ಬರ್ತ್ ಡೇ ಸ್ಪೆಷಲ್: ಫೇಸ್ ಬುಕ್ಕಿನಲ್ಲಿ ಅಭಿಮಾನಿಗಳೊಂದಿಗೆ ಹರಟಿದ ರಮ್ಯಾ

* ಅಭಿಮಾನಿ: ಬೆಂಗಳೂರು ಬಗ್ಗೆ ನಿಮ್ಮ ಕಲ್ಪನೆ ಏನು?

- ರಮ್ಯಾ: ನಮ್ಮ ರಾಜಧಾನಿ ಬೆಂಗಳೂರಿನ ಸರ್ವತೋಮುಖ ಅಭಿವೃದ್ದಿಯತ್ತ ನಾವೆಲ್ಲರೂ ಗಮನ ಹರಿಸಬೇಕಾಗಿದೆ. ನಾಗರಿಕರಾಗಿ ಬೆಂಗಳೂರಿನ ಅಭಿವೃದ್ದಿಯಲ್ಲಿ ನಮ್ಮ ಪಾತ್ರ ಕೂಡ ಪ್ರಮುಖವಾಗಿದೆ. ನಮ್ಮಲ್ಲಿ ಪ್ರತಿಭಾವಂತರಿದ್ದು, ಅವರಿಗೆ ಸರಿಯಾದ ಅವಕಾಶ ಕೊಟ್ಟರೆ ಬೆಂಗಳೂರು ಮತ್ತಷ್ಟು ಅಭಿವೃದ್ದಿಯಾಗುತ್ತದೆ, ಎಂಬ ನಂಬಿಕೆ ನನಗಿದೆ.[ಚಿತ್ರಗಳು: ಆಕರ್ಷಕ ಲುಕ್ ನಲ್ಲಿ ಮಿಂಚುತ್ತಿರುವ ಸ್ಯಾಂಡಲ್ ವುಡ್ ಕ್ವೀನ್.!]

* ನಿಮ್ಮ ಪ್ರಕಾರ ಅತ್ಯುತ್ತಮ ನಿರ್ದೇಶಕ ಯಾರು?

- ಗಿರೀಶ್ ಕಾಸರವಳ್ಳಿ

* ರಾಜಕೀಯದಲ್ಲಿ ನಿಮ್ಮ ರೋಲ್ ಮಾಡೆಲ್ ಯಾರು?

- ಜವಾಹರ್ ಲಾಲ್ ನೆಹರು

* ನಿಮ್ಮ ನಿಕ್ ನೇಮ್

- ಡಿಪ್ಪಿ

* ಮದುವೆ ಯಾವಾಗ ಆಗುತ್ತೀರಿ?

- ಸೂಕ್ತ ವ್ಯಕ್ತಿ ಅಥವಾ ಸೂಕ್ತ ವರ ಸಿಕ್ಕಾಗ

* ನಿಮ್ಮ ಮುಂಬರುವ ಚಿತ್ರ (ಬಿಡುಗಡೆಯಾಗಲಿರುವ ಸಿನಿಮಾ)

- ನನ್ನ ಪ್ರಕಾರ ಪ್ರಜ್ವಲ್ ದೇವರಾಜ್ ಜೊತೆ 'ದಿಲ್ ಕಾ ರಾಜಾ'. ಹಾಗಂತ ಅಂದುಕೊಂಡಿದ್ದೇನೆ.

* ಮುಂದಿನ ಚುನಾವಣೆಯಲ್ಲಿ ಸ್ಪರ್ಧಿಸುತ್ತೀರಾ?

- ಬಹುಶಃ ಸರಿಯಾಗಿ ಹೇಳಲಾರೆ

* ಎಂಎಲ್ ಸಿ ಸ್ಥಾನಕ್ಕೆ ?

- ಖಂಡಿತ ಇಲ್ಲ

* ನಿಮ್ಮ ರಾಜಕೀಯ ಗುರಿ ಏನು? (ಸರ್ವೇಶ್ ಶೆಟ್ಟರ್)

- ಸುಮ್ಮನೆ ಆಸೆ ಆಯ್ತು ಅಂತ ನಾನು ರಾಜಕೀಯದಲ್ಲಿ ಇಲ್ಲ. ಬದ್ಲಾಗಿ ಒಳ್ಳೆಯ ಸೇವೆ ಮಾಡಬೇಕೆಂದಿದ್ದೇನೆ.

* ನಿಮ್ಮ ಫೇವರೆಟ್ ಕ್ರಿಕೆಟರ್ ಯಾರು?

- ರಾಹುಲ್ ದ್ರಾವಿಡ್

* ಮಹಿಳಾ ಸಬಲೀಕರಣದ ಬಗ್ಗೆ ನಿಮ್ಮ ಅಭಿಪ್ರಾಯ ಏನು?

- ಎಲ್ಲಾ ಕಡೆ ಮಹಿಳೆಯರಿಗೆ ಒಳ್ಳೆ ಅವಕಾಶ ಕೊಡಬೇಕು. ಜೊತೆಗೆ ಅವರ ಸುರಕ್ಷತೆ ಬಗ್ಗೆಯೂ ಗಮನಹರಿಸಬೇಕಿದೆ.

* ನಿಮ್ಮನ್ನು ಮಂತ್ರಿಯಾಗಿ ನೋಡುವ ಆಸೆ ಇದೆ.

- ಒಳ್ಳೆಯದು. ಆದರೆ ಸದ್ಯಕ್ಕೆ ಆ ಯೋಚನೆ ಮಾಡಿಲ್ಲ

* ಅಸಹಿಷ್ಣುತೆ ಬಗ್ಗೆ ನಿಮ್ಮ ಅಭಿಪ್ರಾಯ ಏನು?

- ಇದು ದೇಶಕ್ಕೆ ಮಾರಕ ನಾವಿದ್ದನ್ನು ಬದಲಾಯಿಸಬೇಕು.

* ಮತ್ತೆ ನಿಮ್ಮನ್ನು ಕನ್ನಡ ಸಿನಿಮಾಗಳಲ್ಲಿ ನೋಡುವಾಸೆ ಇದೆ.

- ಸಮಯ ಸಿಕ್ಕರೆ ಖಂಡಿತ ಮಾಡಬೇಕೆಂಬ ಆಸೆ ನನಗೂ ಇದೆ. ಆದರೆ ರಾಜಕೀಯದ ಜೊತೆ ಸಿನಿಮಾ ಸ್ವಲ್ಪ ಕಷ್ಟ ಆದರೂ ಪ್ರಯತ್ನಿಸುತ್ತೇನೆ.

* ಮುಂದಿನ ತಮಿಳು ಅಥವಾ ತೆಲುಗು ಚಿತ್ರ?

- ಸದ್ಯಕ್ಕೆ ಅಂತಹ ಯಾವುದೇ ಯೋಚನೆ ಇಲ್ಲ

* ಇತ್ತೀಚೆಗೆ ಅಂಬರೀಷ್ ಬಗ್ಗೆ ನಿಮಗೇನಾದರೂ ಬೇಸರ ಇದ್ಯಾ?

- ಅಯ್ಯೋ ನನಗ್ಯಾವತ್ತೂ ಅವರ ಮೇಲೆ ಬೇಸರ ಆಗಿಲ್ಲ.

* ನಿಮ್ಮ ಮತ್ತು ಹುಚ್ಚ ವೆಂಕಟ್ ಕಾಂಬಿನೇಷನ್ ಗಾಗಿ ಕಾಯುತ್ತಿದ್ದೇನೆ? (ಶರತ್)

- ಹಾ ಹಾ ಹಾ