ಕೂದಲು ಬೆಳ್ಳಗಾಗಿದೆಯೇ, ಚಿಂತೆ ಬಿಡಿ ಅಂದ್ರು ಶಿವಣ್ಣ!

ಕನ್ನಡದ ನಟರು ಜಾಹೀರಾತಿನಲ್ಲಿ

ಅಣ್ಣಾವ್ರ ಕಾಲದಿಂದಲೂ ನಂದಿನಿ ಹಾಲಿನ ಜಾಹೀರಾತಿನಲ್ಲಿ ಬಿಟ್ಟರೆ ಕನ್ನಡದ ನಟರು ಇತರ ಕಮರ್ಷಿಯಲ್ ಜಾಹೀರಾತಿನಲ್ಲಿ ಕಾಣಿಸಿಕೊಂಡ ಉದಾಹರಣೆಗಳು ತೀರಾ ಅಪರೂಪ.

ನಂದಿನಿ ಹಾಲಿನ ಜಾಹೀರಾತು

ನಂದಿನಿ ಹಾಲಿನ ಜಾಹೀರಾತಿನಲ್ಲಿ ರಾಜ್, ಅಪ್ಪು, ರಮ್ಯಾ, ಉಪ್ಪಿ, ರಾಗಿಣಿ ಮುಂತಾದವರು ಬಿಡಿಗಾಸು ಪಡೆಯದೇ ಕಾಣಿಸಿಕೊಂಡಿದ್ದರು.

ಗೋದ್ರೆಜ್ ಹೇರ್ ಡೈ ಜಾಹೀರಾತಿನಲ್ಲಿ ಶಿವಣ್ಣ

ಹತ್ತೇ ನಿಮಿಷದಲ್ಲಿ ಹತ್ತು ವರ್ಷ ವಯಸ್ಸು ಕಮ್ಮಿಯಾದಂತೆ ಕಾಣಿಸಬೇಕೇ? ಕೂದಲು ಬೆಳ್ಳಗಾಗಿದೆಯೇ, ಗೋದ್ರೆಜ್ ಕಂಪೆನಿಯ ಜಾಹೀರಾತಿನಲ್ಲಿ ಇದಕ್ಕೆ ಶಿವಣ್ಣ ಕೊಟ್ಟ ಐಡಿಯಾದ ವಿಡಿಯೋಗೆ ಇಲ್ಲಿ ಕ್ಲಿಕ್ಕಿಸಿ

ಬಚ್ಚನ್ ಜೊತೆ ಶಿವಣ್ಣ

ಕಲ್ಯಾಣ್ ಜ್ಯೂವೆಲ್ಲರ್ಸ್ ಜಾಹೀರಾತಿನಲ್ಲಿ ಬಚ್ಚನ್, ಪ್ರಭು ಮುಂತಾದ ದಕ್ಷಿಣ ಚಿತ್ರೋದ್ಯಮದ ಪ್ರಮುಖರ ಜೊತೆ ಶಿವಣ್ಣ ಜಾಹೀರಾತಿನಲ್ಲಿ ಕಾಣಿಸಿಕೊಂಡಿದ್ದರು. ಶಿವಣ್ಣ ಮತ್ತು ಸುಧಾರಾಣಿ ಜೊತೆಗಿರುವ ಕಲ್ಯಾಣ್ ಜ್ಯೂವೆಲ್ಲರ್ಸ್ ಜಾಹೀರಾತು ಈಗ ಹೆಚ್ಚಾಗಿ ಪ್ರಸಾರವಾಗುತ್ತಿದೆ.

ಅಪ್ಪು, ದೀಪು ಕೂಡಾ ಜಾಹೀರಾತಿನಲ್ಲಿ

ಪುನೀತ್ ರಾಜಕುಮಾರ್ ಮಣಪ್ಪುರಂ, ಪೆಪ್ಸಿ ಉತ್ಪನ್ನದ ಜಾಹೀರಾತಿನಲ್ಲಿ ಕಾಣಿಸಿಕೊಂಡರೆ, ದೀಪು ಆಲಿಯಾಸ್ ಕಿಚ್ಚ ಸುದೀಪ್ ಇಂಟೆಕ್ಸ್, ಪ್ಯಾರಗಾನ್, ಟಾಟಾ ಸ್ಕೈ ಮುಂತಾದ ಜಾಹೀರಾತಿನಲ್ಲಿ ಕಾಣಿಸಿಕೊಂಡಿದ್ದಾರೆ.

ಸರಕಾರೀ ಪ್ರಾಯೋಜಿತ ಜಾಹೀರಾತು

ಬೆಂಗಳೂರು ಟ್ರಾಫಿಕ್ ಪೊಲೀಸ್ ಸುರಕ್ಷಾ ಸಪ್ತಾಹದ ಜಾಹೀರಾತಿನಲ್ಲಿ ಸುದೀಪ್ ಕಾಣಿಸಿಕೊಂಡಿದ್ದರು. ಪುನೀತ್ ಮತ್ತು ರಾಧಿಕಾ ಸರ್ವ ಶಿಕ್ಷಣ ಅಭಿಯಾನ ಜಾಹೀರಾತಿನಲ್ಲಿದ್ದರು. ಸಿದ್ದು ಸರಕಾರದ ಮಹತ್ವಾಕಾಂಕ್ಷೆಯ ಜಾತಿ ಸಮೀಕ್ಷೆಗೆ ಸಂಬಂಧಪಟ್ಟ ಜಾಹೀರಾತಿನಲ್ಲಿ ಪುನೀತ್ ಜಾಹೀರಾತು ಗ್ರಾಮೀಣ ಭಾಗದಲ್ಲಿ ಈಗ ಸಿಕ್ಕಾಪಟ್ಟೆ ಫೇಮಸ್ ಆಗಿದೆ. ಇಲ್ಲಿದೆ ವಿಡಿಯೋ