ಶ್ರಾವ್ಯಾ,ಅಜಯ್ ಜೋಡಿಯ ರೋಜ್ ವಿಶೇಷಗಳು

ರೋಜ್ ಹಿಡಿದು ಬಂದ ಪ್ರೇಮಿಗಳು

ಕಿರುತೆರೆ ಧಾರಾವಾಹಿಗಳ ಮೂಲಕ ಬಣ್ಣದ ಜಗತ್ತಿಗೆ ಅಡಿಯಿಟ್ಟ ಶ್ರಾವ್ಯಾ ಅವರು 'ಲೂಸುಗಳು' ಚಿತ್ರದಲ್ಲಿ ಸಣ್ಣ ಪಾತ್ರ ಪೋಷಿಸಿದ್ದರು. ಇದೀಗ ರೋಜ್ ಚಿತ್ರದಲ್ಲಿ ಪೂರ್ಣ ಪ್ರಮಾಣದ ನಾಯಕಿಯಾಗಿ ಎಂಟ್ರಿ ಕೊಡುತ್ತಿದ್ದಾರೆ.

ಐವತ್ತಕ್ಕೂ ಹೆಚ್ಚು ಚಿತ್ರಮಂದಿರಗಳಲ್ಲಿ ರೋಜ್

ಚಿತ್ರದಲ್ಲಿ ಅವರದು ಬಹಳ ಸಂಪ್ರದಾಯಸ್ಥ ಬ್ರಾಹ್ಮಣ ಕುಟುಂಬದ ಹುಡುಗಿಯಾಗಿ ಕಾಣಿಸುತ್ತಾರೆ. ಈ ರೊಮ್ಯಾಂಟಿಕ್ ಚಿತ್ರವನ್ನು ಸರಿಸುಮಾರು 50ಕ್ಕೂ ಹೆಚ್ಚು ಚಿತ್ರಮಂದಿರಗಳಲ್ಲಿ ಬಿಡುಗಡೆ ಮಾಡಲಾಗುತ್ತಿದೆ.

ಕುಲು ಮನಾಲಿಯಲ್ಲಿ ರೊಮ್ಯಾಂಟಿಕ್ ಸಾಂಗ್ಸ್

ಈ ಚಿತ್ರವನ್ನು ಬೆಂಗಳೂರು, ಮೈಸೂರಿನಲ್ಲಿ ಹೆಚ್ಚಾಗಿ ಚಿತ್ರೀಕರಿಸಲಾಗಿದೆ. ಕುಲು ಮನಾಲಿಯಲ್ಲಿ ಹಾಡುಗಳನ್ನು ಶೂಟ್ ಮಾಡಲಾಗಿದೆ. ಇದೇ ಮೊದಲ ಬಾರಿಗೆ ಶ್ರಾವ್ಯಾ ಹಾಗೂ ಕೃಷ್ಣ ಅಜಯ್ ರಾವ್ ಒಟ್ಟಿಗೆ ಅಭಿನಯಿಸಿರುವ ಚಿತ್ರ ಇದು. ತರುಣ್ ಶಿವಪ್ಪ ಹಾಗೂ ಭೈರವ ಸುರೇಶ್ ಚಿತ್ರದ ನಿರ್ಮಾಪಕರು.

ಪಾತ್ರವರ್ಗದಲ್ಲಿ ಇನ್ಯಾರೆಲ್ಲಾ ಇದ್ದಾರೆ?

ಚಿತ್ರದ ಉಳಿದ ಪಾತ್ರವರ್ಗದಲ್ಲಿ ಸುಧಾ ಬೆಳವಾಡಿ, ಪವಿತ್ರಾ ಲೋಕೇಶ್, ರಾಜು ತಾಳಿಕೋಟೆ ಮುಂತಾದವರಿದ್ದಾರೆ. ಅನೂಪ್ ಸೀಳಿನ್ ಅವರ ಸಂಗೀತ ಚಿತ್ರಕ್ಕಿದ್ದು ಹೊಸದಾಗಿ ಮೂರು ಹಾಡುಗಳನ್ನು ಸೇರಿಸಿ ಚಿತ್ರಕ್ಕೆ ಹೊಸ ಸ್ಪರ್ಶ ನೀಡಿದ್ದಾರೆ.

ರೋಜ್ ಪ್ರೀತಿಯ ರಾಯಭಾರಿ

ಯುವ ಪ್ರೇಮಿಗಳು ಬಯಸುವಂತಹ ಕೆಲವು ರೊಮ್ಯಾಂಟಿಕ್ ಸನ್ನಿವೇಶಗಳು ಚಿತ್ರದಲ್ಲಿದ್ದು, ಪ್ರಮುಖವಾಗಿ ಅಜಯ್ ರಾವ್ ಜೊತೆಗಿನ ಶ್ರಾವ್ಯಾ ಲಿಪ್ ಲಾಕ್ ಚುಂಬನ ದೃಶ್ಯ ಎಲ್ಲರ ಗಮನಸೆಳೆದಿದೆ. ಚಿತ್ರದ ಅಡಿಬರಹ 'ಪ್ರೀತಿಯ ರಾಯಭಾರಿ' ಎಂಬುದು.