ಮಂಡ್ಯದಲ್ಲಿ ಸತೀಶನ ಲವ್ ಒಪ್ಕೊಂಡ್ ಬಿಟ್ಲು ಕಣ್ಲಾ

30 ವರ್ಷಗಳ ಹಿಂದಿನ ಕ್ಯಾಮೆರಾ ಲೆನ್ಸ್

ಚಿತ್ರತಂಡ 90ರ ದಶಕದ ಹಾಡೊಂದನ್ನ ಚಿತ್ರದಲ್ಲಿ ಚಿತ್ರೀಕರಿಸಿದೆ. ಇದರ ಎಫೆಕ್ಟ್ ಗಾಗಿ ಹಳೆಯ ಕಾಲದ ಕ್ಯಾಮೆರಾಮನ್ ಗಳ ಮನೆಯನ್ನ ತಡಕಾಡಿ ಅವತ್ತು ಕ್ಯಾಮೆರಾಗೆ ಬಳಸುತ್ತಿದ್ದ ಲೆನ್ಸ್ ಗಳನ್ನ ಬಳಸಿ ಶೂಟ್ ಮಾಡಲಾಗಿದೆ. ಹಳೆಯ ಕಾಲದ ರೆಟ್ರೋ ಶೈಲಿಯ ಸಾಂಗ್ ಫೀಲ್ ನಿಮಗೆ ಇಲ್ಲೂ ಸಿಗೋದು ಖಂಡಿತ.

ಮಂಡ್ಯದ ಗಂಡು ಅಂಬಿ ಝಲಕ್

ಚಿತ್ರದ ಹಾಡೊಂದರಲ್ಲಿ ಮಂಡ್ಯದ ಗಂಡು ಅಂಬಿಯ 'ಮಂಡ್ಯದ ಗಂಡು' ಹಾಡಿನ ರೀತಿಯ ಸೆಟ್ ಹಾಕಿ ನೀನಾಸಂ ಸತೀಶ್ ಕೂಡ ಸೈಕಲ್ ಹತ್ತಿ ಅಂಬಿಯ ತರಹಾನೇ ಮಂಡ್ಯದ ಗಂಡು ಅಂತ ಸೈಕಲ್ ತುಳಿಯೋದು ಚಿತ್ರಪ್ರೇಮಿಗಳಿಗೆ ಥ್ರಿಲ್ ಕೊಡಲಿದೆ. ಇನ್ನು ಎಲ್ಲಾದ್ರೂ ಗ್ಯಾಪಲ್ಲಿ ಹಳೆಯ ಅಂಬಿ ಡೈಲಾಗ್ ಜೊತೆ ಎಂಟ್ರಿಕೊಟ್ರೂ ಅಚ್ಚರಿಯಿಲ್ಲ.

ಬಪ್ಪಿ ಲಹಿರಿ ಕರೆಂಟ್ ಸಾಂಗು

ಬಪ್ಪಿ ಲಹಿರಿ ಹಾಡೋದನ್ನ ಕೇಳೋದೇ ಒಂಥರಾ ಮಜಾ. ಈಗ ಬಪ್ಪಿ ಕನ್ನಡದಲ್ಲಿ ಕರೆಂಟು ಹೋದ ಟೈಮಲ್ಲಿ ಅನ್ನೋ ಕರೆಂಟ್ ಶಾಕ್ ಕೊಡೋ ಹಾಡನ್ನ ಹಾಡಿದ್ದಾರೆ. ಇದರಲ್ಲಿ ಸಿಂಧು-ಸತೀಶ್ ರೋಮ್ಯಾನ್ ಪ್ರೇಕ್ಷಕರಿಗೆ ಕಿಕ್ ಕೊಡಲಿದೆ.

ಒಪ್ಕೊಂಬುಟ್ಲು ಕಣ್ಲಾ ಸೂಪರ್ ಹಿಟ್

ಚಿತ್ರದಲ್ಲಿ ಸುಂದರವಾಗಿ ಮೂಡಿ ಬಂದಿರೋ "ಒಪ್ಕೊಂಬುಟ್ಲು ಕಣ್ಲಾ..." ಹಾಡು ಈಗಾಗ್ಲೇ ಪ್ರೇಕ್ಷಕರ ಎದೆಬಡಿತ ಹೆಚ್ಚಿಸ್ತಿದೆ. ಅನೂಪ್ ಸಂಗೀತಕ್ಕೆ ಅರಸು ಅಂತಾರೆ ಲಿರಿಕ್ಸ್ ಹದವಾಗಿ ಬೆರೆತಿದೆ.

ಮಂಡ್ಯ ಜೋಡಿಯ ಚಿತ್ರ

ಲವ್ ಇನ್ ಮಂಡ್ಯ ಪ್ಯೂರ್ ಮಂಡ್ಯ ಮಣ್ಣಿನ ಚಿತ್ರ. ಇದಕ್ಕೆ ಕಾರಣ ಚಿತ್ರದ ನಾಯಕ ಮತ್ತು ನಿರ್ದೇಶಕ ಇಬ್ಬರೂ ಮಂಡ್ಯದವರೇ ಆಗಿರೋದು. ಚಿತ್ರದ ನಾಯಕ ಸತೀಶ್ ಮತ್ತು ನಿರ್ದೇಶಕ ಅರಸು ಅಂತಾರೆ ಇಬ್ಬರೂ ಮಂಡ್ಯದವರೇ ಆಗಿರೋದ್ರಿಂದ ಮಂಡ್ಯ ಸಿನಿಮಾ ಅನ್ನೋದ್ರಲ್ಲಿ ಅನುಮಾನವಿಲ್ಲ. ಇನ್ನು ಟೈಟಲ್ಲೇ ಲವ್ ಇನ್ ಮಂಡ್ಯ.

ಆರೂ ಹಾಡುಗಳ ಅರಸು

ಚಿತ್ರದಲ್ಲಿ ಆರು ಹಾಡುಗಳಿದ್ದು ಅಷ್ಟೂ ಹಾಡುಗಳನ್ನ ನಿರ್ದೇಶಕ ಕಮ್ ಲಿರಿಕ್ಸ್ ರೈಟರ್ ಅರಸು ಅಂತಾರೆಯವರೇ ಬರೆದಿದ್ದಾರೆ. ಇನ್ನು ಚಿತ್ರದಲ್ಲಿ ಸುಜ್ಙಾನ್ ಕ್ಯಾಮೆರಾ ಕೈಚಳಕ ನಿಮಗೆ ಮೋಡಿ ಮಾಡಲಿದೆ.