ಮುಖಪುಟ

ಸಿನಿ ಸಮಾಚಾರ

ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಅವರಿಗೆ ಪ್ರಾಣಿಗಳೆಂದರೆ ಬಲು ಪ್ರೀತಿ. ಈ ಹಿಂದೆ ಅವರು ಹಲವಾರು ಸಲ ಪ್ರಾಣಿಗಳನ್ನು ದತ್ತು ಪಡೆದು ಮುಗ್ಧ ಪ್ರಾಣಿಗಳ ಬಗ್ಗೆ ಅನುಕಂಪ, ದಯೆ ತೋರಿದ್ದಾರೆ. ಈ ಬಾರಿ ಮೈಸೂರಿನ ಶ್ರೀ ಚಾಮರಾಜೇಂದ್ರ ಮೃಗಾಲಯದ ಹುಲಿ ಮರಿಯೊಂದನ್ನು ದತ್ತು ಪಡೆದಿದ್ದಾರೆ.

ಮೃಗಾಲಯದಲ್ಲಿ ಮಾನ್ಯ ಹುಲಿಗೆ ಜನಿಸಿದ ನಾಲ್ಕು ಹುಲಿ ಮರಿಗಳ ಪೈಕಿ ಒಂದನ್ನು ದರ್ಶನ್ ರು.1 ಲಕ್ಷ ನೀಡಿ ದತ್ತು ಪಡೆದಿದ್ದಾರೆ. ಭಾನುವಾರ (ಸೆ.22) ದರ್ಶನ್ ಮೃಗಾಲಯಕ್ಕೆ ಭೇಟಿ ನೀಡಿದ್ದರು. ಮೃಗಾಲಯದ ಪ್ರಾಣಿ ದತ್ತು ಸ್ವೀಕಾರ ಯೋಜನೆಯಡಿ ಅವರು ಹುಲಿ ಮರಿಯನ್ನು ದತ್ತು ಪಡೆದರು.

ಚಾಲೆಂಜಿಂಗ್ ಸ್ತಾರ್ ದರ್ಶನ್

ಈ ಹಿಂದೆ ಇದೇ ಮೃಗಾಲಯದ ಮಾದೇಶ ಎಂಬ ಆನೆ ಮರಿಯನ್ನು ದರ್ಶನ್ ದತ್ತು ಪಡೆದಿದ್ದರು. ರು.35 ಸಾವಿರ ನೀಡಿ ಅದರ ದತ್ತು ಅವಧಿಯನ್ನೂ ನವೀಕರಿಸಿಕೊಂಡಿದ್ದಾರೆ. ತಮ್ಮ ಬಿಡುವಿನ ವೇಳೆಯನ್ನು ಪ್ರಾಣಿಗಳೊಂದಿಗೆ ಕಳೆಯುವುದೆಂದರೆ ದರ್ಶನ್ ಗೆ ಎಲ್ಲಿಲ್ಲದ ಖುಷಿ.ಅವರ ತೋಟದ ಮನೆಯಲ್ಲಿ ಮುದ್ದಾದ ನಾಯಿಮರಿಗಳು, ಕುದುರೆಗಳು, ಹಸುಗಳು ಹಾಗೂ ಕೆಲವೊಂದು ಆಕರ್ಷಕವಾಗಿರುವ ಪಕ್ಷಿಗಳನ್ನು ಕಾಣಬಹುದು. (ಏಜೆನ್ಸೀಸ್)