Don't Miss!
- News Rain Alert: ಕೊಡಗಿನ ವಿವಿಧಡೆ ಮಳೆ ಅಬ್ಬರ: ಮೋಡ ಕವಿದ ವಾತಾವರಣ
- Automobiles Brezza: ಮಾರುತಿ ಸುಜುಕಿ ಬ್ರೆಝಾ ಖರೀದಿಸಬೇಕೇ.. ಆನ್ ರೋಡ್ ಬೆಲೆ ಎಷ್ಟು? EMI ಏನು?
- Sports IPL 2024: RCB ವಿರುದ್ಧ ಪಂದ್ಯಕ್ಕೆ KKRನ ಆಡುವ 11ರ ಬಳಗ ಮರೆತ ಶ್ರೇಯಸ್ ಅಯ್ಯರ್
- Lifestyle ಏಪ್ರಿಲ್ 1ರಿಂದ 800 ಔಷಧಗಳು ದುಬಾರಿ..! ಎಷ್ಟು ಬೆಲೆ ಹೆಚ್ಚಳ.?
- Technology WhatsApp: ವಾಟ್ಸಾಪ್ನಲ್ಲಿ ಈ ಕರೆಗಳನ್ನು ಸ್ವೀಕರಿಸದಂತೆ ಕೇಂದ್ರದಿಂದ ಎಚ್ಚರಿಕೆ! ಯಾಕೆ ಗೊತ್ತಾ?
- Finance 25ನೇ ವಯಸ್ಸಿನಲ್ಲಿ 25,000 ರೂ.ನಿಂದ 7,000 ಕೋಟಿ ಗಳಿಸಿದ ವ್ಯಕ್ತಿ ಬಗ್ಗೆ ತಿಳಿಯಿರಿ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ನಂಗ್ಯಾಕೋ ಡೌಟು! ಅಂಬಿ ಎಂ.ಪಿನಾ? ಎಂ.ಎಲ್.ಎನಾ?
ಅಂಬರೀಶ್ ಯಾರು..? ಈ ಪ್ರಶ್ನೆಗೆ ಸಿನಿ ಪ್ರೇಮಿಗಳು ಥಟ್ ಅಂತ ಕೊಡುವ ಉತ್ತರ 'ರೆಬೆಲ್ ಸ್ಟಾರ್' ಅಂತ. ಇನ್ನೂ ಕೆಲವರು 'ಕನ್ನಡದ ಕರ್ಣ', 'ಮಂಡ್ಯದ ಗಂಡು', 'ಮಂಡ್ಯದ ಚಂದಮಾಮ' ಅಂತೆಲ್ಲಾ ಪ್ರೀತಿಯಿಂದ ಕರೆಯುತ್ತಾರೆ.
ಅಂಬರೀಶ್ ಬರೀ ನಟ ಮಾತ್ರ ಅಲ್ಲ, ಸ್ಯಾಂಡಲ್ ವುಡ್ ನಲ್ಲಿ ಮಾತ್ರವಲ್ಲದೆ ರಾಜಕೀಯ ರಂಗದಲ್ಲೂ ಅಂಬಿ ಫೇಮಸ್. ಸದ್ಯಕ್ಕೆ ಅಂಬರೀಶ್ ಕರ್ನಾಟಕ ರಾಜ್ಯದ 'ವಸತಿ ಸಚಿವ' ಅಂತ ನಿಮ್ಗೆ ಗೊತ್ತಲ್ವಾ.
ಹೀಗಂತ ಅಂದುಕೊಂಡು ಯಾರಾದರೂ ಜೆ.ಪಿ.ನಗರದಲ್ಲಿರುವ ಅಂಬಿ ನಿವಾಸಕ್ಕೆ ಹೋದರೆ, ಒಮ್ಮೆ ಕನ್ಫ್ಯೂಸ್ ಆಗುವುದು ಸಹಜ. ಯಾಕಂದ್ರೆ, ಅಂಬಿ ಮನೆಯ ಗೇಟ್ ನಲ್ಲಿ ಹಾಕಿರುವ ನಾಮ ಫಲಕದಲ್ಲಿ 'ಲೋಕಸಭಾ ಸದಸ್ಯರು' ಅಂತಿದೆ.
