»   » ಕಮಲ್ ಹಾಸನ್ ಇಲ್ಲದ 'ಪುಷ್ಪಕ ವಿಮಾನ' ಹಾರಾಟಕ್ಕೆ ಸಿದ್ಧ!

ಕಮಲ್ ಹಾಸನ್ ಇಲ್ಲದ 'ಪುಷ್ಪಕ ವಿಮಾನ' ಹಾರಾಟಕ್ಕೆ ಸಿದ್ಧ!

Posted by:
Subscribe to Filmibeat Kannada

Kamal Hassan
ತೆರೆಗೆ 'ಪುಷ್ಪಕ ವಿಮಾನ' ಮತ್ತೆ ಬರುತ್ತಿದೆ. ಸಿನಿಪ್ರೇಕ್ಷಕರಿಗೆ 'ಪುಷ್ಪಕ ವಿಮಾನ' ಎಂದರೆ ಸಾಕು, ಕಮಲ್ ಹಾಸನ್ ಅವರೇ ನೆನಪಾಗುತ್ತಾರೆ. ಆದರೆ ಸದ್ಯದಲ್ಲೇ ಕನ್ನಡದಲ್ಲಿ ಬರಲಿರುವ ಹೊಸ 'ಪುಷ್ಪಕ ವಿಮಾನ' ಚಿತ್ರದಲ್ಲಿ ಕಮಲ್ ಹಾಸನ್ ಇಲ್ಲವೇ ಇಲ್ಲ. ಈ ಚಿತ್ರದಲ್ಲಿ ನಾಯಕನಟರಾಗಿ ಕಾಣಿಸಿಕೊಂಡಿರುವುದು ಓಂ ಪ್ರಕಾಶ್ ನಾಯಕ್. ನಾಯಕಿಯಾಗಿ ಕೃತಿಕಾ ನಟಿಸಿದ್ದಾರೆ. ಈ ಓಂ ಪ್ರಕಾಶ್ ನಾಯಕ್, ಮಾಜಿ ಸಚಿವೆ ಬಿಟಿ ಲಲಿತಾ ನಾಯಕ್ ಅವರ ಮಗ.

ಬರಲಿರುವ ಹೊಸ ಚಿತ್ರ 'ಪುಷ್ಪಕ ವಿಮಾನ'ವು ರಿಮೇಕ್ ಚಿತ್ರವೋ ಅಥವಾ ಸ್ವಮೇಕೋ ಎಂಬುದು ಸದ್ಯಕ್ಕೆ ಸ್ಪಷ್ಟವಿಲ್ಲ. ಆ ಬಗ್ಗೆ ಮಾತನಾಡದ ಚಿತ್ರತಂಡ "ಈ ಚಿತ್ರಕ್ಕೆ ಆ ಹೆಸರು ಮಾತ್ರ ಬಳಸಿಕೊಳ್ಳಲಾಗಿದೆ'" ಎಂದಿದೆ. ಇನ್ನೊಂದು ಮಾಹಿತಿಯೆಂದರೆ ಚಿತ್ರವನ್ನು 48 ಗಂಟೆಗಳಲ್ಲಿ ಒಂದೇ ಕ್ಯಾಮರಾ ಬಳಸಿ ಸಂಪೂರ್ಣ ಚಿತ್ರವನ್ನು ಚಿತ್ರೀಕರಿಸಲಾಗಿದೆ. ಇಂತಹ ಚಿತ್ರ ಹೇಗೆ ಮೂಡಿಬಂದಿದೆ ಎಂಬುದು ಬಿಡುಡಗೆ ನಂತರ ತಿಳಿಯಬೇಕಷ್ಟೇ!

ಚಿತ್ರಕ್ಕೆ ನಾಯಕರಾಗಿರುವ ಓಂ ಪ್ರಕಾಶ್ ನಾಯಕ್ ಅವರೇ ಈ ಚಿತ್ರಕ್ಕೆ ಕಥೆ, ಚಿತ್ರಕಥೆ ರಚಿಸಿದ್ದಾರೆ. ನಿರ್ದೇಶನ ಕೂಡ ಅವರದ್ದೇ. ಆದರೆ ಸಂಭಾಷಣೆ ಯಾರದ್ದು ಎಂಬ ಮಾಹಿತಿಯಲ್ಲ. ಓಂ ಪ್ರಕಾಶ್ ನಾಯಕ್ ಮತ್ತು ಕುಮಾರ್ ಗೌಡ ಸೇರಿಕೊಂಡು ನಿರ್ಮಿಸಿರುವ ಈ ಚಿತ್ರಕ್ಕೆ ದತ್ತಾತ್ರೇಯ ಹಾಗೂ ವಿಶ್ವನಾಥ್ ಚೌಧರಿ ಕ್ಯಾಮರಾ ಕೆಲಸ ನಿರ್ವಹಿಸಿದ್ದಾರೆ. ಸಂಗೀತ ಹಾಗೂ ಸಂಕಲನ ಕುಮಾರ್ ಅವರದು.

ಈ ಚಿತ್ರದಲ್ಲಿ ಲಲಿತಾ ನಾಯಕ್ ಕೂಡ ಕಾಣಿಸಿಕೊಂಡಿದ್ದಾರೆ. ಚಿತ್ರದ ಮೊದಲ ಪ್ರತಿ ಬಂದಿದ್ದು ಚಿತ್ರ ಪ್ರದರ್ಶನಕ್ಕೆ ಸಿದ್ಧವಾಗಿ ನಿಂತಿದೆ. ಇದು 2012ರ ಕೊನೆಯಲ್ಲಿ ಬಿಡುಗಡೆಯಾಗಲಿದ್ದು ಚಿತ್ರವನ್ನು ಕನ್ನಡ, ತಮಿಳು ಹಾಗೂ ಹಿಂದಿ ಭಾಷೆಗಳಲ್ಲಿ ಬಿಡುಗಡೆ ಮಾಡಲಾಗುವುದು ಎಂದಿದೆ ಚಿತ್ರತಂಡ. ಕಮಲ್ ಹಾಸನ್ ಇಲ್ಲದ ಈ ಪುಷ್ಪಕ ವಿಮಾನ ಹೇಗೆ ಹಾರುತ್ತದೆ ಎಂಬುದನ್ನು ಕಾದು ನೋಡೋಣ! (ಒನ್ ಇಂಡಿಯಾ ಕನ್ನಡ)

English summary
Kannada Movie titled 'Pushpaka Vimana' again to come on Screen. But, the actor 'Kamal Hassan', who acted the earlier movie is not acted in this upcoming movie. Om Prakash Nayak acting and directed this movie.
Please Wait while comments are loading...
Best of 2016

Kannada Photos

Go to : More Photos