»   » ವರ್ಮಾ ಶಿಷ್ಯನ ಒಂದು ರೊಮ್ಯಾಂಟಿಕ್ ಕ್ರೈಂ ಕಥೆ

ವರ್ಮಾ ಶಿಷ್ಯನ ಒಂದು ರೊಮ್ಯಾಂಟಿಕ್ ಕ್ರೈಂ ಕಥೆ

Posted by:
Subscribe to Filmibeat Kannada

ಭಾರತೀಯ ಸಿನೆಮಾದ ಅತ್ಯಂತ ಚಿರಪರಿಚಿತ ಹೆಸರು ರಾಮ್ ಗೋಪಾಲ್ ವರ್ಮ. ಅವರ ಶಿಷ್ಯಂದಿರ ಬಳಗ ಬಹಳವೆ ಇದೆ. ಅದರಲ್ಲಿ ಒಬ್ಬ ಶಿಷ್ಯ ಶಶುನರಾಜು ನಾಯಕುಲ ರೀಮೇಕ್ ಸಿನಿಮಾದೊಂದಿಗೆ ಕನ್ನಡಕ್ಕೆ ಆಗಮಿಸುತ್ತಿದ್ದಾರೆ.

ರಾಮ್ ಗೋಪಾಲ್ ವರ್ಮ ಅವರ 'ಸತ್ಯ-2' ಸಿನೆಮಾದಲ್ಲಿ ಅಸೋಸಿಯೇಟ್ ನಿರ್ದೇಶಕರಾದ ಶಶುನರಾಜು ನಾಯಕುಲ ಅವರು ಕನ್ನಡಲ್ಲಿ ಸ್ವತಂತ್ರ ನಿರ್ದೇಶಕರಾಗಿ ಆಗಮಿಸುತ್ತಿದ್ದಾರೆ. ತೆಲುಗು ಭಾಷೆಯಲ್ಲಿ ಜನಪ್ರಿಯತೆ ಪಡೆದ 'ಒಕ ರೊಮ್ಯಾಂಟಿಕ್ ಕ್ರೈಂ ಕಥಾ' ಕನ್ನಡದಲ್ಲಿ 'ಒಂದು ರೊಮ್ಯಾಂಟಿಕ್ ಕ್ರೈಂ ಕಥೆ' ಆಗಿ ಸೆಟ್ಟೇರುತ್ತಿದೆ.

Oka Romantic Crime Katha remade in Kannada

ಆಂಧ್ರಪ್ರದೇಶದಲ್ಲಿ ಹೆಸರಾದ ಉದ್ಯಮಿ ಡಾಕ್ಟರ್ ಮಲಿನೇನಿ ಲಕ್ಷ್ಮಯ್ಯ ಅವರು 'ಮಲಿನೇನಿ ಪ್ರೊಡಕ್ಷನ್ ಪ್ರೈವೇಟ್ ಲಿಮಿಟೆಡ್' ಅಡಿಯಲ್ಲಿ ಈ ಚಿತ್ರವನ್ನು ಕನ್ನಡದಲ್ಲಿ ತಯಾರಿಸುತ್ತಿದ್ದಾರೆ. ಮಲಿನೇನಿ ಇನ್ಸ್ ಟಿಟ್ಯೂಟ್ ಆಫ್ ಇಂಜಿನಿಯರಿಂಗ್, ಟೆಕ್ನಾಲಜಿ, ಮೆಡಿಸಿನ್ ಶಿಕ್ಷಣ ಸಂಸ್ಥೆಗಳು ಜನಪ್ರಿಯತೆ ಪಡೆದಿದೆ.

ಈ ಚಿತ್ರದ ಕಥಾಹಂದರ ಇಂದಿನ ಸಾಮಾಜಿಕ ಬದುಕಿಗೆ ಸಂಬಂದಪಟ್ಟ ವಿಚಾರ ಆಗಿದೆ. ದೂರದ ಊರುಗಳಿಂದ ಶ್ರೀಮಂತ ಮನೆತನದ ಮಕ್ಕಳು ಶಿಕ್ಷಣಕ್ಕಾಗಿ ಬೇರೆ ರಾಜ್ಯಗಳಿಗೆ ಬಂದು ಸಹವಾಸದೋಷದಿಂದ ಮೋಜು, ಮಸ್ತಿಯಲ್ಲಿ ತೊಡಗಿಕೊಂಡು ಸಮಾಜಕ್ಕೆ ಒಂದು ಪಿಡುಗಾಗಿ ಬಿಡುವುದು ಈ ಚಿತ್ರದ ಎಳೆ. [ಹೆಣ್ಣೆಂದರೆ ಕೇವಲ ಕಾಮತೃಷೆ ತೀರಿಸುವ ವಸ್ತು]

ಶಶುನರಾಜು ಅವರು ಈ ಹಿಂದೆ '1940ಲೋ ಒಕ ಗ್ರಾಮಮ್' ಎಂಬ ತೆಲುಗು ಸಿನಿಮಾಕ್ಕೆ ಸಹಾಯಕ ನಿರ್ದೇಶಕರಾಗಿ ರಾಷ್ಟ್ರಪ್ರಶಸ್ತಿ ಗಳಿಸಿದ್ದರು. ಪ್ರಭುದೇವ ಅವರ ಛಾಯಾಗ್ರಹಣ ಈ ಚಿತ್ರಕ್ಕಿದೆ. ಕಲಾವಿದರ ಆಯ್ಕೆ ಪ್ರಕ್ರಿಯೆ ಇದೀಗ ಪ್ರಾರಂಭವಾಗಿದೆ. ಅಭಿನಯಿಸಲು ಇಚ್ಛಿಸುವವರು ತಮ್ಮ ವಿವರಗಳನ್ನು ಕಳುಹಿಸಬೇಕಾದ ಇ-ಮೇಲ್ ವಿಳಾಸ: malineniproductions@gmail.com (ಒನ್ಇಂಡಿಯಾ ಕನ್ನಡ)

English summary
P Sunil Kumar Reddy’s ‘Oka Romantic Crime Katha’ is going to be remade in Kannada. Speaking on this occasion director Sunil said “The Kannada remake will be made with all new comers, ”. The film which depicts the life of three young girls, has full run at the box office.
Please Wait while comments are loading...

Kannada Photos

Go to : More Photos