twitter
    For Quick Alerts
    ALLOW NOTIFICATIONS  
    For Daily Alerts

    ಬಾಲಭವನದಲ್ಲಿ ಚಿಣ್ಣರ ಜ್ಞಾನದಾಹ ಇಂಗಿಸುವ ಚಿತ್ರೋತ್ಸವ

    By Rajendra
    |

    ಈಗ ಬರುತ್ತಿರುವ ಸಿನಿಮಾಗಳಲ್ಲಿ ಸದಭಿರುಚಿಯ ಚಿತ್ರಗಳನ್ನು ಹುಡುಕುವುದೇ ಕಷ್ಟ, ಇನ್ನು ಮಕ್ಕಳ ಚಿತ್ರಗಳ ಮಾತು ದೂರವಾಯಿತು ಬಿಡಿ. ಇನ್ನು ಮಕ್ಕಳೂ ಅಷ್ಟೇ ಕಂಪ್ಯೂಟರ್ ಗೇಮ್ಸ್, ವಿಡಿಯೋ ಗೇಮ್ಸ್ ಎಂದು ಒಳ್ಳೆಯ ಚಿತ್ರಗಳನ್ನು ನೋಡುವುದನ್ನೂ ಮರೆತಿದ್ದಾರೆ.

    ಈ ದಿಶೆಯಲ್ಲಿ ಬಾಲಭನವ ಸೊಸೈಟಿ ಮತ್ತು ಕರ್ನಾಟಕ ಚಲನಚಿತ್ರ ಅಕಾಡೆಮಿ ವಾರಾಂತ್ಯ ಚಿತ್ರಗಳ ಪ್ರದರ್ಶನಕ್ಕೆ ಮುಂದಾಗಿದೆ. ಇದೇ ಜನವರಿ 31ರಿಂದ ಮಕ್ಕಳ ಚಿತ್ರೋತ್ಸವನ್ನು ಕಬ್ಬನ್ ಪಾರ್ಕ್ ನ ಬಾಲಭವನದಲ್ಲಿ ಆಯೋಜಿಸಲಾಗಿದೆ. ಪ್ರತಿ ವಾರಾಂತ್ಯಗಳಲ್ಲಿ ಈ ಚಲನಚಿತ್ರ ಪ್ರದರ್ಶನವಿರುತ್ತದೆ. [ದೊಡ್ಡವರ ಕಣ್ಣುತೆರೆಸುವ ಮಕ್ಕಳ ಚಿತ್ರ]

    Gubbachigalu
    ವಿವಿಧ ದೇಶಗಳ, ರಾಜ್ಯಗಳ ಚಲನಚಿತ್ರಗಳ ಮೂಲಕ ಮನರಂಜನೆ ಜೊತೆಗೆ ಜ್ಞಾನವನ್ನು ಹೆಚ್ಚಿಸುವ ಕೆಲಸಕ್ಕೆ ಕೈಹಚ್ಚಿದೆ ಬಾಲಭವನ. ಬ್ರೆಜಿಲ್, ಚೆಕ್ ರಿಪಬ್ಲಿಕ್, ಅಮೆರಿಕಾ, ಚೀನಾ, ಆಸ್ಟ್ರೇಲಿಯಾ ಹಾಗೂ ಭಾರತ ಸೇರಿದಂತೆ ವೈವಿಧ್ಯಮಯ ಚಿತ್ರಗಳು ಪ್ರದರ್ಶನಗೊಳ್ಳಲಿವೆ. ಇವೆಲ್ಲವೂ ಇಂಗ್ಲಿಷ್ ಸಬ್ ಟೈಟಲ್ ನಲ್ಲಿ ಮೂಡಿಬರಲಿವೆ.

    ಈಗಾಗಲೆ ಹದಿನೈದು ವಾರಾಂತ್ಯಗಳಿಗೆ ಆಗುವಷ್ಟು ಚಿತ್ರಗಳನ್ನು ಸಂಗ್ರಹಿಸಲಾಗಿದ್ದು, ಶನಿವಾರ ಪ್ರದರ್ಶನಗೊಳ್ಳುವ ಚಿತ್ರಗಳನ್ನು ಭಾನುವಾರವೂ ಪ್ರದರ್ಶನಗೊಳಿಸಲಾಗುತ್ತದೆ. ಏಕೆಂದರೆ ಎಲ್ಲರಿಗೂ ಎಲ್ಲಾ ಚಿತ್ರಗಳನ್ನು ತಲುಪಿಸಬೇಕು ಎಂಬ ಉದ್ದೇಶ ಎನ್ನುತ್ತಾರೆ ಬಾಲಭವನ ಅಧ್ಯಕ್ಷೆ ಭಾವನಾ.

    ಚಿಣ್ಣರ ಈ ಚಿತ್ರೋತ್ಸವದ ಮೂಲಕ ಮಕ್ಕಳಲ್ಲಿ ಶಿಸ್ತು, ಸಂಯಮ, ಸಾಹಸಮನೋಭಾವ, ಭಿನ್ನ ಸಂಸ್ಕೃತಿಗಳನ್ನು ಪರಿಚಯಿಸಿದಂತಾಗುತ್ತದೆ. ಈ ಚಿತ್ರಗಳು ಮಕ್ಕಳ ಜ್ಞಾನ ವಿಕಾಸಕ್ಕೂ ಸಹಕಾರಿಯಾಗಲಿವೆ ಎನ್ನುತ್ತಾರೆ ಕರ್ನಾಟಕ ಚಲನಚಿತ್ರ ಅಕಾಡೆಮಿ ಅಧ್ಯಕ್ಷ ರಾಜೇಂದ್ರ ಸಿಂಗ್ ಬಾಬು.

    ಜನವರಿ 31ರಿಂದ ಸಂಜೆ 3 ಗಂಟೆಗೆ ಶನಿವಾರ ಮತ್ತು ಭಾನುವಾರ ಚಿತ್ರ ಪ್ರದರ್ಶನವಿರುತ್ತದೆ. ಮೂರು ವರ್ಷದಿಂದ ಎಲ್ಲಾ ವಯೋಮಾನದವರಿಗಾಗಿ ಟಿಕೆಟ್ ದರ ರು.20 ನಿಗದಿಪಡಿಸಲಾಗಿದೆ. ಹೆಚ್ಚಿನ ಮಾಹಿತಿಗೆ ಸಂಪರ್ಕಿಸಿ: 080-2286 1423. (ಏಜೆನ್ಸೀಸ್)

    English summary
    The Bal Bhavan Society and Karnataka Chalanachitra Academy jointly organised weekend Children’s Film Festival will be starts in Bengaluru from January 31, 2015. About 15 weekends Saturday and Sunday up to 15 films from many countries will be screened in Bal Bhavan.
    Saturday, January 31, 2015, 15:20
    IIFA

    Kannada Photos

    Go to : More Photos
    ತಾಜಾ ಸುದ್ದಿ ತಕ್ಷಣ ಪಡೆಯಿರಿ
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X