Don't Miss!
- Lifestyle ಮದ್ಯದ ಅಮಲಲ್ಲಿ ತೇಲಾಡುತ್ತಿದ್ದ ಶಿಕ್ಷಕನಿಗೆ ಮಕ್ಕಳಿಂದಲೇ ಚಪ್ಪಲಿ ಏಟು..!
- Finance 2.3 ಲಕ್ಷ ರೂಪಾಯಿಗೆ 9 ನಿಂಬೆಹಣ್ಣು ಹರಾಜು, ಏನಿದರ ವಿಶೇಷತೆ ತಿಳಿಯಿರಿ
- News ಡಿಕೆ ಸುರೇಶ್ ನಿದ್ದೆಗೆಡಿಸಿದ ಡಾಕ್ಟರ್; ಕಾಂಗ್ರೆಸ್ ಅಭ್ಯರ್ಥಿ ನೂರಕ್ಕೆ ನೂರು ಈ ಬಾರಿಯೂ ಗೆಲ್ತಾರೆ: ಭವಿಷ್ಯ ನುಡಿದ ಸಿದ್ದರಾಮ
- Sports RR vs DC: ಐಪಿಎಲ್ನಲ್ಲಿ ಇತಿಹಾಸ ನಿರ್ಮಿಸಲು ಸಜ್ಜಾದ ರಿಷಭ್ ಪಂತ್
- Technology ಮತ್ತೊಂದು ಅಗ್ಗದ 5G ಫೋನ್ ಲಾಂಚ್ ಮಾಡಲು ಸಜ್ಜಾದ ರಿಯಲ್ಮಿ!..ಫೀಚರ್ಸ್ ಏನು?
- Automobiles ಬುಕ್ ಮಾಡಿದ ರೈಲಿನ ಸೀಟಿನಲ್ಲಿ ಬೇರೆಯವರು ಕೂತಿದ್ರೆ ಏನ್ ಮಾಡಬೇಕು ಗೊತ್ತಾ? ಸಿಂಪಲ್ ಪರಿಹಾರ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಹೊಸ ಹರೆಯದ ಹೊಸ ಜೋಡಿಗೆ ಶುಭಾಶಯ
ಕನ್ನಡದ ಸಾಕಷ್ಟು ಚಿತ್ರಗಳಿಗೆ ಪ್ರಚಾರಕಲೆ ನೀಡಿರುವ ಮಣಿ ಅವರ ವಿವಾಹ ಇತ್ತೀಚೆಗೆ ಹಂಸ ಅವರೊಡನೆ ನೆರವೇರಿತು. ಮಣಿ ಅವರು ಸರಿಸುಮಾರು 200ಕ್ಕೂ ಅಧಿಕ ಚಿತ್ರಗಳಿಗೆ ಜಾಹೀರಾತು ವಿನ್ಯಾಸಕರಾಗಿ ಕೆಲಸ ಮಾಡಿದ್ದಾರೆ.
ಚಿತ್ರ ಒಂದಕ್ಕೆ ಶೀರ್ಷಿಕೆ ಎಷ್ಟು ಮುಖ್ಯವೋ ಅದನ್ನು ಆಕರ್ಷವಾಗಿ ಡಿಸೈನ್ ಮಾಡುವುದು ಅಷ್ಟೇ ಮುಖ್ಯ. ಅದೆಷ್ಟೋ ಚಿತ್ರಗಳ ಶೀರ್ಷಿಕೆಯ ಅಕ್ಷರಗಳು ಮಣಿ ಅವರ ಕೈಯಲ್ಲಿ ಬಾಗಿ, ಬಳುಕಿ ಆಕರ್ಷಕವಾಗಿ ಅರಳಿವೆ. ಅಕ್ಷರಗಳಿಗೆ ಇವರು ರಿಂಗ್ ಮಾಸ್ಟರ್ ಇದ್ದಂತೆ. ಇವರು ಹೇಳಿದಂತೆ ಅವು ಕುಣಿಯುತ್ತವೆ.
ಉದಾಹರಣೆಗೆ ಹೇಳಬೇಕು ಅಂದರೆ ಎದೆಗಾರಿಕೆ, ಲಕ್ಷ್ಮಿ, ಕಲ್ಪನ, ಶಿವ, ಗಾಡ್ ಫಾದರ್, ಕಾಲಾಯ ತಸ್ಮೈ ನಮಃ, ಕಡ್ಡಿಪುಡಿ, ಹುಡುಗರು, ರಣ, ಜೋಗಿ, ಅಣ್ಣಾಬಾಂಡ್...ಹೀಗೆ ಅದೆಷ್ಟೋ ಚಿತ್ರಗಳಿಗೆ ಪ್ರಚಾರಕಲೆ ನೀಡಿದ್ದಾರೆ ಮಣಿ.
ಇವರಿಬ್ಬರ ಮದುವೆ ಬೆಂಗಳೂರಿನ ವಿಶ್ವೇಶ್ವರಪುರಂನಲ್ಲಿರುವ ವಾಸವಿ ಕಲ್ಯಾಣ ಮಂಟಪದಲ್ಲಿ ಮಾರ್ಚ್ 5 ಮತ್ತು 6ರಂದು ನೆರವೇರಿತು. ನಾಯಕರಾದ ಉಪೇಂದ್ರ, ಪ್ರೇಂ(ನೆನಪಿರಲಿ), ನಿರ್ಮಾಪಕರಾದ ಶ್ರೀನಿವಾಸ್, ಕೆ.ಪಿ.ಶ್ರೀಕಾಂತ್ ಸೇರಿದಂತೆ ಕನ್ನಡ ಚಿತ್ರರಂಗದ ಸಾಕಷ್ಟು ಗಣ್ಯರು ವಧುವರರಿಗೆ ಶುಭಕೋರಿದರು.
ಅಂದಹಾಗೆ ಮಣಿ ಅವರ ಬಾಳಸಂಗಾತಿಯಾಗಿರುವ ಹಂಸ ಅವರು ವಾಸವಿ ವಿದ್ಯಾ ನಿಕೇತನ್ ಕಾಲೇಜಿನ ಪದವೀಧರರು. ಹೊಸ ಬಾಳಿನ ಹೊಸಿಲಲಿ ನಿಂತಿರುವ ಹೊಸ ಜೋಡಿಗೆ ಶುಭವಾಗಲಿ ಎಂದು ಹಾರೈಸೋಣ. (ಒನ್ಇಂಡಿಯಾ ಕನ್ನಡ)