»   » ಮತ್ತೊಮ್ಮೆ ಶಕ್ತಿ ಪ್ರದರ್ಶನಕ್ಕೆ ಸಜ್ಜಾದ ಮಾಲಾಶ್ರೀ

ಮತ್ತೊಮ್ಮೆ ಶಕ್ತಿ ಪ್ರದರ್ಶನಕ್ಕೆ ಸಜ್ಜಾದ ಮಾಲಾಶ್ರೀ

Posted by:
Subscribe to Filmibeat Kannada

ಇತ್ತೀಚಿಗಷ್ಟೇ ತಮ್ಮ 'ಶಕ್ತಿ' ಪ್ರದರ್ಶನ ಮಾಡಿದ್ದ ಮಾಲಾಶ್ರೀ ಇದೀಗ ಮತ್ತೊಮ್ಮೆ ತೆರೆಯ ಮೇಲೆ ಬರಲು ಸಜ್ಜಾಗುತ್ತಿದ್ದಾರೆ. ಮಾಲಾಶ್ರೀ ಅಭಿನಯದ 'ಶಕ್ತಿ' ಚಿತ್ರವು ಬಿಕೆಟಿ ಏರಿಯಾಗಳಲ್ಲಿ ಸಾಕಷ್ಟು ಸುದ್ದಿ ಮಾಡಿತ್ತು. ಅದಕ್ಕಿಂತ ಹೆಚ್ಚಾಗಿ ಉತ್ತರ ಕರ್ನಾಟಕದಲ್ಲಿ ಚಿತ್ರ 150 ದಿನಗಳಿಗೂ ಮೀರಿ ಯಶಸ್ವಿ ಪ್ರದರ್ಶನ ಕಂಡಿದೆ. ಈ ಮೂಲಕ ಮಾಲಾಶ್ರೀ ಈಗಲೂ 'ಬಾಕ್ಸ್ ಆಫೀಸ್'ನಲ್ಲಿ ಓಡುವ ಕುದುರೆ ಎಂಬುದು ಸಾಬೀತಾಗಿದೆ.

ಕೆ ಮಂಜು ನಿರ್ಮಾಣದ ಚಿತ್ರದಲ್ಲಿ ಮಾಲಾಶ್ರೀ ಮತ್ತೆ ಬಣ್ಣ ಹಚ್ಚಲಿದ್ದಾರೆ. ಇನ್ನೂ ಹೆಸರಿಡದ ಈ ಚಿತ್ರವನ್ನು ಆನಂದ್ ಪಿ ರಾಜು ನಿರ್ದೇಶಿಸಲಿದ್ದಾರೆ. ಆಕ್ಷನ್ ಚಿತ್ರಗಳಿಗೆ ಹೆಸರಾದ ಆನಂದ್ ಪಿ ರಾಜು ಅವರ 23 ನೇ ಚಿತ್ರ ಇದಾಗಿದ್ದು ಇದರಲ್ಲಿ ಮಾಲಾಶ್ರೀ ಡಿಸಿ (ಜಿಲ್ಲಾಧಿಕಾರಿ) ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಈ ಚಿತ್ರದಲ್ಲಿ ಮತ್ತೊಬ್ಬ ನಾಯಕಿಯೂ ಇರಲಿದ್ದು ಅವರು ಯಾರು ಎಂಬುದನ್ನು ಇನ್ನೂ ಗೌಪ್ಯವಾಗಿಯೇ ಇಡಲಾಗಿದೆ.

ಈ ಮೊದಲು, ಕೆ ಮಂಜು ನಿರ್ಮಾಣ ಹಾಗೂ ಇಮ್ರಾನ್ ಸರ್ದಾರಿಯಾ ನಿರ್ದೇಶನದ 'ಡವ್ ಮಾಸ್ಟರ್ಸ್' ಚಿತ್ರದಲ್ಲಿ ಮಾಲಾಶ್ರೀ ಒಂದು ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ ಎನ್ನಲಾಗಿತ್ತು. ಆದರೆ 'ಡವ್ ಮಾಸ್ಟರ್ಸ್' ಚಿತ್ರದಲ್ಲಿ ಮೂವರಲ್ಲೊಬ್ಬ ನಾಯಕರಾಗಿದ್ದ ದಿಗಂತ್ ಚಿತ್ರದಿಂದ ಹೊರಹೋದ ಕಾರಣ ಆ ಚಿತ್ರದ ನಿರ್ಮಾಣ ಸ್ವಲ್ಪ ಮುಂದಕ್ಕೆ ಹೋಗಿದೆ. ಹೀಗಾಗಿ ಇದ್ದ ಮಾಲಾಶ್ರೀ ಕಾಲದ ಶೀಟ್ ಅನ್ನು ಈ ಚಿತ್ರಕ್ಕೆ ನಿರ್ಮಾಪಕ ಕೆ ಮಂಜು ಬಳಸಿಕೊಂಡಿದ್ದಾರೆ.

ಇನ್ನು ಮಾಲಾಶ್ರೀ ಅಭಿನಯದ ಹೆಸರಿಡದ ಈ ರಫ್ ಅಂಡ್ ಟಫ್ ಚಿತ್ರವು ಶಿವಮೊಗ್ಗ ಹಾಗೂ ಸಮಿಪದ ಹಳ್ಳಿಯೊಂದರಲ್ಲಿ ನಡೆಯಲಿದೆ. ಜಗದೀಶ್ ವಾಲಿ ಛಾಯಾಗ್ರಾಹಕರಾಗಿರುವ ಈ ಚಿತ್ರಕ್ಕೆ ಸಂಗೀತ ನಿರ್ದೇಶಕರು ಇನ್ನಷ್ಟೇ ಆಯ್ಕೆಯಾಗಬೇಕಿದೆ. ಚಿತ್ರಕಥೆ ಹಾಗೂ ಸಂಭಾಷಣೆಯನ್ನು ಎಂ ಎಸ್ ರಮೇಶ್ ಮಾಡಲಿದ್ದು ನವೆಂಬರ್ ನಂತರ ಈ ಚಿತ್ರಕ್ಕೆ ಮುಹೂರ್ತ ನಡೆಯಲಿದೆ. ಒಟ್ಟಿನಲ್ಲಿ ಮಾಲಾಶ್ರೀ ಅಭಿಮಾನಿಗಳಿಗೆ ಮತ್ತೊಮ್ಮೆ ಸಂತೋಷದ ಸುದ್ದಿ ಸಿಕ್ಕಿದೆ. (ಒನ್ ಇಂಡಿಯಾ ಕನ್ನಡ)

English summary
There is a news buzz that Action Queen Malashri to act another action based movie under K Manju Production. Director Anand P Raju directs this movie after the November 2012 for Malashri. After recent her Shakti, Malashri to come with another movie to Screen.
Please Wait while comments are loading...
Best of 2016

Kannada Photos

Go to : More Photos