1998 ರಿಂದ 2008 ರವರೆಗೂ ಲೋಕಸಭಾ ಸದ್ಯಸರಾಗಿದ್ದ ಅಂಬರೀಶ್, ಕಾವೇರಿ ವಿವಾದದಿಂದ ತಮ್ಮ ಸದಸ್ಯತ್ವಕ್ಕೆ ರಾಜೀನಾಮೆ ನೀಡಿದ್ದರು. ಹಾಗೆ, ಅಂಬರೀಶ್ ಎಂ.ಪಿ.ಗದ್ದುಗೆಯಿಂದ ಕೆಳಗಿಳಿದು ಸುಮಾರು 6 ವರ್ಷಗಳೇ ಉರುಳಿವೆ.
ಆದರೂ, ಅವರ ಮನೆ ಮುಂದೆ ಈಗಲೂ 'ಲೋಕಸಭಾ ಸದಸ್ಯರು' ಅಂತ ಬೋರ್ಡ್ ಇದೆ. ರಾಜಕೀಯ ಒತ್ತಡದ ನಡುವೆ 'ವಿಧಾನಸಭಾ ಸದಸ್ಯರು', 'ಕರ್ನಾಟಕ ರಾಜ್ಯದ ವಸತಿ ಸಚಿವರು' ಅನ್ನುವ ನಾಮಫಲಕವನ್ನ ಅಂಬಿ ಹಾಕಿಸುವುದನ್ನೇ ಮರೆತು ಬಿಟ್ಟಿರಬೇಕು.
ಹಾಗೆ ನೋಡಿದರೆ, 'ಲೋಕಸಭಾ ಸದ್ಯಸರು' ಅಂತ ಅಚ್ಚಾಗಿರುವ ನಾಮ ಫಲಕ ಕಲ್ಲಿನದ್ದು. ಅದು ಸಿಮೆಂಟಿನಲ್ಲಿ ಭದ್ರವಾಗಿ ಅಚ್ಚಾಗಿರುವ ಕಾರಣ ಅದಕ್ಕೆ ರಿಪೇರಿ ಕೆಲಸ ತುಂಬಾ ಇದೆ. ಇದಕ್ಕೋ ಏನೋ, ''ಯಾರು ನೋಡ್ತಾರೆ'' ಅಂತ ಅಂಬಿ, ತಮ್ಮ ಸ್ಟೈಲ್ ನಲ್ಲಿ ಸುಮ್ಮನಾಗಿರಬೇಕು.
ಆದ್ರೆ, ಅಂಬಿ ಮನೆಗೆ ಎಳ್ಳು ಬೀರೋಕೆ ಅಂತ ಹೋದ ಹೆಣ್ಮಕ್ಕಳು ಮಾತ್ರ ಈ ಬೋರ್ಡ್ ನ ಕಂಡು, ತಲೆ ಕೆರೆದುಕೊಂಡು, ಕಕ್ಕಾಬಿಕ್ಕಿಯಾಗಿದ್ದಾರೆ. ಅಂಬಿ ಎಂ.ಪಿ.ನಾ...ಇಲ್ಲಾ ಎಂ.ಎಲ್.ಎ ನಾ..? ಅಂತ ಗೆಳತಿಯರಿಗೆ ಫೋನ್ ಮಾಡಿ ಡೌಟ್ ಕ್ಲಿಯರ್ ಮಾಡಿಕೊಂಡಿದ್ದಾರೆ. ಹೀಗೆ ಇನ್ನೊಬ್ಬರಿಗೆ ಇಂತಹ ಕನ್ಫ್ಯೂಷನ್ ಆಗದಿರಲಿ ಅಂತ ನಾವು ವಿವರ ನೀಡಿ ವರದಿ ಮಾಡಿದ್ದೀವಿ ಅಷ್ಟೆ. (ಫಿಲ್ಮಿಬೀಟ್ ಕನ್ನಡ)