Don't Miss!
- News Rain Alert: ಹಲವು ಜಿಲ್ಲೆಗಳಲ್ಲಿ ಭಾರಿ ಮಳೆ: ಈ ಜಿಲ್ಲೆಗಳಲ್ಲಿ ಭಾರಿ ಬಿಸಿಲು
- Sports DC vs GT IPL 2024: ಅಕ್ಷರ್, ಪಂತ್ ಭರ್ಜರಿ ಬ್ಯಾಟಿಂಗ್; ಗುಜರಾತ್ಗೆ ಸವಾಲಿನ ಗುರಿ ನೀಡಿದ ಡೆಲ್ಲಿ
- Technology ಒಪ್ಪೋ ಫೈಂಡ್ X7 ಅಲ್ಟ್ರಾ ಕ್ಯಾಮೆರಾ: ಮೊಬೈಲ್ ಫೋಟೋಗ್ರಫಿಗೆ ಅತ್ಯುತ್ತಮ ಫೋನ್!
- Lifestyle 613 ದಿನ ಕೊರೊನಾ ವಿರುದ್ಧ ಹೋರಾಡಿ ವೃತಪಟ್ಟ ವ್ಯಕ್ತಿ..!
- Automobiles ಸ್ವಂತ ದುಡಿಮೆಯಲ್ಲಿ ಹೊಸ ಕಾರು ಖರೀದಿಸಿ ಯುವ ನಟಿಯ ಭಾವನಾತ್ಮಕ ಪೋಸ್ಟ್
- Finance ರಿಲಯನ್ಸ್ಗೆ 28,607 ಕೋಟಿ ನಷ್ಟ, ಕಾರಣ ಏನು ಗೊತ್ತೆ?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಯೋಗರಾಜ್ ಭಟ್ರ 'ಪ್ಲಸ್' ಪಾಯಿಂಟ್ ಮೈನಸ್ ಆದಾಗ...
ನಿರ್ದೇಶಕ ಯೋಗರಾಜ್ ಭಟ್ ಗೆ ಶುಕ್ರದೆಸೆ ಶುರುವಾಗಿದ್ದು 'ಮುಂಗಾರು ಮಳೆ' ಚಿತ್ರದಿಂದ. 'ದೂದ್ ಪೇಡ' ದಿಗಂತ್ ಕೂಡ ಗಾಂಧಿನಗರದಲ್ಲಿ ಗುರುತಿಸಿಕೊಂಡಿದ್ದು, ಇದೇ ಚಿತ್ರದ ಸಣ್ಣ ಪಾತ್ರದಲ್ಲಿ ಕಾಣಿಸಿಕೊಂಡ ಮೇಲೆ.
ಹೀರೋ ಗಣೇಶ್ ಗಿಂತ ಹೆಚ್ಚಾಗಿ ದಿಗಂತ್ ರನ್ನ ಮೆಚ್ಚಿಕೊಂಡಿದ್ದ ಭಟ್ರು, ಅವರಿಗೆ ಸ್ಯಾಂಡಲ್ ವುಡ್ ನಲ್ಲಿ ಭದ್ರ ನೆಲೆಕಟ್ಟಿಕೊಟ್ಟರು. 'ಗಾಳಿಪಟ' ಚಿತ್ರದಲ್ಲಿ ನಾಯಕನಾಗಿ ಪ್ರಮೋಟ್ ಆದ ದಿಗ್ಗಿ, ಭಟ್ರು ಜೊತೆ 'ಮನಸಾರೆ', 'ಪಂಚರಂಗಿ', 'ಲೈಫು ಇಷ್ಟೇನೆ' ಸೇರಿದಂತೆ ಸಾಲು ಸಾಲು ಸಿನಿಮಾಗಳಲ್ಲಿ ಅಭಿನಯಿಸಿದರು. ['ಫಿಲ್ಮಿಬೀಟ್ ಕನ್ನಡ' ಉಚಿತ ಸುದ್ದಿಸಾರಂಗಿ ಸೇವೆ ಆರಂಭ]
ಮುಗ್ಧ ಹುಡುಗನಂತೆ ಕಾಣುವ ದಿಗ್ಗಿಯನ್ನ 'ಮಾತಿನ ಮಲ್ಲ' ಮಾಡಿದ ಭಟ್ರು ಈಗ 'ವಾಸ್ತುಪ್ರಕಾರ' ಹೊಸ ತಂಡದೊಂದಿಗೆ ಬಿಜಿಯಾಗಿದ್ದಾರೆ. ಅಲ್ಲದೇ, ಅವರ ನಿರ್ಮಾಣದಲ್ಲಿ 'ಪ್ಲಸ್' ಸಿನಿಮಾ ಕೂಡ ರೆಡಿಯಾಗುತ್ತಿದೆ. [ಭಟ್ಟರ ಹೊಸ 'ಪರಪಂಚ'ದಲ್ಲಿ ದೂದ್ ಪೇಡ ದಿಗಂತ್]
'ಪ್ಲಸ್' ಸಿನಿಮಾದ ಮುಖ್ಯ ಭೂಮಿಕೆಯಲ್ಲಿ ಹಿರಿಯ ನಟ ಅನಂತ್ ನಾಗ್ ಇದ್ದರೂ, ನಾಯಕನ ಪಾತ್ರದಲ್ಲಿ ದಿಗಂತ್ ಕಾಣಿಸಿಕೊಳ್ಳುತ್ತಿದ್ದಾರೆ ಅಂತ ಈ ಹಿಂದೆ ಸುದ್ದಿಯಾಗಿತ್ತು.
