ ಹಾಗು ಚಂದ್ರಚೂಡ್ ಮದುವೆ ರದ್ದು

ನಟಿ ಶ್ರುತಿ ಹಾಗು ಚಂದ್ರಚೂಡ್ ಮದುವೆ ರದ್ದು

Posted by:
Subscribe to Filmibeat Kannada

ಕನ್ನಡ ಚಿತ್ರರಂಗದ ಜನಪ್ರಿಯ ತಾರೆ ಶ್ರುತಿ ಹಾಗೂ ಪತ್ರಕರ್ತ ಚಂದ್ರಚೂಡ್ ಅವರ ಮದುವೆಯನ್ನು ಬೆಂಗಳೂರು ಕೌಟುಂಬಿಕ ನ್ಯಾಯಾಲಯ ಶುಕ್ರವಾರ (ಸೆ.20) ರದ್ದು ಮಾಡಿದೆ. ಈ ಮೂಲಕ ಶ್ರುತಿ ಎರಡನೇ ಮದುವೆಯೂ ಮುರಿದು ಬಿದ್ದಿದೆ.

ಚಂದ್ರಚೂಡ್ ಅವರು ತಮ್ಮ ಮೊದಲ ಪತ್ನಿ ಮಂಜುಳಾ ಅವರಿಗೆ ವಿಚ್ಛೇದನ ನೀಡಿಲ್ಲ. ಶ್ರುತಿ ಜೊತೆಗಿನ ಅವರ ಮದುವೆಯನ್ನು ಅಸಿಂಧು ಮಾಡಬೇಕು ಎಂದು ಕೋರಿ ಅವರ ಮೊದಲ ಪತ್ನಿ ಮಂಜುಳಾ ಅರ್ಜಿ ಸಲ್ಲಿಸಿದ್ದರು. ಅರ್ಜಿಯನ್ನು ವಿಚಾರಣೆ ಮಾಡಿದ ನ್ಯಾಯಾಲಯ ಶ್ರುತಿ ಹಾಗೂ ಚಂದ್ರಚೂಡ್ ಮದುವೆಯನ್ನು ರದ್ದುಪಡಿಸಿದೆ.

Shruti marriage photo

ಶನಿವಾರ (ಸೆ.21) ಮಧ್ಯಸ್ಥಿಕೆ ಕೇಂದ್ರಕ್ಕೆ ಚಂದ್ರಚೂಡ್ ಹಾಗೂ ಮಂಜುಳಾ ಅವರು ಹಾಜರಾಗಬೇಕಾಗುತ್ತದೆ. ಮಧ್ಯಸ್ಥಿಕೆದಾರರು ಇಬ್ಬರೊಂದಿಗೂ ಮಾತನಾಡಿ ಮನವೊಲಿಸುವ ಪ್ರಯತ್ನ ಮಾಡಲಿದ್ದಾರೆ. ಮಂಗಳ ಜೊತೆ ಬಾಳಲು, ಸಂಸಾರ ನಡೆಸಲು ಮಧ್ಯಸ್ಥಿಕೆ ಕೇಂದ್ರ ಸಲಹೆ ನೀಡಬಹುದು.

ಈ ಹಿಂದೆ ಕೌಟುಂಬಿಕ ನ್ಯಾಯಾಲಯಕ್ಕೆ ಹಾಜರಾಗಿದ್ದ ನಟಿ ಶ್ರುತಿ ಅವರು ನ್ಯಾಯಾಧೀಶರ ಮುಂದೆ ಹಾಜರಾಗಿ ಮಂಜುಳಾ ಸಲ್ಲಿಸಿರುವ ವಿವಾಹ ರದ್ದು ಅರ್ಜಿಗೆ ತಮ್ಮ ತಕರಾರಿಲ್ಲ ಎಂದು ಹೇಳಿದ್ದರು. ಮಂಜುಳಾ ಬಗ್ಗೆಯೂ ಅವರು ಅನುಕಂಪದ ಮಾತುಗಳನ್ನು ಆಡಿದ್ದರು.

ನಟಿ ಶ್ರುತಿ ಜೂ.5ರಂದು ಕೊಲ್ಲೂರು ಶ್ರೀ ಮೂಕಾಂಬಿಕಾ ದೇವಿಯ ಸನ್ನಿಧಿಯಲ್ಲಿ ಪತ್ರಕರ್ತ ಹೊಳೆನರಸೀಪುರದ ಚಂದ್ರಶೇಖರ್‌ ಯಾನೆ ಚಂದ್ರಚೂಡ ಚಕ್ರವರ್ತಿ ಅವರನ್ನು ವಿವಾಹ ಮಾಡಿಕೊಂಡಿದ್ದರು. (ಏಜೆನ್ಸೀಸ್)

English summary
The Bangalore family court annuled Kannada actress Shruti second marriage with journalist-turned-filmmaker Chandrachud. Chandrachud’s first wife Manjula, a teacher, approaching the family court alleging that the filmmaker had not divorced from her before marrying Shruthi, which is illegal.
Please Wait while comments are loading...

Kannada Photos

Go to : More Photos