Don't Miss!
- News Lok Sabha Election 2024: ಮತದಾನ ಮಾಡಿದವರಿಗೆ ಬೆಂಗಳೂರಿನ ಈ ಹೋಟೆಲ್ಗಳಲ್ಲಿ ಊಚಿತ ಊಟ & ತಿಂಡಿ-ಮಾಹಿತಿ
- Automobiles XUV300: ಮಹೀಂದ್ರಾ ಎಕ್ಸ್ಯುವಿ300 ಕಾರನ್ನು ನಿಮ್ಮ ಮನೆಗೆ ತರಬೇಕೇ.. ಆನ್-ರೋಡ್ ಬೆಲೆ ಎಷ್ಟು, EMI ಏನು?
- Finance ಲೋಕಸಭಾ ಚುನಾವಣೆ 2024: ಟಾಪ್ 10 ಶ್ರೀಮಂತ ಅಭ್ಯರ್ಥಿಗಳು ಇವರು
- Technology OnePlus: ಒನ್ಪ್ಲಸ್ ವಾಚ್ 2 ನಾರ್ಡಿಕ್ ಬ್ಲೂ ಆವೃತ್ತಿ ಲಾಂಚ್! ಬೆಲೆ ಎಷ್ಟು?
- Sports IPL 2024: ಮತ್ತೊಂದು ರೋಚಕ ಪಂದ್ಯದಲ್ಲಿ SRH vs RCB ಕದನ; ಪಂದ್ಯದ ವಿವರ, ಸಂಭಾವ್ಯ ಆಡುವ 11ರ ಬಳಗ
- Lifestyle ಮಲೆನಾಡ ಶೈಲಿನ ಮೃದುವಾದ ಕಡುಬು ಮಾಡೋದು ಹೇಗೆ.? ಸಿಂಪಲ್ ತಿಂಡಿ ರೆಸಿಪಿ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಪವರ್ ಸ್ಟಾರ್ ಪವನ್ ಕಲ್ಯಾಣ್ ಆಸ್ತಿಪಾಸ್ತಿ ಅಷ್ಟೇನಾ?
ಟಾಲಿವುಡ್ ಹೀರೋ ಪವರ್ ಸ್ಟಾರ್ ಪವನ್ ಕಲ್ಯಾಣ್ ಹೊಸ ಪಕ್ಷ ಜನಸೇನ ಸ್ಥಾಪಿಸಿ ಇದೀಗ ಜನರ ನಡುವೆ ಬರುತ್ತಿರುವುದು ಗೊತ್ತೇ ಇದೆ. ಕೋಟಿಗಳಲ್ಲೇ ಸಂಭಾವನೆ ಎಣಿಸುವ ಪವನ್ ಕಲ್ಯಾಣ್ ತಮ್ಮ ಆಸ್ತಿಪಾಸ್ತಿಯನ್ನು ಘೋಷಿಸಿದ್ದಾರೆ. ಈ ಬಗ್ಗೆ ಫೇಸ್ ಬುಕ್, ಟ್ಟಿಟ್ಟರ್, ಜಿಪ್ಲಸ್ ನಂತಹ ಸೋಷಿಯಲ್ ನೆಟ್ ವರ್ಕಿಂಗ್ ತಾಣಗಳಲ್ಲಿ ಭಾರಿ ಚರ್ಚೆ ನಡೆಯುತ್ತಿದೆ.
ತಮ್ಮ ಹೊಸ ಪಕ್ಷ ಜನಸೇನ ರಿಜಿಸ್ಟ್ರೇಷನ್ ಅರ್ಜಿಯ ಜೊತೆಗೆ ಆಸ್ತಿ ಘೋಷಣೆ ಪತ್ರವನ್ನೂ ಚುನಾವಣಾ ಆಯೋಗಕ್ಕೆ ಸಲ್ಲಿಸಿರುವ ಪತ್ರಗಳು ಅದು ಹೇಗೋ ಏನೋ ಫೇಸ್ ಬುಕ್ ನಲ್ಲಿ ಲೀಕ್ ಆಗಿವೆ. ಆದರೆ ಅವು ಅಸಲಿ ಅಲ್ಲ ನಕಲಿ ಎಂದು ಪವನ್ ಅಭಿಮಾನಿಗಳು ಆರೋಪಿಸುತ್ತಿದ್ದಾರೆ. [ಮೋದಿಗೆ ಸಂಪೂರ್ಣ ಬೆಂಬಲ ಘೋಷಿಸಿದ ಪವರ್ ಸ್ಟಾರ್]
ಸಾಮಾಜಿಕ ಜಾಲತಾಣಗಳಲ್ಲಿ ಬಹಿರಂಗವಾಗಿರುವ ಪವನ್ ಕಲ್ಯಾಣ್ ಆಸ್ತಿಪಾಸ್ತಿ ವಿವರಗಳ ಮೇಲೆ ಕಣ್ಣಾಡಿಸಿದರೆ ಅಯ್ಯೋ ಇಷ್ಟೇನಾ ಇವರ ಆಸ್ತಿ ಎಂದು ನಿಮಗೂ ಅಚ್ಚರಿಯಾಗುತ್ತದೆ. ನಗದು ಹಣ ರು.89 ಸಾವಿರ, ಬ್ಯಾಂಕ್ ಠೇವಣಿ ರು. 3,13,29,229, ಇತರೆ ಠೇವಣಿ - ರು.4,13,54,423, ಜೀವವಿಮೆ ರು.40,31,000; ಬಾಂಡ್ಸ್ ಹಾಗೂ ಡಿಬೆಂಚರ್ಸ್ ರು. 4,55,207, ಮ್ಯೂಚುವಲ್ ಫಂಡ್ಸ್ ರು.1,43,29,105...
ಫೈನಾನ್ಸ್ ಕಂಪನಿಗಳಲ್ಲಿ ಹೂಡಿಕೆ ರು. 2,90,000, ಎರಡು ಬೈಕ್ ಗಳು ರು. 20,31,409, ಎರಡು ಬೆಂಜ್ ಕಾರುಗಳು ರು. 1,86,79,149, ಸ್ಕೋಡಾ ಕಾರು ರು. 27,67,208, ಚಿನ್ನ ರು.80,000, ಯಂತ್ರಗಳು ರು. 23,58,863, ಪತ್ನಿ ಅನ್ನಾ ಲೆಜ್ ನೋವಾ ಆಸ್ತಿ ರು.74,548, ಮೂವರು ಮಕ್ಕಳ ಹೆಸರಿನಲ್ಲಿರುವ ಆಸ್ತಿ ರು.17,10,106, ಸಾಲ ರು. 5,81,99,129.
ಒಟ್ಟಾರೆ ಪವನ್ ಕಲ್ಯಾಣ್ ಆಸ್ತಿಯ ಮೌಲ್ಯ ರು. 17,77,78,376 ಎನ್ನಲಾಗಿದೆ. ಈಗಾಗಲೆ ಪವನ್ ಕಲ್ಯಾಣ್ ಅವರು ಬಿಜೆಪಿ ಪ್ರಧಾನಿ ಅಭ್ಯರ್ಥಿ ನರೇಂದ್ರ ಮೋದಿ ಅವನ್ನು ಭೇಟಿಯಾಗಿ ತಮ್ಮ ನೂತನ ಪಕ್ಷ ಜನಸೇನ ಬೆಂಬಲ ಘೋಷಿಸಿರುವುದು ಗೊತ್ತೇ ಇದೆ.