Don't Miss!
- Automobiles 'ಬಾಹುಬಲಿ' ಎಸ್ಯುವಿ ಪರಾಕ್ರಮ: ಟೊಯೊಟಾ ಫಾರ್ಚುನರ್ ಲೀಡರ್ ಎಡಿಷನ್ ವಿಶೇಷತೆಗಳೇನು?
- Technology ಇಂದು 3D ಕರ್ವ್ಡ್ ಡಿಸ್ಪ್ಲೇ ಇರುವ ಈ ಫೋನಿನ ಸೇಲ್!..ಆಫರ್ ಬೆಲೆ ಎಷ್ಟು?
- Finance April 25 Gold Rate: ಇಂದಿನ ಚಿನ್ನದ ಬೆಲೆ, ಬೆಂಗಳೂರಿನಲ್ಲಿ ದರ ಎಷ್ಟಿದೆ ತಿಳಿಯಿರಿ
- Lifestyle ಬೆಳ್ಳುಳ್ಳಿ ಕಬಾಬ್ ಅಂದುಕೊಂಡ್ರಾ? ಇದು ಚಿಕನ್ ರುಚಿಯ ಹೂವಿನ ಫ್ರೈ..!
- Sports 2009ರ ಐಪಿಎಲ್ ಫೈನಲ್ನಲ್ಲಿ ಆರ್ಸಿಬಿ ಸೋಲಲು ಕಾರಣ ತಿಳಿಸಿದ ಅನಿಲ್ ಕುಂಬ್ಳೆ
- News Srivari Seva: ತಿರುಮಲ ಶ್ರೀವಾರಿಯ ಸೇವಕರಾಗಲು ಒಂದು ಅದ್ಭುತ ಅವಕಾಶ.. ಕೂಡಲೇ ಬುಕ್ ಮಾಡಿ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಉಪೇಂದ್ರ ನಿರ್ದೇಶನದ 'ಶ್' ಚಿತ್ರಕ್ಕೂ 'ಮತ್ತೆ ಶ್'ಗೂ ಏನು ಸಂಬಂಧ?
'ಶ್' ಅಂತ ಶೀರ್ಷಿಕೆ ಇಟ್ಟು, ಸ್ಯಾಂಡಲ್ ವುಡ್ ನಲ್ಲಿ ಹೊಸ ಪ್ರಯೋಗ ಮಾಡಿದ ರಿಯಲ್ ಸ್ಟಾರ್ ಉಪೇಂದ್ರ ಯಶಸ್ವಿ ಆದರು. 1993ರಲ್ಲಿ ತೆರೆಕಂಡ ಸಸ್ಪೆನ್ಸ್-ಥ್ರಿಲ್ಲರ್ ಸಿನಿಮಾ 'ಶ್' ಗಲ್ಲಪೆಟ್ಟಿಗೆಯಲ್ಲಿ ಸಖತ್ ಕಲೆಕ್ಷನ್ ಮಾಡಿದ್ದು ಅಷ್ಟೇ ಸತ್ಯ.
ಈಗ ಅದೇ ಚಿತ್ರವನ್ನ ನೆನಪಿಸುವಂತೆ ಮತ್ತೊಂದು ಚಿತ್ರ ಬಿಡುಗಡೆಗೆ ಸಿದ್ಧವಾಗಿದೆ. ಆ ಚಿತ್ರವೇ 'ಮತ್ತೆ ಶ್'. [ನಿಮ್ಮೆಲ್ಲರ ಎದೆ ನಡುಗಿಸಲು ಬರಲಿದೆ 'ಮತ್ತೆ ಶ್'.!]
ಅಷ್ಟಕ್ಕೂ ಈ ಚಿತ್ರಕ್ಕೆ 'ಮತ್ತೆ ಶ್' ಅಂತ ಶೀರ್ಷಿಕೆ ಇಡಲು ಒಂದು ಕಾರಣವಿದೆ. ಅದೇನಪ್ಪಾ ಅಂದ್ರೆ, 'ಮತ್ತೆ ಶ್' ಚಿತ್ರದ ನಿರ್ದೇಶಕ ವೆಸ್ಲೆ ಬ್ರೌನ್, ಉಪೇಂದ್ರ ರವರ ಅಪ್ಪಟ ಅಭಿಮಾನಿ.
ಉಪೇಂದ್ರ ನಿರ್ದೇಶನದ 'ಶ್' ಬಿಡುಗಡೆ ಆದಾಗ ವೆಸ್ಲೆ ಬ್ರೌನ್ ಇನ್ನೂ ಆಟವಾಡುವ ಪುಟ್ಟ ಬಾಲಕ. ಆಗಲೇ 'ಶ್' ಅಂತಹ ಸಿನಿಮಾ ಮಾಡಬೇಕು ಅಂತ ಕನಸು ಕಂಡಿದ್ದ ವೆಸ್ಲೆ ಬ್ರೌನ್, ಇದೀಗ ತಮ್ಮ ಕನಸನ್ನ ನನಸು ಮಾಡಿಕೊಂಡಿದ್ದಾರೆ.
ಇನ್ನೂ ಇಂಟ್ರೆಸ್ಟಿಂಗ್ ಅಂದ್ರೆ, 'ಶ್' ಚಿತ್ರಕ್ಕೂ 'ಮತ್ತೆ ಶ್' ಚಿತ್ರಕ್ಕೂ ಕೆಲ ಸಾಮ್ಯತೆಗಳಿವೆ. ಒಂದು ಚಿತ್ರತಂಡ ಶೂಟಿಂಗ್ ಗೆ ಅಂತ ಭೂತ ಬಂಗಲೆಗೆ ಹೋದಾಗ, ಅಲ್ಲಿ ನಡೆಯುವ ಎದೆ ನಡುಗಿಸುವ ಘಟನೆಗಳೇ ಈ ಚಿತ್ರ. 'ಶ್' ಚಿತ್ರದ ಕಥೆಯೂ ಬಹುತೇಕ ಹೀಗೆ ಇದ್ದರಿಂದ ಈ ಚಿತ್ರಕ್ಕೆ 'ಮತ್ತೆ ಶ್' ಅಂತ ಟೈಟಲ್ ಇಡಲಾಗಿದೆ.
ಚಿತ್ರದಲ್ಲಿ ನಟ ವಿಜಯ್ ಚೆಂಡೂರ್, ಶ್ರುತಿ ಹೀರಾ, ರಚಿತ್, ರಾಹುಲ್ ಚಿತ್ರದ ಪ್ರಮುಖ ತಾರಾಗಣದಲ್ಲಿದ್ದಾರೆ. 'ಎಸ್.ಆರ್.ಟಾಕೀಸ್' ಲಾಂಛನದಡಿಯಲ್ಲಿ ದಯಾನಂದ್ ಮಠ್ಪತಿ ಚಿತ್ರ ನಿರ್ಮಿಸಿದ್ದಾರೆ. ಸದ್ಯದಲ್ಲೇ 'ಮತ್ತೆ ಶ್' ತೆರೆಗೆ ಬರಲಿದೆ.