»   » ನೈಜ ಘಟನೆಗಳ ಆಧಾರಿತ ಚಿತ್ರ 'ಗಾಂಧೀಜಿ ಕನಸು'

ನೈಜ ಘಟನೆಗಳ ಆಧಾರಿತ ಚಿತ್ರ 'ಗಾಂಧೀಜಿ ಕನಸು'

Posted by:
Subscribe to Filmibeat Kannada

ನವಭಾರತ ನಿರ್ಮಾಣಕ್ಕಾಗಿ ರಾಷ್ಟ್ರಪಿತ ಮಹಾತ್ಮಗಾಂಧೀಜಿಯವರು ಹಲವಾರು ಕನಸುಗಳನ್ನು ಕಂಡಿದ್ದರು. ಶುಚಿತ್ವ ಶೌಚಾಲಯ ಹಾಗೂ ಗ್ರಾಮೀಣಾಭಿವೃದ್ಧಿ ಅವರು ಕಂಡ ಪ್ರಮುಖ ಕನಸಾಗಿತ್ತು. ಆ ವಿಷಯವನ್ನು ಪ್ರಮುಖವಾಗಿಟ್ಟುಕೊಂಡು ಚಲನಚಿತ್ರವೊಂದು ನಿರ್ಮಾಣವಾಗಿದೆ.

ಈ ಹಿಂದೆ 7-8 ಚಿತ್ರಗಳಲ್ಲಿ ಅಭಿನಯಿಸಿರುವ ರಮೇಶ್.ಎಸ್.ಪರವಿ ನಾಯ್ಕರ್ ನಿರ್ಮಾಣದ ಜೊತೆ ನಿರ್ದೇಶನ ಮಾಡಿರುವ ಗಾಂಧೀಜಿ ಕನಸು ಚಿತ್ರವೀಗ ಬಿಡುಗಡೆಗೆ ಸಿದ್ಧವಾಗಿದೆ. ಗಾಂಧೀಜಿಯವರ ಚಳವಳಿ ಕಾಲದಲ್ಲಿ ಉತ್ತರ ಕರ್ನಾಟಕದಲ್ಲಿ ನಡೆದಂಥ ನೈಜ ಘಟನೆಗಳನ್ನು ಈ ಚಿತ್ರಕ್ಕೆ ಕಥಾ ವಸ್ತುವನ್ನಾಗಿ ಬಳಸಿಕೊಳ್ಳಲಾಗಿದೆ. ['ನವರಂಗಿ' ತಾರೆ ರೂಪಿಕಾ ಪಂಚರಂಗಿ ಚಿತ್ರಗಳು]


ಬೆಳಗಾವಿ, ಗದಗ, ಗೋವಾ ಬಾರ್ಡರ್ ಆನೇಕಲ್ ಸುತ್ತಮುತ್ತ ಈ ಚಿತ್ರದ ಚಿತ್ರೀಕರಣ ನಡೆಸಲಾಗಿದೆ. ಉತ್ತರ ಕರ್ನಾಟಕದ ಭಾಗದಲ್ಲಿ ಹೆಚ್ಚಾಗಿ ಅಸ್ತಿತ್ವದಲ್ಲಿದ್ದ ಅಸ್ಪೃಷ್ಯತೆ, ಬಾಲ್ಯವಿವಾಹದಂಥ ಗಂಭೀರ ಸಮಸ್ಯೆಗಳನ್ನು ಕೂಡ ಈ ಚಿತ್ರದಲ್ಲಿ ಹೇಳಲಾಗಿದ್ದು ಸರ್ಕಾರದಿಂದ ಹಣ ಬಿಡುಗಡೆಯಾಗಿದ್ದರೂ ಶೌಚಾಲಯಗಳನ್ನು ನಿರ್ಮಿಸದೇ ಜನಕ್ಕೆ ವಂಚಿಸುವ ಕಂಟ್ರಾಕ್ಟರ್ ಗಳ ಬಗ್ಗೆ ಕೂಡ ವಿವರಿಸಲಾಗಿದೆ.

ಚಿತ್ರದಲ್ಲಿ ಸಚಿವರುಗಳಾದ ಎಸ್.ಆರ್.ಪಾಟೀಲ್, ಹೆಚ್.ಕೆ.ಪಾಟೀಲ್ ಹಾಗೂ ಮಾಜಿ ಸಚಿವ ಆರ್.ವಿ.ತಿಮ್ಮಾಪುರ ಅವರು ಈ ಚಿತ್ರದಲ್ಲಿ ಪ್ರಮುಖ ಪಾತ್ರ ನಿರ್ವಹಿಸಿದ್ದಾರೆ. ಎಸ್.ರಮೇಶ್, ರೂಪಿಕಾ, ಎಂ.ಎನ್.ಲಕ್ಷ್ಮೀದೇವಿ, ಬ್ಯಾಂಕ್ ಜನಾರ್ಧನ್, ಎಂ.ಎಸ್.ಉಮೇಶ್, ಹೊನ್ನವಳ್ಳಿ ಕೃಷ್ಣ, ಮೂಗ್ ಸುರೇಶ್, ರೇಖಾದಾಸ್, ಗುರುರಾಜ ಹೊಸಕೋಟೆ ತಾರಾಗಣವಿದೆ.

ಈ ಚಿತ್ರಕ್ಕೆ ಆರ್.ಗಿರಿಯವರ ಛಾಯಾಗ್ರಹಣ, ಗುರುರಾಜ್ ಹೊಸಕೋಟೆ ಸಂಗೀತ, ಮದನ್ ಹರಿಣಿ ನೃತ್ಯ ನಿರ್ದೇಶನ ಮನು ಸಂಭಾಷಣೆ, ಕೆ.ಈಶ್ವರ್ ಸಂಕಲನ, ಎಸ್.ರಮೇಶ್ ಕಥೆ, ಚಿತ್ರಕಥೆ ರಚಿಸಿದ್ದಾರೆ. (ಒನ್ಇಂಡಿಯಾ ಕನ್ನಡ)

English summary
Kannada movie Gandhiji Kanasu (Gandhi Dreams) is based on Toilet! and as well as on real incidents happened in North Karnataka. The movie is directed by Ramesh.s, along with playing he directed the movie as well. Sandalwood cute actress Roopika is playing lady lead in the film.
Please Wait while comments are loading...
Best of 2016

Kannada Photos

Go to : More Photos