»   » ರಿಯಲ್ ಸ್ಟಾರ್ 'ಉಪ್ಪಿ 2'ಗೆ ಏಪ್ರಿಲ್ ನಲ್ಲಿ ಶೂಟಿಂಗ್

ರಿಯಲ್ ಸ್ಟಾರ್ 'ಉಪ್ಪಿ 2'ಗೆ ಏಪ್ರಿಲ್ ನಲ್ಲಿ ಶೂಟಿಂಗ್

Written by: ಉದಯರವಿ
Subscribe to Filmibeat Kannada

'ಬ್ರಹ್ಮ' ಚಿತ್ರದ ಬಳಿಕ ರಿಯಲ್ ಸ್ಟಾರ್ ಉಪೇಂದ್ರ ಅಭಿನಯದ ಮತ್ತೊಂದು ಬಹುನಿರೀಕ್ಷಿತ ಹಾಗೂ ಭಾರಿ ಬಜೆಟ್ ಚಿತ್ರ 'ಉಪ್ಪಿ 2'. ಸದ್ದಿಲ್ಲದಂತೆ ಈ ಚಿತ್ರದಲ್ಲಿ ಉಪೇಂದ್ರ ತಲ್ಲೀನರಾಗಿದ್ದಾರೆ. ಇದೇ ಯುಗಾದಿ ಹಬ್ಬಕ್ಕೆ 'ಉಪ್ಪಿ 2' ಸೆಟ್ಟೇರುತ್ತಿದೆ.

ಸದ್ಯಕ್ಕೆ ಉಪೇಂದ್ರ ಅವರು ಬಸವಣ್ಣ ಚಿತ್ರದಲ್ಲಿ ಬಿಜಿಯಾಗಿದ್ದಾರೆ. ಈ ಚಿತ್ರದ ಶೂಟಿಂಗ್ ಟರ್ಕಿಯಲ್ಲಿ ಭರದಿಂದ ಸಾಗುತ್ತಿದೆ. ಅಲ್ಲೇ 'ಉಪ್ಪಿ 2' ಚಿತ್ರಕ್ಕೆ ಡೈಲಾಗ್ ಬರೆಯುತ್ತಿದ್ದಾರೆ. ಉಪ್ಪಿ ಚಿತ್ರ ಅಂದ್ರೆ ಡೈಲಾಗ್ ಗಳಿಗೆ ಹೆಚ್ಚಿನ ಆದ್ಯತೆ ಇರುತ್ತದೆ. ಅದಕ್ಕೆ ತಕ್ಕಂತೆ ಡೈಲಾಗ್ ಗಳು ಮೂಡಿಬಂದಿವೆಯಂತೆ. ['ಉಪ್ಪಿ 2' ಬಗ್ಗೆ ಕೈಕೈ ಹಿಸುಕಿಕೊಂಡವರು!]

Uppi 2 poster

ತಮ್ಮ ನಿರ್ದೇಶನದ ಚಿತ್ರ ಯಾವಾಗ ಎಂದು ಎಲ್ಲರೂ ಕೇಳುತ್ತಿದ್ದಾರೆ. ಅವರಿಗೂ ಡೇಟ್ಸ್ ಹೇಳಿ ಹೇಳಿ ಸಾಕಾಗಿತ್ತು. ಇದೇ ಯುಗಾದಿಗೆ ಚಿತ್ರಕ್ಕೆ ಮುಹೂರ್ತ. ಏಪ್ರಿಲ್ ನಲ್ಲಿ ಶೂಟಿಂಗ್ ಎಂದು ಅವರು ಟರ್ಕಿಯಿಂದಲೇ ಮೆಸೇಜ್ ರವಾನಿಸಿದ್ದಾರೆ.

ಕಂಠೀರವ ಸ್ಟುಡಿಯೋದಲ್ಲಿ ಉಪೇಂದ್ರ ತಮ್ಮ 45 ಹುಟ್ಟುಹಬ್ಬವನ್ನು ಅದ್ದೂರಿಯಾಗಿ ಆಚರಿಸಿಕೊಂಡ ಸಂದರ್ಭದಲ್ಲಿ ಚಿತ್ರಕ್ಕೆ ಚಾಲನೆ ನೀಡಿದ್ದರು. ಈಗ ಅದಕ್ಕೆ ಮುಹೂರ್ತ ಮಾಡಿ ಶೂಟಿಂಗ್ ಆರಂಭಿಸುತ್ತಿದ್ದಾರೆ.

ಇನ್ನು ಉಪ್ಪಿ 2 ಚಿತ್ರಕ್ಕೆ ನಾಯಕಿಯನ್ನೂ ಆಯ್ಕೆ ಮಾಡಲಾಗಿದೆಯಂತೆ. ಅದು ಯಾರು ಎಂಬುದು ಗೊತ್ತಾಗಬೇಕಾದರೆ ಯುಗಾದಿ ತನಕ ಕಾಯಬೇಕಂತೆ. ಈ ಚಿತ್ರಕ್ಕೆ ಪ್ರಿಯಾಂಕಾ ಅವರೇ ಕಾಸ್ಟ್ಯೂಮ್ ಡಿಸೈನ್ ಎಂಬುದು ವಿಶೇಷ.

ಕನ್ನಡ ಚಿತ್ರರಂಗದ ಬ್ಲಾಕ್ ಬಸ್ಟರ್ ಚಿತ್ರ 'ಉಪೇಂದ್ರ' ಚಲನಚಿತ್ರದ ಮುಂದುವರೆದ ಭಾಗ 'ಉಪ್ಪಿ 2' ಆಗಿದೆ. ಉಪ್ಪಿ 2 ಚಿತ್ರವನ್ನು ಪ್ರಿಯಾಂಕಾ ಉಪೇಂದ್ರ ಮತ್ತು ಸಿ.ಆರ್ ಮೋಹನ್ ಅವರು ಉಪೇಂದ್ರ ಪ್ರೋಡಕ್ಷನ್ಸ್ ಬ್ಯಾನರ್ ಅಡಿಯಲ್ಲಿ ನಿರ್ಮಿಸುತ್ತಿದ್ದಾರೆ.

English summary
Kannada movie Uppi 2 shooting will start from April 2014, Priyanka Upendra is executive producer, Ashok Kashyap camera, Gurukiran music, Sri Editing part of the film.
Please Wait while comments are loading...