ಮುಖಪುಟ

ಸಿನಿ ಸಮಾಚಾರ

ಸ್ಯಾಂಡಲ್ ವುಡ್ ನ ಬೇಡಿಕೆಯ ನಟ ಶರಣ್ ಚಿತ್ರರಂಗಕ್ಕೆ ಪಾದಾರ್ಪಣೆ ಮಾಡಿದ್ದು 1996 ರಲ್ಲಾದ್ರೂ ಪೂರ್ಣ ಪ್ರಮಾಣದ ನಾಯಕ ನಟನಾಗಿ ಬಣ್ಣ ಹಚ್ಚಿದ್ದು ಅವರ ಅಭಿನಯದ 100ನೇ ಚಿತ್ರವಾದ 2012 ರ 'Rambo' ಚಿತ್ರದಲ್ಲಿ.

ಆ ನಂತರ ಹಿಂತಿರುಗಿ ನೋಡದೆ ಮುನ್ನುಗ್ಗಿದ ಶರಣ್, ಹಿಟ್ ಚಿತ್ರಗಳಾದ, 'ವಿಕ್ಟರಿ', 'ಜೈಲಲಿತ', 'ಅಧ್ಯಕ್ಷ', 'ರಾಜರಾಜೇಂದ್ರ', ಮುಂತಾದ ಸಾಲು ಸಾಲು ಕಾಮಿಡಿ ಚಿತ್ರಗಳನ್ನು ನೀಡಿ ಪ್ರೇಕ್ಷಕರನ್ನು ನಕ್ಕು ನಗಿಸಿದ್ದರು. ['ಬುಲ್ಲೆಟ್' ಏರಿ ಬಂದ ಬರ್ತಡೆ ಬಾಯ್ ಶರಣ್]

ಇದೀಗ ಶರಣ್ ಅಭಿನಯದ ಮತ್ತೊಂದು ಚಿತ್ರಕ್ಕೆ ಸೆನ್ಸಾರ್ ನಿಂದ ಯು/ಎ ಪ್ರಮಾಣಪತ್ರ ದೊರೆತಿದ್ದು ಬಿಡುಗಡೆಗೆ ತಯಾರಾಗಿದೆ. ಯಶಸ್ವಿ 'ಉಗ್ರಂ' ಚಿತ್ರದ ನಾಯಕಿ ಹರಿಪ್ರಿಯ ಹಾಗೂ ಶರಣ್ ಒಂದಾಗಿ ಕಾಣಿಸಿಕೊಂಡಿರುವ ಬಹುನಿರೀಕ್ಷಿತ ಕಾಮಿಡಿ ಚಿತ್ರ 'ಬುಲೆಟ್ ಬಸ್ಯಾ' ಸೆನ್ಸಾರ್ ನಿಂದ ಕ್ಲೀನ್ ಚಿಟ್ ಪಡೆದುಕೊಂಡಿದೆ. [ನಟ ಶರಣ್ ಗೆದ್ದಿದ್ದೆಲ್ಲಿ, ಉಳಿದವರು ಎಡವಿದ್ದೆಲ್ಲಿ?]

ಇದೇ ಜುಲೈ 24 ರಂದು ನಿರ್ಮಾಪಕ ಜಯಣ್ಣ ಶರಣ್ ಅಭಿಮಾನಿಗಳಿಗೆ 'ಬುಲೆಟ್ ಬಸ್ಯಾ' ನ ದರ್ಶನ ಮಾಡಿಸಲಿದ್ದಾರೆ. 'ಒಲವೇ ಮಂದಾರ' ಚಿತ್ರಕ್ಕೆ ನಿರ್ದೇಶನ ಮಾಡಿದ್ದ, ನಿರ್ದೇಶಕ ಜಯತೀರ್ಥ 'ಬುಲೆಟ್ ಬಸ್ಯಾ' ನಿಗೆ ಆಕ್ಷನ್-ಕಟ್ ಹೇಳಿದ್ದಾರೆ.[ಶರಣ್ ನಾಯಕತ್ವದ ಮೊದಲ ಚಿತ್ರಕ್ಕೆ ಭಾರಿ ನಿರೀಕ್ಷೆ]

ಜಯಣ್ಣ ಕಂಬೈನ್ಸ್ ಅಡಿಯಲ್ಲಿ ಮೂಡಿಬರುತ್ತಿರುವ 'ಬುಲೆಟ್ ಬಸ್ಯಾ' ನ ಸುಂದರ ಹಾಡುಗಳಿಗೆ ಫೇಮಸ್ ಮ್ಯೂಸಿಕ್ ಡೈರೆಕ್ಟರ್ ಅರ್ಜುನ್ ಜನ್ಯ ಮ್ಯೂಸಿಕ್ ಕಂಪೋಸ್ ಮಾಡಿದ್ದಾರೆ. ಪ್ರಮುಖವಾಗಿ ತಾರಾಗಣದಲ್ಲಿ ಯತಿರಾಜ್ ಜಗ್ಗೇಶ್ ಕಾಣಿಸಿಕೊಂಡಿದ್ದಾರೆ. ಶರಣ್ ಸಾಲು ಸಾಲು ಚಿತ್ರಗಳಂತೆ 'ಬುಲೆಟ್ ಬಸ್ಯಾ' ಮೋಡಿ ಮಾಡುತ್ತಾನ, ಅನ್ನೋದನ್ನ ಕಾದು ನೋಡಬೇಕಿದೆ.