Don't Miss!
- News Rain Alert: ರಾಜ್ಯಾದ್ಯಂತ ಹಲವು ಜಿಲ್ಲೆಗಳಲ್ಲಿ ವ್ಯಾಪಕ ಮಳೆ; ಜಿಲ್ಲಾವಾರು ಮಳೆ ವಿವರ
- Lifestyle ಜೀವ ಸಂಗಾತಿಗೆ ಹುಟ್ಟು ಹಬ್ಬದಂದು ವಿಶ್ ಮಾಡಲು ಸುಂದರ ಸಾಲುಗಳ ಗ್ರೀಟಿಂಗ್ಸ್ ಇಲ್ಲಿದೆ
- Sports ಆರ್ಸಿಬಿಗೆ ಸಹಿ ಹಾಕಲು ವಿರಾಟ್ ಕೊಹ್ಲಿ ಕೇಳಿದ್ದೇಗೆ?; ಕುತೂಹಲಕಾರಿ ಕಥೆ ಬಿಚ್ಚಿಟ್ಟ ಕೆಎಲ್ ರಾಹುಲ್
- Automobiles ಟಾಟಾ ಕಾರುಗಳಂತೆಯೇ ಗರಿಷ್ಠ ಸುರಕ್ಷತೆ ತೋರಿದ ಸ್ವಿಫ್ಟ್: ಕ್ರ್ಯಾಶ್ ಟೆಸ್ಟ್ನಲ್ಲಿ 4 ಸ್ಟಾರ್
- Technology ಅಗ್ಗದ ಬೆಲೆಯಲ್ಲಿ ಎಂಟ್ರಿ ಕೊಡಲು ಸಜ್ಜಾಗಿದೆ ಐಟೆಲ್ S24 ಸ್ಮಾರ್ಟ್ಫೋನ್!
- Finance n. r. narayana murthy ಐದು ತಿಂಗಳ ಮೊಮ್ಮಗನಿಗೆ 4.2 ಕೋಟಿ ಇನ್ಫೋಸಿಸ್ ಲಾಭ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
19ನೇ ಶಾಂಘೈ ಚಿತ್ರೋತ್ಸವಕ್ಕೆ ಆಯ್ಕೆಯಾದ ಸೆಂಚುರಿ ಗೌಡ್ರ 'ತಿಥಿ'
ರಾಜ್ಯ-ರಾಷ್ಟ್ರ ಸೇರಿದಂತೆ ಲೊಕಾರ್ನೋ ಚಿತ್ರೋತ್ಸವಗಳಲ್ಲೂ ಹಲವಾರು ಪ್ರಶಸ್ತಿ ಬಾಚಿಕೊಂಡ ರಾಮ್ ರೆಡ್ಡಿ ನಿರ್ದೇಶನದ 'ತಿಥಿ' ಸಿನಿಮಾ ಇದೀಗ ಮತ್ತೆ 19ನೇ ಅಂತಾರಾಷ್ಟ್ರೀಯ ಶಾಂಘೈ ಚಲನಚಿತ್ರೋತ್ಸವದಲ್ಲಿ ಸ್ಪರ್ಧೆಗಿಳಿದಿದೆ.
19ನೇ ಶಾಂಘೈ ಚಲನಚಿತ್ರೋತ್ಸವದಲ್ಲಿ ಬರೋಬ್ಬರಿ ಮೂರು ವಿಭಾಗಗಳಲ್ಲಿ ಪ್ರಶಸ್ತಿ ಗೆಲ್ಲುವ ಅವಕಾಶ ಗಿಟ್ಟಿಸಿಕೊಳ್ಳಲು ತಯಾರಾಗಿದೆ. 1. ಅತ್ಯುತ್ತಮ ಚಿತ್ರ, 2.ಅತ್ಯುತ್ತಮ ನಿರ್ದೇಶಕ, 3. ಅತ್ಯುತ್ತಮ ಚಿತ್ರಕಥೆ. ಈ ಮೂರು ವಿಭಾಗಗಳಲ್ಲಿ 'ತಿಥಿ' ಸಿನಿಮಾ ಸ್ಪರ್ಧೆಗಿಳಿದಿದೆ.[ವಿಶ್ವದಾದ್ಯಂತ ಹವಾ ಎಬ್ಬಿಸಿರುವ 'ತಿಥಿ'ಯ ಚಿತ್ರವಿಮರ್ಶೆ]
ಈ ಅದ್ದೂರಿ ಚಲನಚಿತ್ರೋತ್ಸವದ ಕಾರ್ಯಕ್ರಮ ಚೀನಾದಲ್ಲಿ ಜೂನ್ 11 ರಿಂದ 19 ರವರೆಗೆ ನಡೆಯಲಿದೆ. ಈಗಾಗಲೇ ರಾಷ್ಟ್ರೀಯ ಮತ್ತು ಅಂತಾರಾಷ್ಟ್ರೀಯ ಸಿನಿಮೋತ್ಸವ ಅಂತ ಸುಮಾರು 12 ಚಲನಚಿತ್ರೊತ್ಸವಗಳಲ್ಲಿ ಸ್ಪರ್ಧಿಸಿರುವ ಈ ಸಿನಿಮಾ ಬರೋಬ್ಬರಿ 13 ಪ್ರಶಸ್ತಿ ಗಳಿಸಿದೆ.['ಫಿಲ್ಮಿಬೀಟ್ ಕನ್ನಡ ವಿಶೇಷ'; 'ಅತ್ಯುತ್ತಮ ಪೋಷಕ ನಟಿ' ಪೂಜಾ ಸಂದರ್ಶನ]
ಇಡೀ ಭಾರತದಿಂದ 'ತಿಥಿ' ಒಂದೇ ಸಿನಿಮಾ 19ನೇ ಶಾಂಘೈ ಸಿನಿಮೋತ್ಸವಕ್ಕೆ ಆಯ್ಕೆಯಾಗಿರುವುದು ಎಂಬ ವಿಚಾರ ಇಡೀ ಭಾರತಕ್ಕೆ ಹೆಮ್ಮೆಯಾಗಿದೆ. ಇನ್ನುಳಿದಂತೆ 'ಒನ್ ನೈಟ್ ಓನ್ಲಿ', 'ಲ್ಯಾಂಡ್ ಆಫ್ ದ ಲಿಟಲ್ ಪೀಪಲ್' ಮತ್ತು 'ಡಿಟೆಕ್ಟಿವ್ ಚೈನಾ ಟೌನ್' ಎಂಬ ಮೂರು ಹಾಲಿವುಡ್ ಸಿನಿಮಾಗಳು ಈ ಚಲನಚಿತ್ರೋತ್ಸವದಲ್ಲಿ ಕಣಕ್ಕಿಳಿದಿವೆ.
ಶಾಂಘೈ ಚಲನಚಿತ್ರೋತ್ಸವದಲ್ಲಿ ಕನ್ನಡ ಚಿತ್ರ 'ತಿಥಿ'ಯ ಸ್ಕ್ರೀನಿಂಗ್ ಜೂನ್ 15, 18 ಮತ್ತು 19 ರಂದು ನಡೆಯಲಿದೆ. ಈರೇ ಗೌಡ ಅವರು ಬರೆದಿರುವ ಕಥೆಗೆ ನಿರ್ದೇಶಕ ರಾಮ್ ರೆಡ್ಡಿ ಅವರು ಆಕ್ಷನ್-ಕಟ್ ಹೇಳಿದ್ದಾರೆ.