Don't Miss!
- Sports CSK vs LSG IPL 2024: ಮಾರ್ಕಸ್ ಸ್ಟೋಯಿನಿಸ್ ಆರ್ಭಟಕ್ಕೆ ಸಿಎಸ್ಕೆ ಥಂಡಾ; ಚೆನ್ನೈಗೆ ನೀರು ಕುಡಿಸಿದ ಲಕ್ನೋ
- News ಮಂಡ್ಯದಲ್ಲಿ ಕಾಂಗ್ರೆಸ್ ಅಭ್ಯರ್ಥಿ ಪರ ಪ್ರಚಾರ: ಕಾರಣ ತಿಳಿಸಿದ ಚಾಲೆಂಜಿಂಗ್ ಸ್ಟಾರ್ ದರ್ಶನ್
- Lifestyle ಈ ಕಾರಣಕ್ಕೆ ನೀವು ಮಾವಿನ ಹಣ್ಣನ್ನು ನೀರಿನಲ್ಲಿ ನೆನೆಹಾಕಿಯೇ ತಿನ್ನಬೇಕು, ಅದು ನಿಮ್ಮ ತೋಟದಲ್ಲಿ ಬೆಳೆದಿದ್ದೇ ಆಗಿರಲಿ
- Automobiles ಪ್ರತಿ ಕಿ.ಮೀ ಚಲಿಸಲು 3.3 ರೂ. ವೆಚ್ಚ: 10 ಜನರು ಪ್ರಯಾಣಿಸುವ ಟಾಟಾ ಮ್ಯಾಜಿಕ್ ಬೈ-ಫ್ಯೂಯಲ್ ಲಗ್ಗೆ
- Finance ಸಾಲ ತಂದು ನೌಕರರಿಗೆ ಸಂಬಳ ನೀಡಿದ ಬೈಜುಸ್ ಸಂಸ್ಥೆ!
- Technology Realme: ಭಾರತದಲ್ಲಿ ರಿಯಲ್ಮಿ C65 5G ಸ್ಮಾರ್ಟ್ಫೋನ್ ಲಾಂಚ್ಗೆ ದಿನಾಂಕ ಫಿಕ್ಸ್! ಫೀಚರ್ಸ್ ಲೀಕ್..
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಬಾಲಿವುಡ್ ಗೆ ಪಾಕ್ ಸೂಪರ್ ಮಾಡೆಲ್ ಮೆಹ್ರೀನ್
ಈಗ ಮತ್ತೊಬ್ಬ ಕ್ಯಾಟ್ ವಾಕ್ ಚೆಲುವೆ ಸೂಪರ್ ಮಾಡೆಲ್ ಮೆಹ್ರೀನ್ ಸೈಯೀದ್ ಎಂಬಾಕೆ ಸಲಾಮ್ ವಾಲೇಕಂ ಎಂದುಕೊಂಡು ಭಾರತಕ್ಕೆ ಅಡಿಯಿಡುತ್ತಿದ್ದಾರೆ. ಈಕೆ ಚೊಚ್ಚಲ ಚಿತ್ರವನ್ನು ಸಂಜಯ್ ಪುರಾಣ್ ಸಿಂಗ್ ಚೌಹಾಣ್ ನಿರ್ಮಿಸುತ್ತಿದ್ದಾರೆ.
ಈ ಬಗ್ಗೆ ಮಾತನಾಡಿರುವ ಚೌಹಾಣ್, "ಕಳೆದ ಏಳು ವರ್ಷಗಳಿಂದ ಮೆಹ್ರೀನಾ ಜೊತೆ ನಾನು ಸಂಪರ್ಕದಲ್ಲಿದ್ದೇನೆ. ಆದರೆ ಇಬ್ಬರೂ ಒಟ್ಟಿಗೆ ಕೆಲಸ ಮಾಡುವ ಯೋಗ ಕೂಡಿಬರಲಿಲ್ಲ. ಈಕೆ 'ಲಾಹೋರ್' ಚಿತ್ರದಲ್ಲಿ ಅಭಿನಯಿಸಬೇಕಾಗಿತ್ತು. ಆದರೆ ಅದೇ ಸಮಯಕ್ಕೆ ಆಕೆಗೆ ಲಂಡನಲ್ಲಿ ಆಕ್ಸಿಡೆಂಟ್ ಆಯಿತು. ಹಾಗಾಗಿ ಆ ಚಿತ್ರದಲ್ಲಿ ಅಭಿನಯಿಸಲು ಸಾಧ್ಯವಾಗಿರಲಿಲ್ಲ"
ಈಗ ಆಕೆಯೊಂದಿಗೆ ಚಿತ್ರ ಮಾಡಲು ಮುಂದಾಗಿದ್ದೇನೆ. ಇದಕ್ಕೆ ಆಕೆ ಒಪ್ಪಿದ್ದಾರೆ ಎನ್ನುತ್ತಾರೆ ಚೌಹಾಣ್. ಕಳೆದ ಕೆಲ ವರ್ಷಗಳಿಂದಲೂ ಆಕೆಗೆ ಬಾಲಿವುಡ್ ನಿಂದ ಆಫರ್ ಗಳ ಮೇಲೆ ಆಫರ್ ಗಳು ಬರುತ್ತಿವೆಯಂತೆ. ಆದರೆ ಆಕೆಗೆ ಒಪ್ಪಿಗೆಯಾಗುವ ಯಾವ ಚಿತ್ರಗಳು ಸಿಗದೆ ಇದ್ದ ಕಾರಣ ಸುಮ್ಮನಿದ್ದರಂತೆ.
ಈಗ ತಾವು ಕೈಗೆತ್ತಿಕೊಂಡಿರುವ ಚಿತ್ರದ ಕಥಾವಸ್ತು ಬ್ಲ್ಯಾಕ್ ಕಾಮಿಡಿ. ಭಾರತ ಉಪಖಂಡಕ್ಕೆ ಸಂಬಂಧಿಸಿದಂತೆ ಪ್ರಸ್ತುತ ರಾಜಕೀಯ ವಿಡಂಬನೆ ತಮ್ಮ ಚಿತ್ರದಲ್ಲಿರುತ್ತದೆ. ಚಿತ್ರ ಅಕ್ಟೋಬರ್ ನಿಂದ ಆರಂಭವಾಗುತ್ತದೆ ಎನ್ನುತ್ತಾರೆ ಚೌಹಾಣ್.
ಅಂದಹಾಗೆ ಮೆಹ್ರೀನ್ ನೋಡಲು ವೀಣಾ ಮಲಿಕ್ ಗಿಂತಲೂ ಅದೆಷ್ಟೋ ಪಾಲು ಚೆನ್ನಾಗಿದ್ದಾಳೆ. ಈಕೆಯ ತಾಯಿ ವಿಧವೆ, ವಕೀಲೆ. ಈಕೆಗೆ ಮೂರು ಜನ ಸಹೋದರಿಯರು ಒಬ್ಬ ಸಹೋದರ. ಲಾಹೋರಿನ ಅತಿ ಎತ್ತರದ ಮಾಡೆಲ್ (5'10'). ಈಕೆ ಮಾಡೆಲಿಂಗ್ ಕ್ಷೇತ್ರಕ್ಕೆ ಅಡಿಯಿಡಬೇಕಾದರೆ ಬಹಳಷ್ಟು ವಿರೋಧ ವ್ಯಕ್ತವಾಗಿತ್ತಂತೆ. (ಏಜೆನ್ಸೀಸ್)