ಮುಖಪುಟ

ಸಿನಿ ಸಮಾಚಾರ

ಸತತ ಸೋಲಿನಿಂದ ಕಂಗೆಟ್ಟಿರುವ ನಟ ಚೇತನ್ ಚಂದ್ರ ಅವರು ಇದೀಗ 'ಸಂಯುಕ್ತ 2' ಎಂಬ ಹಾರರ್-ಥ್ರಿಲ್ಲರ್ ಸಿನಿಮಾ ಮೂಲಕ ಮತ್ತೆ ತಮ್ಮ ಅದೃಷ್ಟ ಪರೀಕ್ಷೆ ಮಾಡಲು ಗಾಂಧಿನಗರಕ್ಕೆ ವಾಪಸಾಗಿದ್ದಾರೆ.

ನಟ ಚೇತನ್ ಚಂದ್ರ ಕಾಣಿಸಿಕೊಳ್ಳಲಿರುವ 'ಸಂಯುಕ್ತ 2' ಚಿತ್ರಕ್ಕೆ ಇತ್ತೀಚೆಗಷ್ಟೇ ಮಹಾಲಕ್ಷ್ಮಿ ಲೇಔಟ್ ನ ವೆಂಕಟೇಶ್ವರ ಸ್ವಾಮಿ ದೇವಸ್ಥಾನದಲ್ಲಿ ಮೂಹೂರ್ತ ನೆರವೇರಿತ್ತು. ಚಿತ್ರಕ್ಕೆ ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಅವರು ಕ್ಲಾಪ್ ಮಾಡಿದ್ದರು.[ಹಾರರ್ ಚಿತ್ರಕ್ಕೆ ದರ್ಶನ್ ಕ್ಲಾಪ್ ಮಾಡಿದ್ರು]

ಅಂದಹಾಗೆ ಹೊಸ 'ಸಂಯುಕ್ತ 2' ಚಿತ್ರಕ್ಕೂ ಸೆಂಚುರಿ ಸ್ಟಾರ್ ಶಿವಣ್ಣ ಅವರ 1988ರ 'ಸಂಯುಕ್ತ' ಚಿತ್ರಕ್ಕೂ ಏನಾದ್ರೂ ಸಂಬಂಧ ಇದೆಯಾ ಅಂತ ನಿರ್ದೇಶಕರನ್ನು ಕೇಳಿದರೆ ಖಂಡಿತ ಇಲ್ಲಾ ಅನ್ನೋ ಉತ್ತರ ಬರುತ್ತದೆ.

ಹಾಗಾದರೆ ಈ ಹೆಸರೇ ಏಕೆ ಎಂದು ಕೇಳಿದರೆ ಹೊಸ ಚಿತ್ರ ಸಸ್ಪೆನ್ಸ್-ಹಾರರ್ ಸಿನಿಮಾ. ಹಾಗಾಗಿ 'ಸಂಯುಕ್ತ 2' ಅಂತ ಹೆಸರಿಡಲಾಗಿದೆ ಅಷ್ಟು ಬಿಟ್ಟರೆ ಬೇರೆ ಏನು ಕಾರಣ ಇಲ್ಲ ಎಂದು ನಿರ್ದೇಶಕ ಅಭಿರಾಮ್ ಅವರು ನುಡಿಯುತ್ತಾರೆ.[ದರ್ಶನ್ ಅವರಿಗೆ ಚೇತನ್ ಚಂದ್ರ 'ಥ್ಯಾಂಕ್ಸ್' ಅಂದಿದ್ದೇಕೆ]

ನವ ನಿರ್ದೇಶಕ ಅಭಿರಾಮ್ ಎನ್ನುವವರು ತಾವೇ ಕಥೆ-ಚಿತ್ರಕಥೆಯನ್ನು ಬರೆದು ನಿರ್ದೇಶನ ಮಾಡುತ್ತಿರುವ 'ಸಂಯುಕ್ತ 2 ಚಿತ್ರದಲ್ಲಿ ಮುಖ್ಯ ಪಾತ್ರದಲ್ಲಿ ನಟ ಚೇತನ್ ಚಂದ್ರ ಮತ್ತು ನಟಿ ನೇಹಾ ಪಾಟೀಲ್ ಅವರು ನಾಯಕ-ನಾಯಕಿ ಪಾತ್ರದಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ.

ಇನ್ನುಳಿದಂತೆ ನವ ನಟ ಪ್ರಭು ಸೂರ್ಯ, ಸಂಜಯ್, ಬಿಂದು, ಪ್ರಿಯಾಂಕ ಮಲ್ನಾಡ್, ನಟಿ ರಶ್ಮಿಕಾ ಸೇರಿದಂತೆ ಹಲವರು ಅಭಿನಯಿಸುತ್ತಿದ್ದಾರೆ. ನಿರ್ಮಾಪಕ ಚಿಕ್ಕೋಡಿ ಸಂಜಯ್ ಅವರು ಬಂಡವಾಳ ಹೂಡುತ್ತಿದ್ದು, ಕೆ.ವಿ ರವಿಚಂದ್ರ ಅವರು ಮ್ಯೂಸಿಕ್ ಕಂಪೋಸ್ ಮಾಡುತ್ತಿದ್ದಾರೆ.