ಮುಖಪುಟ

ಸಿನಿ ಸಮಾಚಾರ

ನಟಿ ಮೇಘನಾ ರಾಜ್ ಸಾಲು ಸಾಲು ಚಿತ್ರಗಳಲ್ಲಿ ಅಭಿನಯಿಸುತ್ತಿದ್ದಾರೆ. ಕೇವಲ ಅಭಿನಯ ಮಾತ್ರವಲ್ಲ, ಇತ್ತೀಚಿಗೆ ಗಾಯನದಲ್ಲೂ ಹೆಚ್ಚು ತೊಡಗಿಸಿಕೊಳ್ಳುತ್ತಿದ್ದಾರೆ. ತೆರೆಮೇಲೆ ತಮ್ಮ ನಟನೆಯಿಂದ ಮಿಂಚುವ ಮೇಘನಾ ಈಗ ತೆರೆಹಿಂದೆನೂ ಕಮಾಲ್ ಮಾಡುತ್ತಿದ್ದಾರೆ.[ಯಶಸ್ಸು ಅಂದ್ರೆ 6 ತಿಂಗಳಿಗೊಂದು ಸಿನಿಮಾ ಮಾಡೋದಲ್ಲ: ಮೇಘನಾ]

ಹೌದು, ಮೇಘನಾ ರಾಜ್ ಪ್ರಮುಖ ಪಾತ್ರದಲ್ಲಿ ಅಭಿನಯಿಸುತ್ತಿರುವ 'ಜಿಂದಾ' ಚಿತ್ರದ ಹಾಡೊಂದಕ್ಕೆ ತಾವೇ ದ್ವನಿಯಾಗುತ್ತಿದ್ದಾರೆ. ಈ ಮೂಲಕ 'ಜಿಂದಾ' ಚಿತ್ರದಲ್ಲಿ ಕೇವಲ ನಾಯಕಿಯಾಗಿ ಮಾತ್ರವಲ್ಲದೇ ಗಾಯಕಿಯಾಗಿಯೂ ಬದಲಾಗಿದ್ದಾರೆ. ಮೇಘನಾ ಗಾಯಕಿಯಾಗಿರುವುದು ಇದೇ ಮೊದಲಲ್ಲ. ಈ ಹಿಂದೆ ಶ್ರೀನಗರ ಕಿಟ್ಟಿ ಹಾಗೂ ಮೇಘನಾ ರಾಜ್ ಅಭಿನಯದ 'ಬಹುಪರಾಕ್' ಚಿತ್ರದಲ್ಲಿ ಕೂಡ ಮೇಘನಾ ಹಾಡೊಂದಕ್ಕೆ ಧ್ವನಿಯಾಗಿದ್ದರು. ಇನ್ನೂ ಮಲಯಾಳಂ ಚಿತ್ರದಲ್ಲೂ ಮೇಘನಾ ಕಂಠದಲ್ಲಿ ಹಾಡು ಮೂಡಿಬಂದಿದೆ.['ನೂರೊಂದು ನೆನಪು'ಗಳಲ್ಲಿ ಚೇತನ್-ಮೇಘನಾ ರಾಜ್]

ಅಂದ್ಹಾಗೆ, 'ಜಿಂದಾ' 1979-85ರ ವರೆಗಿನ ಸಮಯದಲ್ಲಿ ನಡೆದಂಥ ನೈಜಕಥೆಯನ್ನಾಧರಿಸಿದ ಚಿತ್ರ. ನಿರ್ದೇಶಕ ಮುಸ್ಸಂಜೆ ಮಹೇಶ್ ಈ ಕಥೆಯನ್ನ ನಿರ್ದೇಶನ ಮಾಡುತ್ತಿದ್ದು, ದತ್ತಾತ್ರೇಯ ಬಚ್ಚೇಗೌಡ ಈ ಚಿತ್ರವನ್ನು ನಿರ್ಮಿಸುತ್ತಿದ್ದಾರೆ. ಇನ್ನೂ ಶ್ರೀಧರ್ ವಿ.ಸಂಭ್ರಮ 'ಜಿಂದಾ' ಚಿತ್ರಕ್ಕೆ ಸಂಗೀತ ಸಂಯೋಜನೆ ಮಾಡುತ್ತಿದ್ದಾರೆ.

ಒಂದು ಹೆಣ್ಣಿನಿಂದ ಆರು ಜನ ಯುವಕರ ಜೀವನದಲ್ಲಿ ದೊಡ್ಡ ಅಲ್ಲೋಲ ಕಲ್ಲೋಲವೇ ನಡೆದು ಹೋಗುತ್ತೆ. ಆ ಘಟನೆಯ ಸುತ್ತಾವೇ ಚಿತ್ರಕಥೆಯನ್ನ ಎಣೆಯಲಾಗಿದ್ದು, ಆ ಹೆಣ್ಣಿನ ಪಾತ್ರದಲ್ಲಿ ಮೇಘನಾ ರಾಜ್ ಕಾಣಿಸಿಕೊಳ್ಳುತ್ತಿದ್ದಾರೆ. ಉಳಿದಂತೆ ಅರುಣ್, ಲೋಕಿ, ಕೃಷ್ಣ, ಯುವರಾಜ, ನಟ ಅನಿರುದ್ಧ್ ಪ್ರಮುಖ ಪಾತ್ರಗಳಲ್ಲಿ ಅಭಿನಯಿಸುತ್ತಿದ್ದಾರೆ. ಇನ್ನೂ ವಿಶೇಷ ಪಾತ್ರದಲ್ಲಿ ಡೈನಾಮಿಕ್ ಹೀರೋ ದೇವರಾಜ್ ಅಭಿನಯಿಸುತ್ತಿದ್ದಾರೆ.