ಮುಖಪುಟ

ಸಿನಿ ಸಮಾಚಾರ

ಪದ್ಮಭೂಷಣ ಡಾ. ರಾಜಕುಮಾರ್ ಅವರ ಜೀವನಾಧಾರಿತ " ಡಾ.ರಾಜಕುಮಾರ್ ದಿ ಪರ್ಸನ್ ಬಿಹೈಂಡ್ ದಿ ಪರ್ಸನಾಲಿಟಿ" ಕೃತಿ ಲಂಡನ್ನಿನ ಬ್ರಿಟಿಷ್ ಗ್ರಂಥಾಲಯಕ್ಕೆ ಸೇರ್ಪಡೆಯಾಗಿದೆ.

"ಡಾ.ರಾಜಕುಮಾರ್ ವ್ಯಕ್ತಿತ್ವದ ಹಿಂದಿನ ವ್ಯಕ್ತಿ" ಎನ್ನುವ ಹೆಸರಿನಲ್ಲಿ ಕೃತಿ ಕನ್ನಡದಲ್ಲೂ ಬಿಡುಗಡೆಯಾಗಿತ್ತು. ಪತ್ರಕರ್ತ ಆರ್ ಮಂಜುನಾಥ್ ಮತ್ತು ಅವರ ಪತ್ನಿ ಡಾ. ಸೌಮ್ಯಾ ಮಂಜುನಾಥ್ ಈ ಕೃತಿಯನ್ನು ಗ್ರಂಥಾಲಯದ ಮುಖ್ಯಸ್ಥೆ ಡಾ. ಕ್ಯಾಥರೀನ್ ಈಗಲ್ ಟನ್ ಅವರಿಗೆ ಹಸ್ತಾಂತರಿಸಿದ್ದಾರೆ.

ಈ ಪುಸ್ತಕದ ಲೇಖಕರು ಪುನೀತ್ ರಾಜಕುಮಾರ್ ಮತ್ತು ಲೇಖಕ ಪ್ರಕೃತಿ ಬನವಾಸಿ. ಲಂಡನ್ನಿನ ನೆಹರೂ ಕೇಂದ್ರದಲ್ಲಿ ಡಾ. ಸೌಮ್ಯಾ ವಸ್ತು ಪ್ರದರ್ಶನವನ್ನು ಆಯೋಜಿಸಿದ್ದರು.

ಈ ವಸ್ತು ಪ್ರದರ್ಶನದಲ್ಲಿ ಎಲ್ಲೆಲ್ಲೂ ಅಣ್ಣಾವ್ರ ಭಾವಚಿತ್ರಗಳು ರಾರಾಜಿಸುತ್ತಿದ್ದವು. ಕಳೆದ ವರ್ಷ ರಾಜ್ ಹುಟ್ಟು ಹಬ್ಬದ ಸಮಯದಲ್ಲಿ ಈ ಪುಸ್ತಕವನ್ನು ಪುನೀತ್ ರಾಜಕುಮಾರ್ ಬಿಡುಗಡೆ ಮಾಡಿದ್ದರು.

ಈ ಪುಸ್ತಕದಲ್ಲಿ ರಾಜ್ ಅವರ ಅಪರೂಪದ ಸುಮಾರು 1750ಕ್ಕೂ ಹೆಚ್ಚು ಭಾವಚಿತ್ರಗಳಿವೆ. ಪುಸ್ತಕ ಮಾರಾಟದಿಂದ ಬಂದ ರು.35 ಲಕ್ಷಗಳನ್ನು ಶಿಥಿಲಾವಸ್ಥೆಯಲ್ಲಿರುವ ಕನ್ನಡ ಶಾಲೆಗಳ ಅಭಿವೃದ್ದಿಗೆ ನೀಡಲಾಗುವುದು ಎಂದು ಪುನೀತ್ ರಾಜಕುಮಾರ್ ಹೇಳಿದ್ದರು.