»   » ಪ್ರೇಮ್ ಅಡ್ಡಕ್ಕೆ ನೀಲಿ ರಾಣಿ ಸನ್ನಿ ಲಿಯೋನ್

ಪ್ರೇಮ್ ಅಡ್ಡಕ್ಕೆ ನೀಲಿ ರಾಣಿ ಸನ್ನಿ ಲಿಯೋನ್

Posted by:
Subscribe to Filmibeat Kannada

ಹ್ಯಾಟ್ರಿಕ್ ಹೀರೋ ಶಿವರಾಜ್ ಕುಮಾರ್ ಜೊತೆ ಮಲ್ಲಿಕಾ ಶೆರಾವತ್, ಯಾನಾ ಗುಪ್ತಾರಂತಹ ಐಟಂ ಬೆಡಗಿಯರನ್ನು ಕರೆಸಿ ಕುಣಿಸಿದ ನಿರ್ದೇಶಕ ಪ್ರೇಮ್‌ ಕಣ್ಣು ಈಗ ನೀಲಿ ಚಿತ್ರಗಳ ತಾರೆ ಸನ್ನಿ ಲಿಯೋನ್ ಮೇಲೆ ಬಿದ್ದಿದೆ. ಜೋಗಯ್ಯ ಚಿತ್ರ ತೋಪಾದ ಮೇಲೆ ನಿರ್ದೇಶಕ ಪ್ರೇಮ್ 'ಪ್ರೇಮ್ ಅಡ್ಡ' ಎಂಬ ಚಿತ್ರಕ್ಕೆ ನಾಯಕರಾಗಿರುವುದು ಗೊತ್ತೇ ಇದೆ. ಆ ಚಿತ್ರಕ್ಕೀಗ ಸನ್ನಿ ಲಿಯೋನ್ ಕರೆತರಲು ಸಿದ್ಧರಾಗಿದ್ದಾರೆ ಪ್ರೇಮ್.

'ಪ್ರೇಮ್ ಅಡ್ಡ'ದಲ್ಲಿ ಒಂದು ಐಟಂ ಸಾಂಗ್ ಇದೆಯಂತೆ. ಈ ಹಾಡಿಗೆ ಇಬ್ಬರು ಬೇಕೆಂದಿರುವ ನಿರ್ದೇಶನಕ ಮಹೇಶ್ ಬಾಬು, ಮೊದಲ ಬಾರಿಗೆ ಕನ್ನಡಕ್ಕೆ ಸನ್ನಿ ಲಿಯೋನ್‌ ಕರೆ ತರುವ ಪ್ರಯತ್ನದಲ್ಲಿದ್ದಾರೆ. ಅಮೀಷಾ ಪಟೇಲ್, ಜಿಯಾ ಖಾನ್, ಜಾಕ್ವೆಲಿನ್ ಅಥವಾ ನಯನತಾರಾ ಕೂಡ ಅವರ ಲಿಸ್ಟ್ ನಲ್ಲಿದ್ದಾರೆ. ಯಾರ ಕಾಲ್ ಶೀಟ್ ಸಿಕ್ಕು ಯಾರು ಕನ್ನಡಕ್ಕೆ ಕಾಲಿಡಲಿದ್ದಾರೆ ಎಂಬುದು ಸದ್ಯದಲ್ಲೇ ನಿರ್ಧಾರವಾಗಲಿದೆ.

ಪ್ರೇಮ್ ಹಾಗೂ ಮಹೇಶ್ ಬಾಬು ಸಂಗಮದ 'ಪ್ರೇಮ್ ಅಡ್ಡ' ಚಿತ್ರ ತಮಿಳಿನ 'ಸುಬ್ರಮಣ್ಯಪುರಂ'ನ ರೀಮೇಕ್. 'ಹಲೋ ಯಮ' ಚಿತ್ರದಲ್ಲಿ ತಲೆಹಿಡುಕನೊಬ್ಬನ ಪಾತ್ರದ ಮೂಲಕ ನಟನೆಗೆ ಬಂದ ನಿರ್ದೇಶಕ ಪ್ರೇಮ್ ನಟನಾಗಿ ಇಲ್ಲಿ ನೆಲೆಯೂರುವ ಪ್ರಯತ್ನದಲ್ಲಿದ್ದಾರೆ. ಅದಕ್ಕೆ ಸನ್ನಿ ಲಿಯೋನ್ ಸಹಕಾರವೋ ಬೇಕೋ ಏನೋ!

ಒಟ್ಟಿನಲ್ಲಿ ಪ್ರೇಮ್ ಅಡ್ಡಕ್ಕೆ ಸನ್ನಿ ಲಿಯೋನ್ ಬಂದರೆ ಕನ್ನಡ ಪ್ರೇಕ್ಷಕರು ತಮ್ಮ ಅಡ್ಡಬಿಟ್ಟು ಬರುವುದು ಖಾತ್ರಿ ಎಂಬುದು ಪ್ರೇಮ್ ಲೆಕ್ಕಾಚಾರ. ಆದರೆ ಈ ಮೊದಲು ಸಾಕಷ್ಟು ಬಾರಿ ತಪ್ಪಿರುವ ಪ್ರೇಮ್ ಲೆಕ್ಕಾಚಾರ, ಈ ಬಾರಿಯಾದರೂ ತಪ್ಪದಿರಲಿ ಎಂಬುದು ಇನ್ನೂ ಇರುವ ಪ್ರೇಮ್ ಅಭಿಮಾನಿಗಳ ಕೂಗು. ಅದು ಪ್ರೇಮ್ ಅವರಿಗೆ ತಲುಪಿದೆಯಾ ಎನ್ನುವುದು ಪ್ರೇಮ್ ಅಡ್ಡದ ಬಿಡುಗಡೆ ಬಳಿಕ ತಿಳಿಯಲಿದೆ. (ಒನ್ ಇಂಡಿಯಾ ಕನ್ನಡ)

English summary
There is news buzz that porn director Prem is trying to take call sheet of Sunny Leone to his upcoming movie 'Prem Adda. According to the director of movie Prem Adda, there is one item song and he wants Sunny Leone for that.
Please Wait while comments are loading...
Best of 2016

Kannada Photos

Go to : More Photos