ಈಗಲೂ, 'ಪ್ಲಸ್' ಸಿನಿಮಾದ ಹೀರೋ ದಿಗಂತ್ ಅಂತಲೇ ಅನೇಕರು ಭಾವಿಸಿದ್ದಾರೆ. ಬಹುಶಃ ಭಟ್ರು-ದಿಗಂತ್ ಕಾಂಬಿನೇಷನ್ ನಲ್ಲಿ ಬಂದ ಸಿನಿಮಾಗಳು ಈ ಊಹೆಗೆ ಕಾರಣವಾಗಿರಬಹುದು. ಆದ್ರೆ, ವಾಸ್ತವ ಇದಲ್ಲ. [ಅನಂತ್ ನಾಗ್ 'ಪ್ಲಸ್' ಆ ಇನ್ನಿಬ್ಬರು ಯಾರು?]
'ಪ್ಲಸ್' ಸಿನಿಮಾದಲ್ಲಿ ದಿಗಂತ್ ನಟಿಸಿಲ್ಲ! ಈ ವಿಚಾರವನ್ನ 'ಫಿಲ್ಮಿಬೀಟ್ ಕನ್ನಡ'ಗೆ ನಿರ್ದೇಶಕ ಗಡ್ಡ ವಿಜಿ ಸ್ಪಷ್ಟಪಡಿಸಿದ್ದಾರೆ. ನಿಮ್ಮ 'ಫಿಲ್ಮಿಬೀಟ್ ಕನ್ನಡ' ಈ ಹಿಂದೆ ವರದಿ ಮಾಡಿದಂತೆ ಚೇತನ್ ಚಂದ್ರ ಲೀಡ್ ರೋಲ್ ನಲ್ಲಿದ್ದಾರೆ. ಅವರೊಂದಿಗೆ ಯುವ ನಟನೊಬ್ಬ 'ಪ್ಲಸ್' ಚಿತ್ರದ ಮೂಲಕ ಗಾಂಧಿನಗರಕ್ಕೆ ಕಾಲಿಡುತ್ತಿದ್ದಾರೆ. ['+' ಚಿತ್ರದ ಪ್ಲಸ್ ಪಾಯಿಂಟ್ ಔಟ್]
ಇಬ್ಬರ ಗ್ರ್ಯಾಂಡ್ ಎಂಟ್ರಿ ಏಪ್ರಿಲ್ 2 ರಂದು ಆಗಲಿದೆ. ಅಲ್ಲಿಗೆ ಭಟ್ರ 'ಪ್ಲಸ್' ಸಿನಿಮಾದಿಂದ ದಿಗಂತ್ ಮೈನಸ್ ಆಗಿರುವುದು ಖಚಿತ. ಆದ್ರೇನಂತೆ 'ಪರಪಂಚ', 'ಶಾರ್ಪ್ ಶೂಟರ್' ಚಿತ್ರಗಳಲ್ಲಿ ದಿಗಂತ್ ಬಿಜಿಯಾಗಿದ್ದಾರೆ. (ಫಿಲ್ಮಿಬೀಟ್ ಕನ್ನಡ)